Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / e-gorblog / Telebistaren benetako iraultza hemen da, eta ez da LTDa

Telebistaren benetako iraultza hemen da, eta ez da LTDa

e-gor 2011/01/10 18:14
Lurreko Telebista Digitala edo LTDa telebistaren iraultzatzat saldu ziguten, baina, egiatan, ordura arteko telebista analogikoaren hobekuntza xume bat besterik ez da, gehienez ere. Ikus-entzunezkoen munduan benetako aldaketa bat egon bada, hori Internet fenomenoak ekarri du: norberak nahi dituen programa eta filmak nahi dituenean ikustea, elkarrekintza... Hala ere, bi mundutan bereizita egon dira telebista eta Internet, bata sofan eta bestea idazmahaian. Baliteke, ordea, hori amaitzear egotea Google-k udazken honetan kaleratu duen Google TVrekin eta ziurrenik azkar asko aterako zaizkion antzeko produktu lehiakideekin.
(Elhuyar aldizkariko 2010eko azaroko alean argitaratutako artikuluaren jatorrizko extended bertsioa)

Google TV-ren logoa
Irudia: Google

LTDak aldaketa handia ekarri behar omen zuen telebistaren mundura. Eta ezin da ukatu badituela abantaila eta aukera interesgarriak: seinale digitalaren kalitate hobea, hainbat audio eta azpititulu izan ditzakete emisioek, telebistako programazioa ere igortzen da seinalean, kate gehiago izateko aukera... Baina telebista-kateek ez dituzte behar bezala aprobetxatu aukera horiek, eta kate gehiago izateak ez du ekarri aukera handiagoa, kate berriek ere lehengoen eredu berari jarraitzen baitiote. Bestalde, seinale digitalarenak badu bere ifrentzua: seinalea ona ez bada, okerrago ez, ez da ezer ikusten. Eta, batez ere, betiko programazio eta ordutegi zurrunei lotuta jarraitzen du telebista berri honek ere, elkarrekintzarako aukerarik gabe.

Internet bidezko ikus-entzunezkoen kontsumoa

Hala ere, LTDa atzo goizeko haur jaioberria dela esan dezakegu: duela bizpahiru urte jarri zen martxan eta aurten ordezkatu du erabat telebista analogikoa. Hortaz, ezin da ulertu nola ez zen planteamendu iraultzaileago bat bezala sortu, kontuan izanik garai horretarako jada nahiko hedatua zegoela Internet bidezko ikus-entzunezkoen kontsumoa, malgutasun handiagokoa eta elkarrekintzarako aukera handiagoarekin.

Bada urte mordoxka bat eskatu ahalako bideoez goza dezakegula Interneten. Aspalditik aurki ditzakegu nahi ditugun serie eta film guztiak P2P sareetatik jaisteko, baina azkenaldian gero eta ugariagoak dira streaming bidez hauek modu legezkoan ikusteko plataformak, dela ordainduta, dela publizitatearen truke. Kate eta ekoizpen-etxe askok ere Interneten jartzen dituzte beraien programak, eta Youtuben eta antzekoetan jendeak jartzen dituen bideo amateur eta pertsonalak gehitu behar zaizkie horiei. Horrelakoetan, gainera, ez gara kontsumitzaile huts: bideoak puntuatu egin ditzakegu, komentatu, partekatu...

Aukera horietaz gozatzeak baditu, baina, bere desabantailak: etxeko ordenagailua aparteko toki batean egon ohi da gehienetan, sofan ez bezala jende asko esertzeko tokirik egoten ez den lekuetan. Agian horrek ere mugatu du, orain artean, Internet bidezko ikus-entzunezkoen kontsumoa. Egia da, egon, aspalditik dagoela aukera ordenagailu bati media center software bat jarrita HTPC (Home Theater PC) bat muntatzeko eta Internet telebistan ere izateko, baina hori egitea ez da erraza, geek bat ez bazara, eta horregatik ez da gizartearen gehiengoa horretaz baliatu.

