Ortozik

Plana...Gizateriaren aurkakoa..."Kalentologiaren eliza", komunikabideen manipulazioa, gure osasunaren aurkako legediak, gure askatasunaren aurkakoak... Eta ezin eztabaidatu, debekatua desberdin pentsatzea.

Burujabetza – Demokrazia Zuzena ekimenaren sorreraren funtsezko oinarria paradigma sozio-politikoa aldatzea da, ALDERDI POLITIKOEI EZEZKOA emanez, eta antolaketa berria eta balizko hierarkiarik bada (demokratikoki adostu edo erabaki daitekeenean soilik) behetik gorakoa izango da, eta goiko eskalara pasatzen diren pertsonak behekoen bozeramailetza eginez, batzarreen antolaketa-oinarria dena Batzar Nagusietara iritsi arte.

Hau horrela izatea ere ezinbestekoa, beharrezkoa eta funtsezkoa da, hasiera hasieratik, Burujabetzarekin landatu dugun hazian sinadurak biltzeko eta herritar subirano gisa aurkezteko mobilizatu diren lekuetan: Antsoain, Bilbo, Gasteiz, Donostia, Eibar, Zerain, Markina, Lekeitio, Gernika, Zamudio, Zumaia, Aia, Orio, Zarautz, Irun eta Andoain.

Toki gehienetan ez da posible izan denbora urritasuna, sinadura kopuru handia (abalak) hautesle-elkarte gisa aurkeztu ahal izateko, eta hauteskunde-lege bidez NANaren kopiarekin abalatu behar zelako. Lege hau ez da demokrata, partitokrata baino. Hala ere, NANik gabeko sinadurak entregatzea lortu dugu. Legezko mugek eragindako atzerapenengatik eta Markina eta Andoain bezalako udalerrietan udal idazkaritza batzuen trabengatik ez dira hautagaitzak onartu. Andoaingoa benetan tamalgarria izan da, 600 pertsona baino gehiagok babestu baitute Burujabetza - Andoain hautagaitza.

Zorionak Zamudio, Aia eta Zeraini, udal hauteskundeetan izango baitira hautagaitza burujabeekin. Hautesle-elkarteen hautagaitzekin aurkezten diren beste udalerri batzuk ere animatzen ditugu, beharrezko paradigma-aldaketa honen parte izan daitezen, alderdi politiko gabeko antolaketaren bila.

Sortutako talde bakoitza, sortutako herritar-elkarte bakoitza subiranoa da, burujabea, bere buruaren jabea, eta ez dio inori gainetik erantzuten eta ez du gainetik inork koordinatzen. Koordinazio berri bat sortzen bada, behetik gorakoa izango da.

Egiazko antolaketa burujabe berri baterako, abiapuntuak garbia izan behar du, Printzipioa edo hasierari, eta printzipioei edo baloreei zor zaien errespetutagatik. Ezin da deitu eskualdeko batzarretara, alderdidun auzokrata berriak tematzen diren bezala, tokiko batzarrerik ez dagoenean. Ezin da ere ez, euskarari zor zaion begiruneagatik “batzarre" hitza arinki erabili, berau desitxuratuz. Ezin da hasi jarduera goitik behera eginez, behetik gorakoa aldarrikatuz. Erabat kutsatuta dago horrela, goitik hasita, alderdi politiko batekin eta ezagun duten kontrolaren obsesioarekin. Burujabetzaren proposamena norbanakoaren eta taldeen behetik gorako burujabetzan oinarritzen da. Beraz, gutxi batzuren eskuetan dagoen alderdi baten eskutik joatea erabateko kontraesana litzateke.

Horregatik guztiagatik, nahiz eta paradigma-aldaketa nahiko genukeena baino motelagoa izan, oinarrizkoa da ALDERDI POLITIKOEI EZETZ esatea, baita haien eginkizun garrantzitsuenari ere, pertsonak zatitzeari, ezezko borobila. Era berean, ez dugu sistema ustel honetan sinesten hauteskunde espainol batekin gainera, baina mezu argia dugu garai hauetan hain beharrezkoa den paradigma-aldaketa honetarako: BOTO BALIOGABE BURUJABEA, behetik gorako antolaketa baten alde: Burujabetza – Demokrazia Zuzena.

