"Juan Carlos Egillor eta Bilbo" erakusketa
Irudia: Juan Carlos Egillor
Iaz hildako Juan Carlos Egillor komikigile, margolari, ilustratzaile eta zinegilearen lanaren inguruko erakusketa dago ikusgai Bilboko Foru Liburutegian ekainaren 15a arte.
Berak egindako kartel ugari (Bilboko jaietakoak, esaterako) eta diskoen portada asko (Ruper Ordorika, Oskorri...), bere berezko estilo horrekin, oso ezagunak dira. Baina komikigintzaren munduan ere famatua zen oso, Euskal Herrian zein gure mugetatik kanpo. El Correo Español, Egin, El Pais eta beste egunkari askorentzat egin zituen komiki-bandak (Mari Aguirre, Miss Martiartu...), eta baita Euskadi Sioux aldizkarian hainbat lan ere.
Ezaguna baduzu bere lana, orain duzu aukera bere lanen atzera begirako honen bidez bere obraz gozatzeko; eta ez baduzu ezagutzen, bere lanak deskubritzeko! Hona hemen, aperitif gisa, Kartelartean blogeko erakusketaren argazki batzuk eta iruzkina.