Google TV: Internet telebistara eta sofara eramaten

Agian orain amaituko da hori, Google-k udazken honetan AEBn atera duen eta 2011n munduan merkaturatuko duen Google TVrekin. Izatez, Android sistema eragile librearen egokitzapen bat da Google TV, telebista- eta bideo-grabagailuetarako moldatuta. Bi motatako hardwaretan etor daiteke integratuta: telebistara konektatzen diren kutxetan (deskodetzaileen antzekoak) edo telebistan bertan. Logitech eta Sony izango dira lehenak Google TVdun aparatuak merkaturatzen, kutxa- eta telebista-formatuan hurrenez hurren, baina denborarekin gehiago ere izango dira.

Google TVrekin, ohiko telebista-kateak ikusi ahal izango ditugu, baina baita Interneteko bideo-zerbitzuak (doako nahiz ordainpekoak) edo gordeta ditugun bideo eta bestelako multimedia-elementuak ere. Gainera, bilaketak egiten ditugunean, horien guztien barruan egingo da. Edozein webgunetatik nabigatzea ere posible izango da. Telebista eta Internet, biak aldi berean erabili ahal izango ditugu. Adibidez, pantailaren zati batean partida bat ikusi, eta, bestean, taldearen informazioa; edo, film bat ikusten ari garela, izkinatxo batean Twitter bidez partekatu. Telebistaren pantaila nagusia ere gure programa, telebista-kate eta webgune gogokoenekin pertsonalizatu ahal izango dugu.

Posible izango da, baita ere, gure Android telefono mugikorra urrutiko aginte gisa erabiltzea, eta, teklatua behar denean (bilaketetan, "tuiteatzean"...), haren ahots-ezagutzarako softwareaz baliatzea. Horrez gain, funtsean Android sistema eragilea duenez, harentzat garatutako aplikazio-sorta zabala eskuratu eta exekutatu ahal izango dugu (mugikorren hardwarea erabiltzen ez duena, noski), jokoak barne. Eta, denbora laburrean, Google TVrentzat berariaz garatutako aplikazio berri ugari aterako dira, ziur. Finean, ordenagailu pertsonal baten modukoa izango da telebista, eta nahi ditugun aplikazioak instalatu eta pertsonalizatu ahal izango ditugu. Aukeraz betetako mundu berri bat irekitzen du honek.

Android Apple-ren aurretik

Aurreko hilean kontatzen genizuen Apple-k jendarteratu eta ia monopolio bihurtutako produktu-mota jakin batzuei, smartphone eta tabletei, hain zuzen, aurre egiteko sortu zela Android sistema eragilea. Applek atera zuen bere Apple TV duela urte batzuk, baina askoz sinpleagoa da: soilik webgune gutxi batzuetako bideoak ikus edo eros daitezke, ezin da aplikaziorik instalatu, ezin da nabigatu... Oso urrun dago Googlek proposatzen duenetik.

Apple, noski, ez da lo geldituko eta Apple TV pixkanaka Google TVrantz eboluzionatzen joango da. Jada iragarri ditu Google TVren ezaugarrietako batzuk sartuko dituztela Apple TV-ren hurrengo bertsioan. Edonola ere, oraingoan aurreratu egin zaio Google Appleri, eta, beharbada, ITV izenaz bataiatu den munduan (Interactive TeleVision edo telebista elkarreragilea) ez dugu biziko Appleren produktu itxi, hiperkontrolatu eta garestien monopoliorik.

Apple ez den beste arazo bat ere sortu zaio, ordea, Google TVri, abiatu eta berehala. Estatu Batuetako hiru telebista-kate publiko nagusiek (ABC, NBC, CBS) lehenengo eta beste batzuek ondoren, blokeatu egin diete Google TVren erabiltzaileei euren Interneteko edukietarako sarbidea. Beraien negozio eredu zaharkitua defendatzen saiatzeko haurren kasketak...