BURUJABETZAREN BOZKA PAPERAK

Aiako alkategaiari elkarrizketa:

Zeraingo alkategaiari elkarrizketa:

Konspiranoikoak ginen hau esaten genuenok. Orain zer?

Alderdi politiko bakarra ere ez dago hau salatzen duenik. Alderdi politiko bakarra ere ez dago Covid-19arekin egin diguten manipulazioa salatzen duenik. Edo txertoen eragin negargarrien aurrean gure osasunaren alde egiten duenik.

Gure airea kutsatzen inongo kontrolik gabe eta eguraldia artifizialki kontrolatzen... Eta politikari guztiak mutu.

Zer egingo dugu? Tontoenen pare begira gelditu?

Gure burujabetzaren alde zerbait egiten badugu?

Murtziako kooperatiba bateko lagun nekazari batek, 2011 urtean hegazkinen lerrokadura kimiko ugarietatik beraien lurretan eroritako hautsa (traktore, negutegi eta beste gainazal batzuetako laginetan) jaso eta laborategira eraman zuen....Eta metal koktel izugarria, seguraski lehortea sortzeko. Tartean aluminio ugari.

Klinghardt doktorea entzuteak, merezi du:

Ez da utopia bat. Gure DNAn oraindik ere gordea dagoen funtzionatzeko modu naturala da, Herri Batzarreetan antolatuz. Eraren baten Suitzan jarraitzen duten sistema da eta ezin esan gaizki dihoakienik sozio-politikoki.

Alderdi politikorik gabeko politika nahi dugu, boterea benetan herriari baitagokio, demokratak izango bagara behintzat.

Atzo Bilboko Hika Ateneoan, prentsaurrekoa.

Apirilaren 4tik aurrera herri bakoitzean sinadurak biltzen hasi beharra dago, era independentean, burujabeki, herri plataforma bitartez udal hauteskundeetara aurkezteko. Ez da denbora askorik egongo, apirilaren 24rako hautetsien zerrendak eta sinadurak aurkeztu beharra dagoelako.

Alderdiek aspalditik ez gaituzte ordezkatzen, inoiz egin badute.

Ordua da partitokraziatik egiazko demokraziara jauzia emateko. Informazio gehiago: BURUJABETZA.EUS

Munduko populazioaren murrizketa botereko Agendan aspaldidanik dago. Bill Gates gizateriaren etsaiak ere horri buruz antologikoak bota zituen TED hitzaldi baten.

Kissinger txostenak argi lagatzen du helburu hau, baita feminismoaren erabilpen maltzurra bide honetan. Emakumetasunaren aurka, feminismoa boterearen gol haundi bat izan da. Adrian Zelaiak jasotako datuekin Independentean publikatutako artikulu bikain hau irakurtzea, guztiz gomendagarria:

1974an, Estatu Batuetako Estatu Sailaren dokumentu konfidentzial batek «MUNDUKO BIZTANLERIAREN HAZKUNDEAK ESTATU BATUEN SEGURTASUNAREN ETA INTERES OROKORREN GAINEAN DITUEN ONDORIOAK» aztertu zituen, Henry Kissingerrek koordinatuta. «Kissinger Txostena» edo «200 Memoranduma» izenez da ezaguna dokumentu hori (NSSM 200. National Security Study Memorandum 200) (U.S. Department of State, 1974). Dokumentu konfidentzial hori ez zen desklasifikatu 1989ra arte.

Bien bitartean, gehiegizko heriotza tasaren datuak ikaragarriak izaten ari dira mundu osoan zehar. Gazteen heriotza tasa 8 aldiz biderkatu da. Komunikabideen isiltasuna, tamalgarria. Pandemian baino heriotza gehiago daude baina ez dakigunez zergatik... ba pozik, osasuna kaltetzeko eta komunikazio normala mozteko erabili den musukoa kendu ahal izateko balio izan duelako txertoak. Ez dago froga zientifiko bakarra musukoak Covid-19 gaitza murrizteko balio duenik demostratzen, bakarra ere ez (bide batez...ezta txertoak ere).

Gure Lau-buru Teknologiako gailuen eraginkortasuna ikertzen momentuz publikatu ezin ditugun ikerketatan gabiltza. Eremu iluneko mikroskopioan txertatutakoen odolari begira, ukaezina dena da ikaragarri kaltetua dagoela. Horretara, iktusak, tronboak, minbizi galopanteak, miokarditisak, bihotzekoak...oso ondo arrazoitzen dira. Ez da askorik behar hau ikusteko. Ez-ikusiarena egiteko ahalegin gehiago egin beharra dago. Gehienbat ospitaletan lan egiten dutenen aldetik. Aski da!

