Edukira salto egin | Salto egin nabigazioara

Tresna pertsonalak

Saioa hasi

Eibarko peoria, San Blasa baino hobia

Hemen zaude: Hasiera / Blogak / e-gorblog / 5 urte 5!

e-gorblog

5 urte 5!

e-gor 2009/12/15 22:40

2004ko abenduaren hasieran iragarri nuen Sustatun e-gorblog

Irudia: Patxitrapero

Tira, konturatu orduko 5 urte egin ditut blogintzan! 2004ko urriaren amaieran-edo hartu nuen asmoa komikiei (ez baitzen gunerik euskaraz Interneten komikiei buruz aritzeko) eta informatikari (zerbait aportatu nezakeelakoan edo) buruzko euskarazko blog bat egiteko. Luistxori galdetu nion ea Eibar.org-ek ostatatuko zidan, euskarazko blog komunitate bakarra hor baitzegoen, eta onartu zidaten. Hasteko, azaroan zehar artikulu sorta bi idatzi nituen probatarako, bata Pololoak komiki-sailaren lehen liburuari buruz eta bestea PVR-ei eta MythTV-ri buruz, eta abenduaren 2an iragarri nuen Sustatun e-gorblog sortu zela (orduan oraindik notizia zen euskarazko blog berri baten sorrera). Eta gaur arte...

Bidean, 247 artikulu! Nire buruari jarritako astean artikulu bateko helburua bete dudala esan dezaket, beraz (beno, egia esan denak ez dira nireak, horietako batzuk kolaboratzaileek idatzi dituzte: Iban Zaldua, Willy Roa, Aitzol Astigarraga, Patxi Lurra, Oihane Zabaleta, DabilenHarria...). Horietako makinatxo bat Sustatura edo Berriara ere eraman izan dituzte, edo beste toki batzuetan aipatu. Gainera, blogaren bidez nire burua ezagutarazi izanari esker, beste hainbat komunikabide edo mobidatan parte hartzen dut edo hartu izan dut, bai komikien ingurukoetan (Xabiroi komiki-aldizkarian Albisteen txokoa eramaten dut, Sautrela literaturari buruzko telebista programan Tintin-i buruz hitz egin nuen, Elkar aldizkarirako idatzi izan dut...) bai informatikaren ingurukoetan (Elhuyar aldizkarian Mundu digitala atala eramaten dut, 7K aldizkarian elkarrizketatu naute...). Baina denetan onena, blogaren bidez ezagutu dudan jende guztia eta egin ditudan lagun guztiak, jende mordoa, benetan. Balorazio erabat positiboa, beraz.

Hau dena Eibar.org elkarteari, kolaboratzaileei eta batez ere zuei, irakurleei, zor dizuet. Zuen erantzunak irakurtzeak eta hor zaudetela jakiteak ematen du honetan jarraitzeko animoa. Eta nik behintzat badut beste urte mordoxka baterako! Mila esker, zinez!

etiketak: e-gorblog

leire dio:

2009/12/16 12:59

Aupa, Igor! Zorionak, mutil! bost urte! Zelan doian denporia! Segi holan go-Gor, e-gor, guk be zure arrastuan atzetik jarraittuko dogu-eta!

aitzol dio:

2009/12/16 13:24

eta urte askotarako! Bilgune polita eratu duzu blogarekin. Etor daitezela euskarazko komikiei buruzko idatzi asko eta asko. segi hola!

dENiS dio:

2009/12/16 02:02

Zorionak, artista! Beti eskertuko jotzat hire blogai (eta, jakina, hiri) Satrapiren Persepolis ezagutarazi izena... mamnunam

dabilenharria dio:

2009/12/31 18:26

mila esker zuri urte hauetako lanarengatik, eta zorionekoak guk komikiei buruz euskaraz irakurri eta idazteko aukera eman diguzulako; zaletuon artean iritziak trukatzeko txoko politta sortu duzu. Ah, eta gainera informatikari buruz ere gauza berriak dakizkigu zuri esker!

Jozulin dio:

2009/12/17 12:48

Beste horrenbeste gehiago ere aguantauko dogu, ezta? Ekin eta zorrionak!

juankarh dio:

2009/12/18 11:52

horixe, bejondeiala, motel!

e-gor dio:

2009/12/18 11:24

Eskerrik asko denoi, eta bereziki zuri, Patxitrapero, irudiarengatik! Kristoren ilusioa egin dit! Ni, Watchmen-eko Dr. Manhattan bihurtuta!

Artikuluaren irudi gisa jarri dut, ez badizu axola. Idaztean saiatu nintzen duela bost urteko blogaren irudi bat aurkitzen, baina badirudi archive.org-ek ez duela eibar.org indexatzen, eta artikulua soso samarra gelditu zitzaidan irudirik gabe... Orain bai, askoz hobeto dago, mila esker!

patxi lurra dio:

2009/12/18 13:20

Neuk be eskertu behar deutsut hainbat komiki ezagutu eta mundutxo horretan sartu izana, "Watchmen" neure faboritoen zerrendan sartu ez dodan arren ;)

mila esker atea zabaldu izatearren!

Hurrengo astea arte?

Patxitrapero dio:

2009/12/18 01:41

Zorionak Igor, edonola ere, aizu, aldizkari bat aipatzea ahaztu zaizu ;-)

asier dio:

2009/12/16 10:59

urtetxo!, honezkero koskortzen hasitta. Laster komunixua. Zorionak!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Izena

E-posta

Erantzuna

Captcha

Galdera: Idatzi zortzi zenbakiak erabiliz
Erantzuna:

e-gorblog

Egunez, Igor Leturia Azkarate pertsona arrunta da. Errenterian bizi den arrasatearra, 8etatik 17etara Elhuyarren lan egiten du eta arratsaldeak neskalagunarekin eta bere bi umeekin pasatzen ditu.

Baina gaua iritsi eta umeak lotara joaten direnean, e-gor bihurtzen da, interneteko bere alter-egoa, ziberespazioko informatikaririk komikizaleena eta komikizalerik informatikariena! Bere superbotereekin (interneteko kable-konexioa, bloglines, informatika aldizkariak, gadget-ak, komiki-bilduma, Errenteriko liburutegiko komikien atala eta batez ere bere jakinmin aseezina) eta bere superlaguntzaileak ondoan dituela (Patxi Lurra, DabilenHarria...), euskaldunon teknofobiaren eta komikiei buruzko aurreiritzien aurka burrukatzen du etengabe! Hemen duzu bere bloga: e-gorblog!

Bai, hor goiko aurkezpena superheroi batena da (ezin aproposagoa honelako blog batentzat, ezta?). Superheroia banintz zein izango nintzatekeen jakiteko the Superhero Personality Test egin nuen eta hona emaitzak:

You are Spider-Man
You are intelligent, witty, a bit geeky and have great power and responsibility.