Iñaki+g
Iñaki+g dio:
2011/01/25 02:25

>> Nik ez dut ukatzen software librea, estandar irekiak eta horrelakoen aldekoa eta kontrola, itxitasuna, DRMa eta horrelakoen kontrakoa naizenik...

Nik ez dut jarrera hori kritikatzen, ni ere software librea eta estandar irekien aldekoa naiz. Kritikatzen dudana da, Google-k ongi egiten dituenak esateko, askotan Apple aurrean jartzea honek gauzak zein oker egiten dituen leporatuz. Jarrera guztiz zilegia iruditzen zait, baina kritikagarria. Esan bezala, nire irudipena da horrek laguntzen duela gainontzeko alternatibak existitzen ez direlako irudia ematen. Beti arrain handiez ari bagara, nola haziko dira txikiak?

>> ...etorkizunean telebistetan tendentzia berri bat nagusitzen den bakoitzean ez dugu telebista berri bat erosi beharko hori izateko, instalatu eta listo.

Tendentzia berri horrek hardware eskakizunik ez duen bitartean...

>>...Iruditzen zait telefono eta tablet-etan funtzionatu duen eredua telebistara eramateak eta atzean Google egoteak arrakastarako aukera ematen diola honi, eta iraultza ekar lezakeela sofako telebista-kontsumo ohituretan...

>>Kable bat behar duzu, eta teklatu inalanbriko bat edo urrutiko aginte bat, eta ordenagailu eramangarri bat edo bestela bigarren ordenagailu bat, eta... Ez diot nik egin ezin daitekeenik, eta aspaldian gero eta errazagoa ez denik, baina horrelakoek ez dute apenas adopziorik izan. Esan dudan bezala, katxarro bakarrean eta dena erraz emanda, nik irudipena daukat (eta hori da, nire irudipena besterik ez) aukerak dituela iraultza ekartzeko.

Hain zuzen ere Google atzean egoteak arrakastarako aukera ematen badio, ez al da hark duen publizitate eta marketing ahalmenagatik, Iraultza bat delako baino? Arrazoia ematen dizut orain arteko gailuek ez dutela arrakastarik izan, eta inork gutxik ezagutzen dituela. Eta egia da Google TV-k hainbat berritasun dituela, baina azken finean Googlek proposatzen duena ez da ordenagailua egongelara eramatea? bere aplikaziodun sistema eragilearekin, telebista sintonizadorearekin eta pantaila erraldoi batekin? Horregatik iruditzen zait iraultza baina marketing-a dagoela honen atzean.

>>Oker zaude, Google-k ez zaitu behartzen bere mugikorra erostera urrutiko aginte bat izateko. Nik idatzi dut...

  1. gauza honen inguruan, batetik nik inon ez dut esan Google-ek bere mugikorra erostera behartzen zaituenik, berak ematen duen irtenbidea hori zela baizik. Bestetik, nire komentarioa etzen oso serioa, honen inguruan, agian argiago utzi behar nuen..

>> Beste ezer erosteko aukerarik ez dagoenean monopolio purua dago, baina ekoizle batek merkatu kuota oso-oso handia duenean ere de facto-ko monopolioak gertatzen dira. Windows-entzat beti egon dira alternatibak (Mac, Linux eta abar), baina praktika monopolistengatik kondenatu zuten...

>> Oker zaude, Android-ek ez du ezeren monopolio edo oligopoliorik ez baita enpresa bat. Sistema eragile libre bat da telefono enpresa askok bere telefonoetan sartu dutena, eta horri esker ez dago ez monopolio ez oligopoliorik, smartphone-ak eta tablet-ak erosteko aukera ikaragarria baizik.