Larunbatean Bilbora!!!

Otsailaren 3an zendu zen gure maisua izan den Raymond Montercy. Mundu mailan Antzinako Obra Maisuen Geometria ulertu, landu eta irakatsi duen maisurik handiena, ezpairik gabe. Hileta hunkigarria, hilaren 10ean Toulousen (egun idiopatikoki dauden gehiegizko heriotzek errausteko eragindako atzerapenagatik).

Frantziako tolosarra, umilla, umoretsua eta zorrotza. Berari buruz gehiago...HEMEN

Infinituki eskertua nago Raymond ezagutu izanagatik, bere ikasgaiak jaso eta hauek eguneroko lanetan aplikatu ahal izateagatik. Berak landu eta transmititutako jakituria izan da Lau-buru Teknologia garatu ahal izateko oinarria.

Agur eta ohore haundi!!!

Artikulu zientifikotan publikatutako datuak dira. Gaitz hau 100 aldiz biderkatu ezkero, 4tik 400era, eskandalo bat izango litzateke...baina datuokin kasuak 6.250 aldiz biderkatu dira.

Peter McCullough doktoreak azaltzen du hau:

Eta bere beste bideo eta artikulu batzutan miokarditisa bera, era oker okertuan "txerto" deiturikoek nola sortzen duten azaltzen du.

No comment...Non daude "Txertatu, txertatu, txertatu" oihukatzen zutenak?...Benga Arnaldo, Urkullu, Sagardui, Felix Zubia and company, inungo autokritikarik ez? Holako informazioak zentsuratzen jarraituko duzue? Noiz arte?

McCullough berriro, orain gaztelerazko subitituluekin eta informazioa gehitzen.

Gauzak horrela, hurrengo urteetan seguraski "repentinitisak" jota jende dexente hil daiteke.

Behinola Abuela Margaritari zera entzun nion: gizona emakumearen gainetik jartzen hasi zenean, orduan, hasi zela gizakia ere (gizona) Lurra petral tratatzen eta jabetza bere gain hartzen. Jabetza pribatuaren sorrera alegia.

Espiritualtasun minimo bat izanik Lurraren gaineko jabetza pribatuak ez du zentzu askorik. Ura, airea, lurra, eguzkia, landaretza, erregaiak...Naturan horrelako harmonia perfektuan sortua izan denak nola jasan dezake bere gaineko jabetzerik? Amalurra jainkotua bada, nola izan dezake inork jabetzarik jainkotutako gai batena? Nola gizakia horren gainetik egon? Lehenengo jainko maskulinoen sorrerak arrazoitu omen zuen amalurra, Mari, jainkosa bortxatzea eta bere gaineko jabetza, konkista eta tratu txarrak.

Kontua da ez gaudela jada filosofadetarako, Historiako inflexio puntu berezi baten baino: Foro Ekonomiko Mundialak, ONU, OMSek planteatzen duten Munduko Ordena Berrirantz sumisioa eta esklabutza, edo gizatasunaren garapena eta askatasuna, gizabidea.

Datozkigun urteetarako gizakiaren garapen on eta osasuntsuena lortzeko bidean, gizabanakoaren subiranotasunetik abiatuta kultura matrilinealaren bertuteak berreskuratzea gako garrantzitsuena izan daiteke. Pertsona subiranoek antolatutako Komunalaren berreskuratzea, Batzarrea eta Auzolana berreskuratuz; eta ez goitik behera, aldaketa klimatikoaren izenean inposatu nahi duten Agenda 2030eko esklabutza sasi-komunista, global-sozialismoa. Faxismo berritua...

Emetasunaren, amatasunaren pentsamoldeak eta baloreak indartu behar dira. Fritjof Caprak laburbiltzen zituen bere liburu baten ar / eme (maskulino / femenino) pentsamolde eta baloreak:

Pentsamoldea:

    ar / eme
errazionala / intuitiboa
analitikoa / sintetikoa
erredukzionista / holistikoa
lineala / ez lineala

Baloreak:

    ar / eme 
hedapena / kontserbazioa, iraupena
lehiaketa, konpetizioa / kooperazioa
kantitatea / kalitatea
menperatzea, dominazioa / elkartzea, elkarkidetza

Balore eta pentsamolde biak dira beharrezkoak eta oso onak izan daitezkenak, pertsona bakoitzean bi polaritateak ondo integratuz...baina emetasun baloreen urritasun larria daukagu.

