Harrikadak

Vizcaínoren blogean ikusi nuen atzo bideo hau. Lasarte-Oriako alkate den Ana Urchueguía anderea ageri da bertan. 2007ko uztailean, Nikaraguako Somoto herrian hartutako irudiak omen dira. Sei minutura iristen ez den dokumentuan, Epoca aldizkariak eginiko akusazioak aipatzen ditu (baina Diagonal-en ere atera zen zerbait). Diru publikoak bidegabeki erabiltzea leporatzen diote.

Telepredikatzaile estiloan oinarritutako diskurtsoa maneiatzen du, Tina Turner latina baten zenbait zipriztinez.

Lehenengo bideoaren transkripzioa jarri dut pedradas-en, baina bigarrena are larriagoa iruditu zait: Urchueguíak "bere" diruak omen direnak banatzen ditu bertako elkarte eta erakundeen artean, kirol txapelketa baten garaikur banaketa izango balitz bezala.

To eta no. Kooperazioa.

Twitter boladan dagoenean, Davidi irakurri nion 20palabras egunkaria sortu zutela BAiresen. Jozulinek aipatutako Jordi Cebrian-en ahalegin literarioaz akordatu naiz.

Castellano

Atzoko apuntean idatzi nuen Free Burma eta gaur, berriz, freebatasuna da ezker abertzalearen ingurutik blogosferan abiatu den kanpaina. Technoratin badaramatza ordu batzuk hitz bilatuenen arteko lehen postuan.

Hannotek dio Públicon iragarri zuela Fernando Gareak horrelako operazio bat. Informazio horren azpiko komentario kritikoak (eta ez daude idatziak gaurko berotasunean) harritu egin naute. Adibide gisa bat kopiatuko dut hemen:

"Ahora resulta que Garea sigue escribiendo en El Mundo de Pedro J. ¿O es el diario del bloguero Escolar? Menuda alternativa de izquierdas que nos estáis dando, colegas. Espabilad un poco o no os vais a comer una rosca. Dejaros de faxes policiales y escribid de las cosas que nos importan a los jóvenes. ¡Viva la III República! ¡Libertad para el País Vasco!".

Arratsaldera arte ez naiz egon interneten arakatzen, baina goizean mundu errealean ibili naiz eta albisteak, Batasunako ustezko mahaikideen atxiloketak, nire inguruan ez du apenas oihartzunik izan. Nekatuta gaudela, alegia. Sarean begiratuta, kontrakoa dirudi. Bi errealitate daude? Edo lau katu gabiltza sarean?

Anderrek egin duena egiteko gogoa ematen du. Vespa hartu eta zakurraren ipurdira aldegitea.

Bide batez, gauza bera egitea eskatuko nioke the organizationi eta bake santuan bizitzen utzi nahi ez gaituen orori.

En castellano

Gutxitan hartzen dut parte horrelako ekimenetan, baina gaur bai, gaur Birmanian gertatzen ari denaren aurka egitea erabaki dut mezu xume hau sarean jarriz.

Kanpainaren webgunea eta wikia.

Artesanoarenean ikusia.

Arratsaldean ikusi nuen interneten Joseba Álvarez eta Oihana Agirre atxilotu zituela polizia espainiarrak.

Imanol Muruaren blogean irakurri nuen geroxeago, Efe agentziak zabaldutako informazioan, Joseba, Txillardegiren semea zela (eta horrela da). Aita aurkezterakoan, berriz, datu okerra dago albistean, Aralar-ekoa dela aipatzen duelako (begira Públicon). Txillardegiri Argian eginiko elkarrizketa luzea irakurri ez dutenaren seinale, dio Muruak.

Egia esateko Txillardegiren agurrak ez du oihartzun askorik izan, baina google-i galdetuz gero, hemen, hor eta han, ageri da gazteleraz albistea (denak komunikabide euskaldunak). Arazoa zein da? Euskadi Irratian bota zuela euskaraz?