Honen inguruan, nik ez dut esan Android-ek monopoliorik duenik, ezta oligopoliorik ere, komentario honen hasieran aipatu dudanaren ildo beretik zihoan kontua, hots, Google vs. Apple etengabeko alderatzeak bestelako alternatibak ezkutatzen dituela, eta horrek oligopolio baterako bidean jartzeko arriskua ekar lezakeela, baina ez gaur egun dagoenik, ezta gutxiago ere. Merkatu kuota ezberdinak begiratzea besterik ez dago horrelakorik ez dagoela konturatzeko.

Bestalde zure argumentazioan kontraesana dagoela iruditzen zait, esaten duzu Android ez dela enpresa bat, eta? zure argumentu bera erabiliz, Windows ere ez da enpresa bat, baina M$ praktika monopolistengatik kondenatu zuten... (pixkat maltzurra izatearren, hau ez hartu oso serio ere, behintzat Android-ek lizentzia librea du -ASL-).

Amaitzeko, Apple-en monopolioaren eztabaida oso luzea izan daiteke, eta bestela ere izango ditugu aukera gehiago horri heltzeko...

e-gor
e-gor dio:
2011/06/19 22:47

Google TV bultzatu eta bere garapena azkartzeko, orain Google-k SageTV erosi du, kode irekiko telebistetarako plataforma bat.

e-gor
e-gor dio:
2011/01/20 01:23

> Eztakit ba, azkenaldian blog honek google-en euskarazko blog ofizialaren itxura gero eta handiagoa hartu du... eta Apple-n kontrakoa... eta ez da izango ni Apple-zalean naizenik gero!

> Apple-en negozio eredua oso da kritikagarria, baina artikuluan Apple=Deabrua vs. Google=Aingerua dikotomiari bultzadatxoa ematen zaiola dirudi...

Nik ez dut ukatzen software librea, estandar irekiak eta horrelakoen aldekoa eta kontrola, itxitasuna, DRMa eta horrelakoen kontrakoa naizenik, eta bakoitzari berea: Google-k ez du dena perfektu egiten ezta gutxiagorik ere, baina lehenengotako hainbat gauza bultzatu ditu (hortik berari buruzko hiru artikuluak, Google Wave, Android eta Google TV) eta Apple-k denak bigarrenekoak ditu.

> Tira txantxak alde batera utzita, Google TV-ri ikusten diodan berritasun nagusia web-a eta telebista bat bezala erabiltzeko aukera hori da, batez ere bilaketak eremu guztietan egiteko ahalmen hori eta hainbat gauza aldi berean ikusteko aukera.

Ez da hori bakarrik. Berritasun garrantzitsuenetakoa da aplikazioak instalatu daitezkeela erraz-erraz edozein Android-etan bezala, eta horrek ematen dituen askatasuna eta aukerak. Hirugarrenek egiten joango diren aplikazioekin aukerak milaka izango dira. Eta etorkizunean telebistetan tendentzia berri bat nagusitzen den bakoitzean ez dugu telebista berri bat erosi beharko hori izateko, instalatu eta listo.

> Baina etzait iruditzen horrenbesteko iraultza suposatu duenik gaur egun merkatuan dauden teknologiekiko. Esango nuke internet aspaldi heldu zela sofara... Alde batetik, Internet arakatzailea integratuta duten telebistak badaude merkatuan aspaldi, nahiz egia den telebistako edo interneteko edukiak aldi berean ezin direla atzitu.

Ez dut esan iraultza teknologikoa denik, Google TV-ren atzean dagoena Android besterik ez da, eta hori aspaldi dago mugikor eta tablet-etan. Baina hala ere, zuk aipatzen dituzun telebistekiko bai dago alde handia, konparazioan iraultzailea izateraino ere esango nuke (goian aipatutako aplikazioena besteak beste).

Nik artikuluan esan dudana da iraultzailea izan daitekeela ohituretan, ordenagailuan eta beste gailu batzuetan eman diren aldaketak sofara eraman ditzakeelako. Iruditzen zait telefono eta tablet-etan funtzionatu duen eredua telebistara eramateak eta atzean Google egoteak arrakastarako aukera ematen diola honi, eta iraultza ekar lezakeela sofako telebista-kontsumo ohituretan. Noski, oker egon naiteke. Baina behintzat zuk aipatu dituzun telebista horiek ez dute lortu, zenbat jendek ditu?