Eliteko taldeetatik, Rockefeller Fundaziotik esaterako (Aaron Russok argi eta garbi filtratu zuen bezala edo Kissinger Txostenak berresten duen bezala), Estatu Batuetan feminismoa bultzatu zen, baina emakumeei balore maskulinoak inokulatuz eta ingenieritza sozial zaindua erabiliz. Emakumearen egoera txar, zapaldu eta onartezina aprobetxatu zuten, parekidetasuna emakumea gizontzearen bitartez bilatuz. Etxeko-andrea, etxearen buruzagitzatik kenduz, familia elikatzeko ardura supermerkatuari eta multinazionalei emanez, eta umeen zaintza Estatuari eman eta eman-kumeari (eta familiari) hartuz. Emakumearen eskubideak gizonen lanak egitearen truke onartuz eta gainera beraiei gutxiago ordainduz...Gizonkeriaz, zitalkeriaz, bultzatu eta diru askorekin lagundutako parekidetasun antzua.

Egunotan gai honekin erlazionatutako liburuak aurkeztuz Matriegunak antolatu dituzte (goiko irudia), Mari Karmen Basterretxea eta Guillermo Piqueroren lanekin. Interesgarria izango da seguru. Gaur Donostian eta gero, Bilbon, Iruñean, Baionan eta Gasteizen.

Kultura matrilinealean emetasuna eta artasunaren arteko oreka dago, benetako parekidetasuna, amatasunaren funtzioak eta baloreak indartuz, gurtuz. Amatasuna da guztion sorleku, amatasuna beti dago gizakiaren zerbitzura, beti ematen. Aitatasun orekatua, gizontasuna emakumetasunaren zerbitzura, tribuko zaintzaren zerbitzura. Batzarreak eta auzolana, erabakiak eta lanak egiteko moduan, Komunala denon artean erabiltzeko. Askatasuna. Giza garapen naturala.

Emakumea, emetasuna, kultura matrilineala...aurrera!!!!

Overton-en leihoaren teoria erabiltzen hasiak dira gizatasunik gabeko ideia gaixo hauek poliki-poliki giza burmuin eta hankatartetan sartzeko.

Gurean ere, zurrumurru maila baino pittin bat goragokoak diren epaitegietako zantzuak daude zenbait politikari holako kasutan inplikatuak daudena (baita epaile, enpresari, bankari eta kazetari garrantzitsu ere), Jeffrey Epstein baino xumexeagoa den Kote Cabezudoren jaien inguruan (30 urtetan zehar!!!)... baina badirudi isiltasun pakturen bat dagoela, hitzarmen demoniakoa, bai alderdi politiko GUZTIAK eta bai komunikabideak mututzen. Eta ez dirudi Ertzaintzaren ikerketen agendan dagoenik.

Gogorra gero, gure udaletxeak, epaitegiak, Foru gobernuak eta Jaurlaritza okupatzen dituztenak, hau da, gure alderdi politikoak, bere pederastia izkutatzeko elkartu izana. Eta beraiei botoa ematen jarraitzeko eskatuko digute laister. Botoa botaka...botagurea da ematen dutena. Eta bota, dauden tokietatik bota behar ditugu.

Alfred Kinsey perturbatu pederastaren teorietako batzuk gailentzen doaz urteotan, aurrerakoitasunaren izenean amen, umeak identitate sexualik barik jaiotzen direna, esaterako. Familia apurtu nahi dute. Identitate gabeko pertsonak sortu, errazago manipulatzeko, bestela ez da ulertzen Rockefellertarren inplikazioa, feminismoa emakumearen kalterako, kotizazio diruak handitzeko eta familiaren egitura apurtzeko sortu zutenena...beraiek erabiltzen duten sheeople....(sheep + people), gu alegia, giza-artaldea erabat kontrolatzeko, beraien klanetan familiaren baloreak ederto babesten dituzten bitartean.