Imanol Muruak aipatzen duen elkarrizketa astelehen gauean irakurri nuen eta adierazpen mamitsuak daude. Adibidez:

"Nafarroan ikusi dugun fenomenoa oso inportantea izan da nire ustez, eta espero dezagun bere ondorioak izango dituela. Patxi Zabaleta baino politikoagorik ez dago munduan, eta hala ere ez du ezer lortu. Ni horregatik atera naiz Aralarretik: horiek politika konbentzionala egin nahi dute, eta nik uste dut politika konbentzionala herri honetan oraindik ez dela posible. Dagoen egoera, espainolismoa dagoen bezala… Giro honetan, “nik informe bat pasako dizut, zuk niri beste informe bat ematen didazu eta guk, gure abildadearekin…”. Keba. Ez gaude horretan. Hori oso polita litzateke egoera normalizatu batean. Orduan bai, Patxi Zabaletaren estiloko jendea, oso jende ona da dudarik gabe, orduan posible izango litzateke".

Badago ere Imanol Muruak berak eginiko beste elkarrizketa luze bat sarean. Ezker abertzaleko beste beterano bati, Jose Luis Elkorori eginikoa. Hemen ere mami asko, baina euskaraz.

En castellano

Baga

Cristina Peri-Rossi idazlea kanporatu dute Catalunyà Radiotik.

Biga

Kataluniako telebista eta irrati publikoaren Administrazio Kontseiluak (CCRTV) onetsitako printzipioen arabera, (3.2 puntua):

"Els locutors, conductors, entrevistadors i col•laboradors fixos, així com persones contractades per les empreses de la CCRTV (amb contracte laboral, mercantil o per obra determinada) utilitzaran sempre la llengua catalana quan estiguin en antena. L’ús d’altres llengües serà excepcional i motivat, recomanant sempre que sigui possible la traducció simultània".

Higa

Ez dakit zehatz-mehatz noiztik dagoen testua indarrean (webguneak dio 2006ko martxoan aldatu zituela printzipioak Administrazio Kontseiluak). Dirudienez, orain arte beste aldera begiratu dute, baina aurtengo uztailaren 17an katalanez mintzatzera derrigortzea berretsi zuen aipatu kontseiluak.

Laga

Peri Rossi solaskidea, beraz, kalera. Manifestu bat atera dute eta nahi duenak sina dezake helbide honetan. Kontutan hartzeko datua da Cristina 1974tik bizi dela Katalunian.

Espainiako erreinu pluralean gazteleraz jakitea derrigorrezkoa da, baina hizkuntza ko-ofizialak ez daude maila berean. Beraz, epaitegietara joz gero, Peri Rossik irabaziko du.

Boga

Jose Mari Pastorek erreportaje luzea sinatu zuen Berrian Kataluniako egungo egoerari buruz irailaren 22an. Berpiztu den burujabetzaren gaia zela-eta, Anna Gabriel Sabatek, CUP-aren bozeramaileak zera zioen: "Hauteskundeei begira sortutako maniobrak direla iruditzen zait, oihartzun mediatikoa lortu dutenak".

Sei

Begoña Erraztik bota zuen aurreko batean desobedientzia zibilaren bidea ez zuela baztertzen. Barrez hasi nintzen. Jaitsi zaitez lehendabizi auto ofizialetik, neska! Hauteskunde giroa hemen ere. Are gehiago Ibarretxek pasa den ostiralean esandakoarekin.

Zai

Gaur egungo Euskal Herrian halakorik ezinezkoa litzateke, euskararen egoerak ez duelako horrelakorik ahalbidetzen. Euskara eta gaztelera dira nire hizkuntzak, biak. Berdin maite ditut, gainera. Halere, ulertzen dut katalanek hartutako neurria.

Zoi

Jo encara no parlo català, parla-m’hi! Cristina, ez zaitut ulertzen.

En castellano

Izenburu honekin ordu txikitan bukatu zela pentsatuko du norbaitek, baina, keba goiz etxeratu ginen.

Zer da wikifarra?

"Wikifarra %100 irekia dagoen topaketa bat da. Internet eta teknologiaren inguruan dabiltzan pertsonak bildu eta ondo pasatzeko egun baten moduan dago pentsatua". Bigarrena zen hau, lehenengoa, Arrasaten egin baitzen 2006ko otsailaren 23an.

Berandu eta ezer esan gabe agertu nintzen. Imanol Aizpuru artistaren Pan, circo y boogie boogie erakusketaren inaugurazioaren ondoren, afaldu eta Doka Kafe Antzokira hurbildu ginen.

Astean zehar gainetik begiratu nion wikifarrari eta ez nekien zehatz-mehatz plana zein zen. Han bertan egongo zirela pentsatzen nuen, baina afaltzera joanak ziren gu agertu ginenerako. Eskerrak afaldu ondoren handik pasa zirela Teketen, Etxenike (aspaldiko partez agurtu nuen), Arkaitz eta Gaztesareako kide bat (barkatu, baina ez nintzen izenarekin geratu). Badakit ere Haritz egon zela, baina lehenago aldegin zuen. Ez galdetu jende gehiago gerturatu ote zen.

Tragoren bat edo beste hartzeko aukera izan genuen, behintzat. Barre batzuk egin genituen ere. Dena oso lasai.

Portzierto, ni bezala, ezer esan gabe, Chris Coleman ere gerturatu zen. Berarekin batera talde teknikoko pare bat lagun. Gaur goizean, aspaldiko partez, kiniela egin dut. Realak Xerezen irabaziko duela jarri dut.

En castellano

Bitan idatzi dut blog honetan Assumpta Montellàri buruz (bat eta bi) eta hirugarrenez nator gaur.

Mataróko idazlea Katalunian ezaguna egin zen La maternitat d´Elnarengatik. Ale asko saldu ditu Elisabeth Eindenbenz maistra suitzarraren istorioa kontatzen duen liburuarekin eta memoria historikoaren (katalanek memoria demokratikoa deitzen dutenaren) zati garrantzitsu bat errekuperatzeko balio izan duen emozioen kutxa bilakatu da lana.

Manuel Huerga zinema zuzendaria buru belarri dabil filma egin nahian. Udazken honetan zen errodajea egitekoa, baina negura atzeratu dute. Produktorea, Roures da, Público periodikua atera duena.

Elnako amaetxearen argazkia udan atera genuen.

Proiektu horrekin jarraitzen du oraindik ere Assumptak (eta espero dezagun Donostiara etortzea berriro kontu honengatik datorren udaberrian), baina jada iragarri du urriaren 26an El Setè Camió, el tresor perdut de la República liburuaren aurkezpena egingo duela Granollers-en.

Sapiens aldizkariaren urriko zenbakian erreportaje bat aurreratu dute. Ezin da sarean ikusi, baina horrela aurkezten dute: "Febrer del 1939. Un comboi de camions surt de la Vajol en direcció a la frontera francesa. Són carrabiners a les ordres de Negrín que tenen la missió de salvar el patrimoni artístic de l’agònica República".

Beldur da Assumpta ez ote den urrearen sukarra piztuko, baina istorioak merezi duenez aurrera jarraitu du.

"No m'agradaria que la Vajol es convertís en un segon Dorado. Les persones que vulguin conèixer aquell territori s'ha d'apropar perquè allà es va decidir el darrer tram d'una guerra ja perduda.

En Companys, l'Azaña, l'Aguirre, en Negrín...tots caminaven per aquells carrers estrets mentre esperaven passar a França. I els vajolencs coetanis d'aquells dies se'n recorden d'ells i expliquen la seva visió dels fets històrics.

Això si val la pena, i caminar pel coll de Lli fins a França, el mateix corriol per on va passar el President Companys, i sentir a la pell la tristesa de l'exili de tanta gent... els quals molts ja no han tornat mai més.

L'or el deixem pels buscadors de tresors, que també n'hi han".

Eta nola enteratu naizen guzti honetaz? Txoritxo batek aipatu berri didalako sarean txoko bat ireki duela Assumptak. Sentiments a flor de pell du izena.

En castellano

Imanol Aizpuruk irailaren 28an, inauguratuko du Ernest Lluch Kultur Etxean "Pan, circo y boogie boogie". Ekitaldia arratsaldeko 19:30etan hasiko da erakusketa aretoan (sarrera Anoeta Estadioko 7 eta 8 ateen artean). Luntxa berezi samarra izango da, Zinemaldiko fastoetatik urrunduta, hori bai.

Urriaren 20rarte egunero bisitatu daiteke, jai-egunetan izan ezik, ondorengo ordu hauetan: 16:00etatik 20:30etara astelehenetik ostiralera; 17:00etatik 21:00etara larunbatetan.