> Nik probatzeko aukera izan dut eta duten arazoetako bat teklatua da, telebistako mandoarekin bilaketak egitea ez da samurra izaten... baina badute gogokoen zerrendak osatzea, adibidez. Google-ek ematen didan irtenbidea bere sistema eragilea duen mugikorra erostea da, teklatu moduan erabili ahal izateko, mmmm ez dakit ba... merkatua irabazteko beste estrategia ote? ;)

Oker zaude, Google-k ez zaitu behartzen bere mugikorra erostera urrutiko aginte bat izateko. Nik idatzi dut Android telefono mugikorra urrutiko aginte gisa erabiltzea posible izango dela, sagu bat bailitzan edo ahots ezagutzaren bidez. Baina Google TV-k badakar urrutiko agintea, eta oso majoa gainera: urrutiko aginte bat baino zertxobait handiagoa da baina teklatu bat du. Artikuluaren Elhuyar aldizkariko paperezko bertsioan ikusten da nolakoa den, Zientzia.net-eko online bertsioan argazkia txikiegia dago.

> Bestalde, iruditzen zait ordenagailua telebistari lotzea gaur egun gero eta errazagoa dela, ez da beste munduko softwarerik behar. HDMI kable batekin nahikoa da zure ordenagailua telebistako pantailan edukitzeko eta listo, ez dut uste oso friki izan behar denik horretarako. Noski, berriz ere bi sistemak aldi berean ezin direla erabili ere onartzen dut.

Kable bat behar duzu, eta teklatu inalanbriko bat edo urrutiko aginte bat, eta ordenagailu eramangarri bat edo bestela bigarren ordenagailu bat, eta... Ez diot nik egin ezin daitekeenik, eta aspaldian gero eta errazagoa ez denik, baina horrelakoek ez dute apenas adopziorik izan. Esan dudan bezala, katxarro bakarrean eta dena erraz emanda, nik irudipena daukat (eta hori da, nire irudipena besterik ez) aukerak dituela iraultza ekartzeko.

> Apple-i buruz, uste dut Apple produktuak monopoliotik nahiko urrun daudela orokorrean. Ez dut uste Applezaleak ez garenok ezinbestean Apple-ena den produkturik erosteko beharrean aurkitu garenik, eskaintzen dituen produktu motetako batean ere ez, ni ez behintzat.

Beste ezer erosteko aukerarik ez dagoenean monopolio purua dago, baina ekoizle batek merkatu kuota oso-oso handia duenean ere de facto-ko monopolioak gertatzen dira. Windows-entzat beti egon dira alternatibak (Mac, Linux eta abar), baina praktika monopolistengatik kondenatu zuten...

Eta smartphone-etan, iPhone-a atera eta Android iritsi aurretiko urteetan, Apple-k zeukan monopolioa de facto, behintzat merkatu eta erabilera batzuetan (mendebaldeko gizartean, aisiarako, Interneten ibiltzeko eta ez soilik deitzeko). Eta monopolioetan gertatzen diren efektuak zeuden, hala nola ekoizle berriak sartzeko sarrera hesiak (smartphone-ak saltzen hasi nahi zuen edozeinek sistema eragile propioa garatu behar zuen eta aplikazioz hornitu, horrek dakarren kostuarekin, eta hala ere zaila zuen iPhone-k bezainbeste aplikazio izatea, eta ez bada saltzen inork ez du zuretzat aplikaziorik egingo). Symbian ere hor zegoela onartuta, biren oligopolioa ere ez da egoera desiragarria. Android-ek hautsi zuen hori, ekoizle, modelo eta aukera ugari agertu baitziren. iPad-arekin berdin edo gehiago, Android-dun tablet-ak atera diren arte ez zegoen beste aukerarik merkatuan.

