"3 zangotako komiki solasak" mahai-inguru sorta, larunbat honetatik hasita
Irudia: Dani Fano
Donostiako Komikiguneak hiru mahai-inguru antolatu komikien inguruan, 1 gaztelaniaz eta 2 euskaraz, 3 zangotako komiki solasak izenburupean. Denak larunbatetan izango dira, eguerdiko 12:00tan, eta Dani Fano izango dute moderatzaile.
Lehenengoa larunbat honetan izango da, maiatzak 16, Autores vascos en el mercado internacional izenburuarekin. Hizlariak Angel Unzueta, Gregorio Muro eta Iñaki G. Holgado izango dira.
Ekainaren 13an izango da bigarrena, Umore on, umore gaizto. Bineten azido satirikoa gaiarekin eta Antton Olariaga, Asisko Urmeneta eta Patxi Huarte ZaldiEroa hizlari direla. Mahai-inguruaz gain, urtebeteren buruan egingo den ZAPART komiki-jaialdiaren aurkezpen soziala egingo da. Horretarako, solasaldiaren aurretik kale animazioa egongo da, musikariak eta marrazkilariak zuzenean jotzen eta marrazten.
Azkenik, Emakumezko komikigileak. Zergatik hain gutxi? solasaldia urriaren 17an izango da, eta honetan hizlariak Yurre Ugarte, Irene Borda eta Ainara Azpiazu Axpi izango dira.
Ezin interesgarriagoak denak, ezta?
Mezu pribatua bidali nahi nizun baina ez dut topatu nola egin.
Beharbada gustoko izan dezakezun blog baten berri eman nahi dizut (komikiei buruzkoa da).
Blog-ean sartzen bazara, kritikia guztiak ongietorriak (eta beharrezkoak!) dira, baina ez izan gogorregia mesedez. Saiakera bat da, zihur aski ez du asko iraungo (10 bat artikulu daude oraingoz). Ez-ikusiarena ere egin dezakezu...
http://cartoontimeblog.blogspot.com (izen hori izan arren euskarazko blog-a da, hobetu beharreko euskara ordea)
Irudien erabilera eztabaidagarria izan daitekeela ulertzen dut, baina beti ere erakusgarri bezala erabilita daude (lan osoak sekula ere ez dira zapuzten), gai hauei buruzko gaztetxoen heziketan laguntzeko asmoarekin, adibidez, edo interesa pizteko. Gehienak aintzinakoak dira, egile-eskubideen epea agortuta, edota gurean inoiz argitaratu ez direnak. Komiki-liburu argitalpen berriak kritikatzen dituzten blog-ek, kritikatutako liburuaren honenbeste irudi erakusten dituzte, edukiaren ideia bat emateko.
Sentitzen dut enbarazu egitea hemen, eta eskerrik asko pazientzia izateagatik. Blog ederra duzu (benetan diot).