Komikien hizkuntzari buruzko ikastaroa Joseviskyren eskutik
e-gor
2014/09/30 22:15
Tolosako liburutegian izango da, astelehenero 2 orduz, urria eta azaroan
Irudia: Josevisky
Xabiroin kolaboratu izan duen eta, besteren artean, KKLRD online komikiak (www.kklrd.com) ere egiten dituen Joseba Larratxe Joseviskyk Komikia: mugimendu ikusezina izenburuko ikastaroa emango du, komikiaren hizkuntza ezagutu, ulertu eta menperatzen irakasteko helburuarekin.
Ikastaroa Tolosako liburutegian izango da eta 16 orduko iraupena izango du, 2 orduko 8 saiotan banatuta. Saiook astelehenetan izango dira 18:00etatik 20:00etara, urriaren 6tik hasita. Matrikulak 20 euro balioko ditu. Informazio gehiagorako eta izena emateko: gazteria@tolosakoudala.net.
Aukera ezin hobea komikiaren munduan gehiago barneratzeko. Animatu!
