Antton Olariaga eta Joseba Larratxeren hitzaldia, Argiaren mendeurrenaren harira
e-gor
2019/05/21 07:49
Aldizkarian irudien, komikien eta umorearen presentziaz arituko dira San Telmo museoan asteazkenean, maiatzak 22, arratsaldeko 19:00etan
Irudia: Argia / Irunero
Argia aldizkariak 100 urte betetzen dituela eta antolatutako Zerukotik lurrekora hitzaldi zikloaren barruan, bertan umore zintek, ilustrazioek, azaleko irudiek, kartelek, marrazkiek eta komikiek izandako presentziaren eta eraginaren inguruko mintzaldia antolatu dute, 100 urte, ehunka irudi izenburupean. Antton Olariaga eta Joseba Larratxe Joseviskyk emango dute; lehenak lau hamarkadatan zehar egin dituen irudien errepasoa egingo duelarik, bigarrena azken urteetako tendentzia berrien inguruan arituko da. Hitzaldi zinez interesgarri hau San Telmo Museoan izango da bihar asteazkena, maiatzak 22, arratsaldeko 19:00etan.