> Monopolio eztakit baina nik "bipolio" itxura hartzen diot, eta hori monopolioa baino hobea izango da, baina hortxe hortxe...

Oker zaude, Android-ek ez du ezeren monopolio edo oligopoliorik ez baita enpresa bat. Sistema eragile libre bat da telefono enpresa askok bere telefonoetan sartu dutena, eta horri esker ez dago ez monopolio ez oligopoliorik, smartphone-ak eta tablet-ak erosteko aukera ikaragarria baizik.

> Azken hausnarketa gisa, eta agian astakeria bat da, baina, nire ustez, telebista plataformaren bizitza egun ezagutzen dugun bezala desagertze bidean da, epe motzean ez bada ere. Izan ere, gero eta eduki gehiago interneten jartzen dira, baita telebista kate konbentzionalek ere. Beraz, ez al da logikoagoa eduki guztiak sarean egotea eta kitto? zertarako behar ditugu bi plataforma edukia berdina izango bada?

Ados nago hori ere etorriko dela denborarekin. Baina hori gertatzeko Interneteko edukia sofatik modu erosoan kontsumitu ahal izateko gailuak behar dira, bestela ez da gertatuko. Eta Google TV moduko gailuak zabaltzeak horretan lagun dezake.

Iñaki+g
Iñaki+g dio:
2011/01/19 01:42

Eztakit ba, azkenaldian blog honek google-en euskarazko blog ofizialaren itxura gero eta handiagoa hartu du... eta Apple-n kontrakoa... eta ez da izango ni Apple-zalean naizenik gero!

Tira txantxak alde batera utzita, Google TV-ri ikusten diodan berritasun nagusia web-a eta telebista bat bezala erabiltzeko aukera hori da, batez ere bilaketak eremu guztietan egiteko ahalmen hori eta hainbat gauza aldi berean ikusteko aukera. Baina etzait iruditzen horrenbesteko iraultza suposatu duenik gaur egun merkatuan dauden teknologiekiko. Esango nuke internet aspaldi heldu zela sofara...

Alde batetik, Internet arakatzailea integratuta duten telebistak badaude merkatuan aspaldi, nahiz egia den telebistako edo interneteko edukiak aldi berean ezin direla atzitu. Nik probatzeko aukera izan dut eta duten arazoetako bat teklatua da, telebistako mandoarekin bilaketak egitea ez da samurra izaten... baina badute gogokoen zerrendak osatzea, adibidez. Google-ek ematen didan irtenbidea bere sistema eragilea duen mugikorra erostea da, teklatu moduan erabili ahal izateko, mmmm ez dakit ba... merkatua irabazteko beste estrategia ote? ;)

Bestalde, iruditzen zait ordenagailua telebistari lotzea gaur egun gero eta errazagoa dela, ez da beste munduko softwarerik behar. HDMI kable batekin nahikoa da zure ordenagailua telebistako pantailan edukitzeko eta listo, ez dut uste oso friki izan behar denik horretarako. Noski, berriz ere bi sistemak aldi berean ezin direla erabili ere onartzen dut.

Apple-i buruz, uste dut Apple produktuak monopoliotik nahiko urrun daudela orokorrean. Ez dut uste Applezaleak ez garenok ezinbestean Apple-ena den produkturik erosteko beharrean aurkitu garenik, eskaintzen dituen produktu motetako batean ere ez, ni ez behintzat. Apple-en negozio eredua oso da kritikagarria, baina artikuluan Apple=Deabrua vs. Google=Aingerua dikotomiari bultzadatxoa ematen zaiola dirudi... monopolio eztakit baina nik "bipolio" itxura hartzen diot, eta hori monopolioa baino hobea izango da, baina hortxe hortxe...

