Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Gauza ttikiak

Gauza ttikiak

Mikel Iturria 2007/11/18 17:00

Gaur Más que palabras irratsaiotik deitu naute Narratzaileen Txokoa egitasmoari buruz hitz egiteko. Gustatu zait Javierrek egin duen aipamena, gauza ttikien laudorioa egin baitu. Erabat ados nago puntu horretan berarekin (beste askotan ere bai, bide batez).

Ikuskizun handiek nahikoa toki hartzen dute gure gizartean eta, askotan, horrek burua galtzera eramaten gaitu. Futbolzalea bazara, ni naizen bezala, nahiago duzu zure taldea lehen mailan eta Champions League jokatzen ikustea, bigarren mailan eta partida ziztrin bat irabazteko izerdi patsetan ibili beharrean baino. Artista bazara, ez da gauza bera Victoria Eugenian, auzoko kultur etxe batean edo periferiako herri bateko kafe antzokian aritzea.

Aste honetan hamar urte bete ditu Irungo Kabigorrik. Komunikabideei helarazitako prentsa-oharrean gogoratzen dute kontutan hartzeko bi proiektu abiatu zirela 1997an Euskal Herrian: Kabigorri eta Guggenheim. Grazia egin zidan konparazioak eta barre egin nuen hori irakurtzerakoan.

Eguneroko gauzak, baina, gauza ttikiak izaten dira normalean eta horiek ematen digute plazerrik handiena: egunkariak erostea, kafea hartzea, bazkaltzea, kaña pare bat hartzea, lagunekin solastea. Ez gara New York-en edo Beijing-en bizi, hiri izan nahi duen herri probintziano batean baizik.

Eta hori ez da txarra. Periodikoak erosi ditut goizean eta galtza motzetan joan naiz kiroldegira. Bost minutu. Bizikleta estatiko batean irakurri ditut paperean eguneko notizia txarrak. Dutxatu eta beste bost minutu etxera ailegatzeko. Gauean Devendra Banhart musikariaren kontzertua dut agendan. Hamabost-hogei minutu etxetik. Lantokia ere horrela daukat.

Askotan gauza handiek txoratzen gaituzte. Futbolarekin jarraitzeagatik, oso ohikoa da normaltzat jotzea jokalari batek agur esango diola bere betiko klubari, atzerrian euroz beteriko poltsa jarri diotelako mahai gainean. Segun, erantzungo nuke nik. Gustura baldin bazaude zauden tokian, bizitzeko diru nahiko lortzen baduzu, zergatik alde egin behar? Diruagatik? Ospeagatik? Erronka berriei aurre egiteagatik?

Gauza ttikien laudorioa egin nahi nuen gaur. Besterik gabe. Purpura beste batzuentzat uztea nahiago.

En castellano

etiketak:
iturri
iturri dio:
2007/11/19 17:39

Kaixo Matx:

Azkenean, ez nintzen Egiara hurbildu. Kale egin nuen. Biharko DVn edo Noticiasen begiratu beharko duzu.

Aio.

matx
matx dio:
2007/11/19 17:25

Kontaukodozu zelan juan dan Devendraren kontzertua? Bartzelonara dator eguenian, baina egun berian dao Quimi Sidecarren. Azken hau bi aldiz ikusi dot aurten, eta ez dakit zer eiñ.

matx
matx dio:
2007/11/20 00:43

Eskerrik asko!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter