e-gorblog

"María y yo" filma estreinatu da

e-gor 2010/07/17 00:15

Miguel Gallardoren izen bereko komiki autobiografikoan oinarrituta dago

Irudia: Miguel Gallardo

María y yo Miguel Gallardok (beste batzuen artean Makokiren egilea denak) Astiberri Bilboko argitaletxearen eskutik 2007an argitaratutako komiki bikaina da, Kataluniako Komiki-Sari Nazionala irabazitakoa. Bertan autista den bere alaba Maríarekiko erlazioa kontatzen du oso modu hunkigarrian. Komiki bikaina da zinez.

Orain, istorio horretan oinarrituta, izenburu bereko film dokumentala egin du Félix Fernández de Castro zuzendariak, orain artean publizitatean sari ugari irabazitakoak. Miguel eta María eurak dira aktoreak. Jada sariak irabazi ditu eta baita kritika oso onak jaso ere. Trailerrak ere oso itxura ona du.

Gaur estreinatu da filma, beraz ahal baduzue ez galdu ikusteko aukera. Tamalez, Euskal Herrian Bilbon eta Gasteizen soilik dago, momentuz behintzat...

etiketak: Miguel Gallardo, María y yo, komikiak

e-gor dio:

2010/07/18 02:34

Zine aretoetan banatu eta dirua egin nahi izatea ere zilegi da, baina aurrekontu txikiko filmek (honek bezala) arazoak dituzte behar bezalako banaketa egiteko zinemetako proiekzio sistemaren erruz, oraindik ere analogikoak direlako (3D aretoetakoak izan ezik). Orduan, pelikula bat zine aretoetara iristeko, bobinetan grabatu behar da eta hau garestia da (1.200 euro inguru bobina bakoitzeko), pisutsua, asko okupatzen du, grabatzeak bere denbora behar du... Film txikien banaketarako arazo ugari.

Zinema areto guztiak digitalizatuta baleude, filmak disko gogorretan banatuko lirateke (nahi izanez gero, baita pendrive baten ere!), nahi adina kopia instantean eta merke eginda. Herri txikietara ere segituan iritsi ahal izango lirateke filmak, aurreikusitakoa baino arrakasta handiagoa duten filmen kopia gehiago segituan egin... Ikusi artikulu hau.

Ez dakit zeren zain dauden. Ze pelikulak kamera digitalekin grabatu eta sistema digitalekin editatzen diren garai hauetan, banatzeko sistema analogiko batera pasatu behar izatea ere...

Luistxo dio:

2010/07/17 07:44

Bi aretotan bakarrik dago ze 14 kopia bakarrik egin dituzte, beren webean irakurri dudanez.

Kartelak bederatzi babesleren logoak ditu behekaldean. Bederatzien aportazioak ez ote dira nahikoa izan filma ordaintzeko? Takillarekin bete behar ote dira aurrekontuak oraindik?

Torrentetara igo, eta banaketa eta kopia arazoak konponduta.

patxi lurra dio:

2010/07/18 14:01

Gomendioagaitik. Apuntauta!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Izena

E-posta

Erantzuna

Captcha

Galdera: Zenbat dira hogei ken bi? (idatzi zenbakiz)
Erantzuna:

e-gorblog

Egunez, Igor Leturia Azkarate pertsona arrunta da. Errenterian bizi den arrasatearra, 8etatik 17etara Elhuyarren lan egiten du eta arratsaldeak neskalagunarekin eta bere bi umeekin pasatzen ditu.

Baina gaua iritsi eta umeak lotara joaten direnean, e-gor bihurtzen da, interneteko bere alter-egoa, ziberespazioko informatikaririk komikizaleena eta komikizalerik informatikariena! Bere superbotereekin (interneteko kable-konexioa, bloglines, informatika aldizkariak, gadget-ak, komiki-bilduma, Errenteriko liburutegiko komikien atala eta batez ere bere jakinmin aseezina) eta bere superlaguntzaileak ondoan dituela (Patxi Lurra, DabilenHarria...), euskaldunon teknofobiaren eta komikiei buruzko aurreiritzien aurka burrukatzen du etengabe! Hemen duzu bere bloga: e-gorblog!

Bai, hor goiko aurkezpena superheroi batena da (ezin aproposagoa honelako blog batentzat, ezta?). Superheroia banintz zein izango nintzatekeen jakiteko the Superhero Personality Test egin nuen eta hona emaitzak:

You are Spider-Man
You are intelligent, witty, a bit geeky and have great power and responsibility.