Azken hausnarketa gisa, eta agian astakeria bat da, baina, nire ustez, telebista plataformaren bizitza egun ezagutzen dugun bezala desagertze bidean da, epe motzean ez bada ere. Izan ere, gero eta eduki gehiago interneten jartzen dira, baita telebista kate konbentzionalek ere. Beraz, ez al da logikoagoa eduki guztiak sarean egotea eta kitto? zertarako behar ditugu bi plataforma edukia berdina izango bada?

  1. D.: LTDarekin sekulakoa sartu digutela pentsatzen dut, eskerrak Nafarrok eskupilota behintzat analogikoan ikusten dugun...
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hamar gehi lau? (idatzi zenbakiz)
Erantzuna:
e-gorblog

e-gorblog

Egunez, Igor Leturia Azkarate pertsona arrunta da. Errenterian bizi den arrasatearra, 8etatik 15etara Elhuyarren lan egiten du eta arratsaldeak neskarekin eta bere bi umeekin pasatzen ditu.

Baina gaua iritsi eta umeak lotara joaten direnean, e-gor bihurtzen da, interneteko bere alter-egoa, ziberespazioko informatikaririk komikizaleena eta komikizalerik informatikariena! Bere superbotereekin (interneteko kable-konexioa, bloglines, informatika aldizkariak, gadget-ak, komiki-bilduma, Errenteriko liburutegiko komikien atala eta batez ere bere jakinmin aseezina) eta bere superlaguntzaileak ondoan dituela (Patxi Lurra, DabilenHarria...), euskaldunon teknofobiaren eta komikiei buruzko aurreiritzien aurka burrukatzen du etengabe! Hemen duzu bere bloga: e-gorblog!

Bai, hor goiko aurkezpena superheroi batena da (ezin aproposagoa honelako blog batentzat, ezta?). Superheroia banintz zein izango nintzatekeen jakiteko the Superhero Personality Test egin nuen eta hona emaitzak:

You are Spider-Man
You are intelligent, witty, a bit geeky and have great power and responsibility.

Spider-Man
80%
Superman
70%
Green Lantern
65%
Robin
65%
The Flash
60%
Supergirl
55%
Hulk
55%
Iron Man
45%
Wonder Woman
35%
Catwoman
25%
Batman
0%
Lizentzia

Creative Commons-en baimena
Blog honetako edukia, Igor Leturiak eta beste kolaboratzaile batzuek egiten dutena, Creative Commons Aitortu-PartekatuBerdin 3.0 Unported baimen baten mende dago (irudiak salbu).

Harpidetza
  • Harpidedunak:
  • e-gorren blog pertsonala (komikiak, informatika eta beste) RSS jarioa
  • E-mail harpidetza
  • Twitter-en jarraitu:
  • Erantzunen harpidetza
  • Harpidedunak:
  • RSS jarioa
  • E-mail harpidetza
  • Artxiboa
    2004 2005 2006 2007 2008 2009 2010 2011 2012 2013 2014 2015 2016 2017
    Artikulu aipagarriak

    MythTV sorta
    2004/11

    "Pololoak" sorta
    2004/11-12 - 2006/10-12 - 2007/02-03

    Monoblogoa
    2005/01/11

    "Persepolis", xalotasunaren sakontasuna
    2005/01/25

    Elgetako Blogs&Beers 2005: nire inpresioa eta moblogging kontuak
    2005/04/18

    Firefox eta bere plugin zoragarriak
    2005/05/11

    "El País"-en komiki bilduma
    2005/05/15

    Euskarazko bi blog berri (bai, beste bi, baina hauek bereziak dira!)
    2005/05/25

    "Watchmen" sorta
    2005/09-11 - 2006/10 - 2007/10 - 2008/07

    "La cárcel de papel"-eko "Mis tebeos favoritos" saila I: 1etik 20ra
    2005/11/08

