"Komikiak eta zientzia" erakusketa Ondarroan
e-gor
2017/05/12 18:08
12tik 21era bitartean egongo da irekita Zientziaren Giltzak elkarteak eta Luterl taldeak Zientziaren Astearen barruan antolatutako erakusketa hau
Ondarroan Zientziaren Giltzak elkarteak antolatu duen 1. Zientzia Astearen barruan, komikiak eta zientziari buruzko erakusketa paratu dute Luterl taldearekin elkarlanean. Alamedako Udal Erakusketa Aretoan egongo da ikusgai gaurtik 21era bitartean.
Erakusketak bi atal ditu. Batetik, DIPC eta CIC nanoGUNEren nanoKOMIK ekimeneko iazko edizioko parte hartzaileen lanak ikusi ahal izango dira. Bestetik, hautatutako 10 komikitan zientziari buruzko erreferentziak nola azaltzen diren ikusi ahal izango da. Komiki horiek TBO, Piztia otzanak, Aljebra eta Spiderman bezalakoak dira. Ekimen interesgarria.