Joan den astean erakusketa honi buruzko kontuak zabaldu behar nituela konturatu nintzenean, urte hasieran Susana Mujikak Imanoli eginiko elkarrizketa etorri zitzaidan akordura. Badakit susto bat izan duela Susanak eta mikrofonotik urrunduta dabilela. Hemendik, musu handi bat eta animo asko bidali nahi dizkiot.

Imanol Aizpuru Larrañaga (Beasain, 1983)

Xabier Aizpuruk idatzitakoa da testu hau.

Imanolen marrazki bat lehen aldiz ikustean komiki edo umeentzako marrazki baten aurrean gaudela iruditu ahal zaigu. Bere marrazki ugari ikusi ondoren ordea, guztiz aurkakoa esan genezake. Imanolen marrazkiak ez direla umeek ikusteko modukoak alegia, baina umeek gogoko dituzte hauek. Nolatan baina?

Helduei zuzenduriko mezuak igortzeko umeei zuzenduriko estetika erabiliz lortzen du hau Imanolek. Baina badira bere artelan ugari ikusi ondoren umeentzako imaginak direla irizten dionik. Imanolek mezu oso pertsonala igortzen du eta heldu asko ere ez dira (gara) berau ulertzeko gai. Imanolen ikonografia munstro, jostailu, droga eta heriotzaren ideiaren nahasketa berezi batek osatzen dute. Halere, ez da agerikotasunean erortzen eta zenbaiti oso margo tristea iruditzen zaiena beste zenbaitzuri kolore eta zoriontasunez zipriztinduriko artelanak iruditu ahal zaie. Honetan ere bakoitzaren gustuen araberako ideia egingo du ikusleak.

Marrazkietako tematika guztiz pertsonala erabiliz eta teknika ezberdinen laguntzarekin. Imanolen marrazki eta margo gehienak errotulagailuz eta margo plastikoz eginikoak dira. Bere trazuaren sinpletasunak lerro gutxirekin marrazki konplexuak egiteko abilezia ezkutatzen du. Erabilitako kolore argiek bere tematikaren iluntasuna mozorrotzen dute. Bere marra bihurrituen dinamikotasunak alaitasuna ematen diete tristura eta ezinegona islatzen duten bere margoei.

Azken finean ikuslearen esku dago Imanolen obra amaitzea, umeentzako marrazki edo bizitzari buruzko erreflexio sakon den erabakitzea.

Eguneratzea: irailak 29. Goizeko 2:00etan. Inaugurazioaren ondoren, hona hemen nondik datorren erakusketaren titulua.

En castellano

Argazkiaren jatorria

Sorpresa ederra hartu nuen atzo Gaur 8 zabaldu nuenean kiroldegiko bizikleta gainean: José Rolando Ovando txirrindulari ohi guatemalarrari Xole Aramendik eginiko elkarrizketa azaltzen baitzen.

Pista galduta nion Ovandori, baina poztu naiz Zizurkilen bizi eta hiru alabaren aita dela jakiterakoan. Elektrikari lanetan omen dabil Euskal Herrira 80. hamarkadaren lehen urteetan Guatemalako selekzioarekin etorritako mutil atsegina. Hango federazioak hiru txirrindulari ekarri zituen Gipuzkoara eta hemen pasa zuten zenbait hilabete.

Gainerako lagunak juxtu samar ibili ziren eta agudo samar Guatemalara bueltatu zirelakoan nago. Rolando, berriz, bertan geratu eta Gurelesa talde amateurean aritu zen. Handik salto egin zuen profesionaletara: Reynolds, Teka, Once, Tulip Computers eta Wigarma. Elkarrizketan dio, osasun arazoak tarteko, ez zuela mailarik eman, baina zazpi denboraldi egin zituen kategoria horretan.

Gogoan dut Irungo San Pedro karreran podioa zapaldu zuela. Speakerak igoarazi zuen taula gainera eta elkarrizketa egin zion. Bere herriko ohiturari jarraituz, galderari erantzun aurretik, jendearen harrera eskertu zuen: "Antes que nada quiero agradecer a la afición vasca todo el apoyo que me brinda y…".

Garai hartan ez zegoen Euskaltel-Euskadi talderik, baina, gaur egungo irizpideak jarraituz, Ovandok ez luke aukerarik izango bertan korritzeko. Imanol Muruak dioenez, hori gertatzen omen zaio Oiartzunen bizi den Allan Davis karrerista australiarrari.

En castellano