    "Goienkaria"-n agertu naiz
    2005/12/08

    Komikiak eta euskal rock-a
    2005/12/14

    Ruben Arozena "Ruben" komikigilea hil da
    2006/01/02

    Zope-rako DTML Calendar Tag produktua, euskaraz
    2006/02/01

    "Joyas Literarias Juveniles" bilduma, osorik eMule-n
    2006/08/05

    Argazkigintza eta DRM-a
    2006/10/09

    Paul Auster eta Euskararen Herria
    2006/10/29

    Angoulême sorta
    2007/01-02

    Gaur duela 25 urte nire bizitza aldatu zen
    2007/04/23

    Hergé-ren defentsan
    2007/05/22

    Ubuntu-ren bertsio berria, hobekuntza askorekin
    2007/07/02

    OLPC sorta
    2007/12 - 2008/01

    Guillermo Zubiaga, Marvel-eko komikilari euskalduna
    2008/02/05

    Asus EEE PC, ordenagailu txiki eta merkeen hurrengo sorta
    2008/03/11

    Agur, Ipurbeltz, agur... :-(
    2008/08/04

    "Café Budapest", gizatasuna eta bizikidetzaren aldeko aldarria
    2008/08/25

    "Arturo Erregea" serie mitikoa, Euskal Encodings-en! (beste askorekin batera)
    2008/09/17

    "Gazteak", beste serie mitiko bat euskaraz eskuragai!
    2008/10/14

    Pottokiek 50 urte!
    2008/10/22

    Europan ere OLPC-ren XO ordenagailuak erosteko aukera!
    2008/11/12

    Microsoft-en web zerbitzuetako gehienak, euskaraz!
    2008/12/04

    "Heroes"-en 2. denboraldia: ETB kirtenkeria errepikatzera, eta Euskal Encodings konpontzera
    2009/01/23

    I. Euskal OLPC Party-a, apirilaren 23an Donostiako Doka kafe antzokian
    2009/04/16

    Elkarrizketa egin didate 7K-n
    2009/06/03

    Azpiriren Spectrum-entzako jokoen azalak liburu batean
    2009/10/06

    Asterix, heroi garaitua
    2009/10/29

    "Ihes ederra", euskarazko komikigintzaren heldutasunaren konfirmazioa
    2009/11/13

    Pololoak 3: The making of
    2009/11/22

    5 urte 5!
    2009/12/15

    Nobela grafikoa, komikien prestigiorako ala mespretxurako?
    2009/12/20

    "Pololoak 3 - Atxeritoko balada", trilogiaren amaiera borobila
    2010/01/13

    Sinclair ZX Spectrum bat oparitu didate!
    2010/01/19

    Zergatik ez dudan liburu elektronikorik erosiko (gauzak aldatzen ez diren artean)
    2010/01/27

    Errealitate areagotua: munduaren pertzepzioa aberasten
    2010/02/09

    e-gorblog, "Nick dut nik" telebista saioan
    2010/05/20

    Sarearen neutraltasunari erasoak: Interneten izaera arriskuan
    2010/06/02

    "Avatar, azken aire maisua" osoa eta "Heroiak"-en lehen bi denboraldiak, Euskal Encodings-en
    2010/07/22

    Sistema eragileen guda berria
    2010/12/14

    Anubis 3.0 albumarentzat 3D animazio ederra
    2010/12/27

    Telebistaren benetako iraultza hemen da, eta ez da LTDa
    2011/01/10

    "Asterix galiarra" eta "Urrezko igitaia" berrargitaratu ditu Salvatek
    2011/01/13

    Euskarazko komikigintza digitalizazioaren aurrean
    2011/01/27

    "Ihes ederra"ren gaztelaniazko eta katalanezko bertsioak eta "Alokairuan", kalean
    2011/02/20

    Star Wars jatorrizko trilogia, euskaraz
    2011/03/21

    Sare sozialetan preso
    2011/04/06

    Zer dudan Steve Jobsen, edo Appleren, aurka
    2011/10/14

    Gaur 100 urte Adèle Blanc-Sec-en abenturak hasi zirela
    2011/11/04

    Euskarazko 8 komiki berri
    2011/12/02

    Social networks killed the RSS star?
    2012/06/10