Genero-identitate terminoa asmatu zuena John Money pedofilo eta pederasta zelandaberritarra izan zen. Gaur egungo Irene Monteroren trans-legea ikerlari honen hipotesi zientifiko oso eztabaidagarritan oinarritzen da. Baita helburu ideologiko-politiko perturbatuekin haurtzaroaren sexualizazioa hezkuntzan bultzatzeko ere, Kinsey, John Money eta Harry Benjamin (transexual terminoaren asmatzailea) pederastak jarraitzen.

UNESCOko 2009ko ekaineko dokumentu batek 9 urtetik aurrerako masturbazioa eta penetrazioak normaltzen zituen (argazkikoa). 0tik - 4 urtera estimulazio sexuala...Hori dokumentuori erretiratu beharra izan zuten sortutako eskandaluagatik...baina era piskat xuabeagoan geroxeago publikatu, bidea ondo markatuta...eta goitik behera.

En fin, hamaika ikusteko...

Martxa honetan urte gutxi barru pedofiliaren aurka gaudenok atzerakoiak eta ultra-eskuindarrak garela esango dute.

------------------------------------

Argigarria eta ondo dokumentatua informazio hauek agertzen dituen Santiago Armesillaren honoko bideoa:

Gauzak horrela, irtenbide bakarra pertsona bakoitzaren subiranotasuna da.

Bide honetan, norbanakoaren subiranotasuna behin onartuta, irtenbide bakarra, alderdi politikoen partehartze gabeko politika da. Auzoz auzo, herriz herri, norbanako guztiak aintzat hartzen, norbanako bakoitzaren eta taldeen eskubide unibertsalak goitik behera errespetatuz. Auzo eta herrietako subiranotasunetik hasita, bailara, eskualde, lurralde historiko eta Euskal Herriaren subiranotasunera.

Informazio eskubideak astindu galanta jaso du azken bi urteotan. Jasandako zentsura, manipulazioa eta psikologikoki ondo aztertutako beldurrak eta gezurrak neurrigabekoak izan dira. Eta ez da alderdi politiko bakarra ere horren aurka jarri, berdin du zentsuratutakoak Nobel saridunen iritziak edo parekako erribisiodun ikerketa zientifikoak izan. Edo milaka pertsonen manifak izkutatzen, eztabaida zientifikoa alboratzen, txertoen ondorioak izkutatzen: kirolarien heriotzak, iktus, tronbo, bihotzeko eta minbizi galopanteen gehitze esanguratsuak, umeen heriotzak... Ezikusiarena egiten dute era oso kutrean, "txertatu, txertatu eta txertatu" oihukatu eta koakzionatu ostean. Kasurik onenean era amnesikoan, baina kontzienteki edo oso inozoki Munduko Ordena Berriaren plana era zorrotzean jarraituz.

Ehundaka urte daramatzate era krono-logikoan gerrateak, iraultzak, erahiltzeak, atentatuak, krisi ekonomikoak, genozidioak...programatzen eta gauzatzen, datekin jolastuz gainera; numerologiaren eta astrologiaren jakiturekin egun historikoak josten.

Historiaren manipulazioa, gerrate mundialak (II. gerrate mundialean oso esanguratsua diru iturri berdinek ordaindu zituztela nazien armak eta Amerikako Estatu Batuetakoak), torre bikiak, pederastia erritualizatua, sinbologia, Covid-19 plandemia eta identifikazio digitala, elkarte sekretuak, Davos foroa, transhumanismoa...plangintza zehatzaren jarraitzeetan.

Nauzet Morgadek egiten duen Munduko Ordena Berriaren berrestearen sintesi hau ikusteak merezi du, pixkat ilustratzeko:

Gure alderdi politikoek saldu egin gaituzte, salgai ez gaudela kontutan izan gabe. Eta hau, noizbait ordainduko dutela espero dut. Bitartean, norberak norbanako bezala dagozkion ardurak hartu eta sistemaren morrontza gabeko antolaketatan aurrera egitea komeni da, gure osasunaren elkar zaintzarako, gure basoen, mendien, erreken eta ingurumenaren zaintzarako, gure bizipozaren alde, kulturaren alde, informazio askatasunerako, auzo eta herrietako politiketarako, gure energia sortzeko...eta zergatik ez, herri plataformak sortu eta udalak herriarentzat berreskuratu, benetako demokrazia bilatu, gure genoman daukagun antzinako antolaketa berreskuratu, zelaia, auzoko biltzarrak, herri biltzarrak...LIBERE izateko bidean.

Aurrera!