Edukira salto egin | Salto egin nabigazioara

Tresna pertsonalak

Saioa hasi

Eibarko peoria, San Blasa baino hobia

Hemen zaude: Hasiera / Blogak / e-gorblog / "Bordados", emakume irandarren intimitateak

e-gorblog

"Bordados", emakume irandarren intimitateak

Oihane Zabaleta 2008/09/24 22:35

Oihane Zabaleta kolaboratzaile berriaren gomendio-iruzkina

"Bordados", emakume irandarren intimitateak

Irudia: Marjane Satrapi

Marjane Satrapiren marrazki infantil eta hitzek brodatzen dituzte (Persepolis ezagunaren ondotik) Ekialde Hurbilean islamismo totalitarioak bertako biztanleengan utzitako arrastoak. Gustatu zaigu ezaguna zaigun komedia ikutu arin hori galdu gabe, baina sakonera askozaz beltzagoa erakusten duten hainbat emakumek euren bizipenak nola kanporatzen dituzten, lotsaren-lotsaz beti besteei pasatutako abenturetan oinarrituta: gurasoek adostutako matrimonioak, argazki bidez ezagututako gizonezkoekin ezkondu beharra, poligamia, birjintasuna ohorearekin lotzea... Marjaneren amonaren esanetara, “besteen trapu zarrak astintzea bezalakorik ez dago, bihotzari astindutxo bat eman eta erabat hustutzeko”. Eta berriketaldi hauek tea hartuz, bazkalondoro egiten dituzte; gizonezkoak siestan dauden bitartean. Hara hor, terapia honen arrakastaren gakoa.

Fitxa
Izenburua: Bordados Gidoia eta irudiak: Marjane Satrapi Argitaletxea: Norma Editorial Urtea: 2004 ISBN: 84-96370-18-6

etiketak: Marjane Satrapi, komikiak, Bordados

e-gor dio:

2008/09/25 11:06

Niri ere asko gustatzen zait lan hau (Satrapiren besteak bezala), eta zure artikulua ikusitakoan berrirakurtzeko aprobetxatu dut. Oso ona da liburuaren hasieran datorren hiztegiko definizioa, istorioaren nondik norakoa bikain iradokitzen duena:

Broderies s.fem.pl.

Bordado.//Adorno de un tejido o una piel con cosidos hechos en relieve.
Cotilleo.//Difusión o narración de chismes entre varias personas.
Reconstrucción quirúrgica del himen para simular la conservación de la virginidad.
Título original francés de "Bordados", de Marjane Satrapi.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Izena

E-posta

Erantzuna

Captcha

Galdera: Zenbat dira hiru ken lau (idatzi zenbakiz) ?
Erantzuna:

e-gorblog

Egunez, Igor Leturia Azkarate pertsona arrunta da. Errenterian bizi den arrasatearra, 8etatik 17etara Elhuyarren lan egiten du eta arratsaldeak neskalagunarekin eta bere bi umeekin pasatzen ditu.

Baina gaua iritsi eta umeak lotara joaten direnean, e-gor bihurtzen da, interneteko bere alter-egoa, ziberespazioko informatikaririk komikizaleena eta komikizalerik informatikariena! Bere superbotereekin (interneteko kable-konexioa, bloglines, informatika aldizkariak, gadget-ak, komiki-bilduma, Errenteriko liburutegiko komikien atala eta batez ere bere jakinmin aseezina) eta bere superlaguntzaileak ondoan dituela (Patxi Lurra, DabilenHarria...), euskaldunon teknofobiaren eta komikiei buruzko aurreiritzien aurka burrukatzen du etengabe! Hemen duzu bere bloga: e-gorblog!

Bai, hor goiko aurkezpena superheroi batena da (ezin aproposagoa honelako blog batentzat, ezta?). Superheroia banintz zein izango nintzatekeen jakiteko the Superhero Personality Test egin nuen eta hona emaitzak:

You are Spider-Man
You are intelligent, witty, a bit geeky and have great power and responsibility.