Edukira salto egin | Salto egin nabigazioara

Tresna pertsonalak

Saioa hasi

Eibarko peoria, San Blasa baino hobia

Hemen zaude: Hasiera / Blogak / e-gorblog / "Sorgin seinalea" komiki-sailari buruzko erakusketa

e-gorblog

"Sorgin seinalea" komiki-sailari buruzko erakusketa

e-gor 2023/10/28 09:45

Fantasiazko eta Beldurrezko Zinemaren Astea kari, Donostiako Udal Liburutegi Nagusian izango da urriaren 27tik azaroaren 18ra eta Irungo Carlos Blanco Aginaga Kultur Gunean azaroaren 23tik abenduaren 12ra

"Sorgin seinalea" komiki-sailari buruzko erakusketa

Irudia: Daniel Redondo

Donostiako Fantasiazko eta Beldurrezko Zinemaren Astearen barruan Euskadi Fantastikoa izeneko erakusketa bat egin ohi da, normalean euskal komiki edo komikigileren bati dedikatua. Aurtengoan Sorgin seinalea komiki-sailari buruzkoa izango da erakusketa.

Sorgin seinalea komiki-saila Gregorio Muro Harriet gidoigileak eta Daniel Redondo marrazkigileak egin zuten 1980ko hamarkadan, Habeko Mik komiki-aldizkariaren abaroan. Lau albumez osatutako euskal sorginen eta inkisizioaren inguruko sail hau oso arrakastatsua izan zen eta Europako zenbait herrialdetan ere argitaratu zen. 2017an Harriet argitaletxeak berrargitaratu zituen denak edizio oso batean.

Erakusketa Donostiako Udal Liburutegi Nagusian dago ikusgai urriaren 27tik eta bertan egongo da azaroaren 18ra bitarte, eta ondoren Irungo Carlos Blanco Aginaga Kultur Gunean ikusteko aukera izango da azaroaren 23tik abenduaren 12ra. Gainera, azaroaren 2an prentsaurrekoa izango da bi egileekin. Aukera ederra benetan merezi duen obra hau ezagutzeko, edo berari buruz gehiago jakiteko azalpenen eta irudi handi eta ederren bidez.

etiketak: Sorgin seinalea, Daniel Redondo, komikiak, Gregorio Muro, Euskadi Fantastikoa, Harriet

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Izena

E-posta

Erantzuna

Captcha

Galdera: Zenbat dira hogei ken bi? (idatzi zenbakiz)
Erantzuna:

e-gorblog

Egunez, Igor Leturia Azkarate pertsona arrunta da. Errenterian bizi den arrasatearra, 8etatik 17etara Elhuyarren lan egiten du eta arratsaldeak neskalagunarekin eta bere bi umeekin pasatzen ditu.

Baina gaua iritsi eta umeak lotara joaten direnean, e-gor bihurtzen da, interneteko bere alter-egoa, ziberespazioko informatikaririk komikizaleena eta komikizalerik informatikariena! Bere superbotereekin (interneteko kable-konexioa, bloglines, informatika aldizkariak, gadget-ak, komiki-bilduma, Errenteriko liburutegiko komikien atala eta batez ere bere jakinmin aseezina) eta bere superlaguntzaileak ondoan dituela (Patxi Lurra, DabilenHarria...), euskaldunon teknofobiaren eta komikiei buruzko aurreiritzien aurka burrukatzen du etengabe! Hemen duzu bere bloga: e-gorblog!

Bai, hor goiko aurkezpena superheroi batena da (ezin aproposagoa honelako blog batentzat, ezta?). Superheroia banintz zein izango nintzatekeen jakiteko the Superhero Personality Test egin nuen eta hona emaitzak:

You are Spider-Man
You are intelligent, witty, a bit geeky and have great power and responsibility.