Edukira salto egin | Salto egin nabigazioara

Tresna pertsonalak

Saioa hasi

Eibarko peoria, San Blasa baino hobia

Hemen zaude: Hasiera / Blogak / e-gorblog / Ruben Arozena "Ruben" komikigilea hil da

e-gorblog

Ruben Arozena "Ruben" komikigilea hil da

e-gor 2006/01/02 15:30

"Ipurbeltz" aldizkarian marrazten zuen

Ruben Arozena "Ruben" komikigilea hil da

Irudia: Ruben Arozena

Joan den ostiralean, iazko abenduaren 30ean, Ruben Arozena "Ruben" komikigilea bihotzekoak jota zendu zen, 39 urte zituela.

Rubenek Triski eta Bi Luma komikiaren bi orrialde argitaratzen zituen hilero Ipurbeltz aldizkarian.

(Hileta elizkizunak gaur, urtarrilak 2, arratsaldeko 7etan izango dira Elgoibarko parrokian)

Ruben Arozena Elgoibarren jaio zen duela 39 urte. Ikasketak Valentzian egin zituen. Azken urteetan Bilbon bizi zen.

Ruben 17 urterekin hasi zen Ipurbeltzekin kolaboratzen, Triskilistraski pertsonaiarekin. Gero pertsonaia horri Bi Luma gehitu zitzaion, oraindik ere jarraitzen duen Triski eta Bi Luma bihurtuz. Horiez gain beste komiki batzuk ere argitaratu ditu Ipurbeltzen: 1988an Brans eta 1989tik 1994ra Aigar eta Pello gerlariak.

Horrez gain, Habe, Habeko Mik, Aizu eta Hemen aldizkarietan ere publikatu izan ditu komikiak. Eta euskara ez den beste hizkuntza batzuetan ere bai, hala nola El Víboran eta Erromako Nuova Frontieran.

Doluminak Rubenen sendiari eta Ipurbeltzeko guztieri.

(Eskerrik asko Joxean Lopetegi Lope eta Ipurbeltzekoak informazioagatik)

etiketak: komikiak, Ruben Arozena

e-gor dio:

2006/01/03 02:02

Aupa Ipurbeltz,

Oso erantzun polita utzi duzu nire blogean, hunkigarria benetan. Eta asko sentitzen dut zure lankidearen galera, nire doluminik sentikorrenak eman nahi dizkizut.

Nire aldetik, ilusio handia egin dit zuk hemen idazteak eta nire blog xume hau ezagutzen duzula jakiteak. Ni Ipurbeltzekin hazitakoa naiz, Ipurbeltzekin ametsen mundua ere baden komikien ezagututakoa eta Ipurbeltzi eta hori bezalakoei esker komikizaletutakoa. Beraz, ez dakit berri hau egunkariren baten agertuko den ala ez, baina zalantzarik ez izan jende askorentzako oso garrantzitsua zarela.

Animo eta aurrera!

haize dio:

2006/01/30 21:03

kaixo, rubenen ikaslea nintzen unibertsitatean. kolpe gogorra izan zen berarekin klasean geudenontzat, irakasle izateaz gain, laguna ere zelako. pena handia eman zigun hiletara ezin joanak, baina unibertsitateak 10 egun beranduago eman zigun berria... klasekook askotan aipatzen dugu zenbat gogoratzen garen berarekin. bakarrik jakinarazi nahi nizuen zuen dolua gure artean ere banatuta dagoela. ipurbeltzekoek, segi lanean, farrea momentu hauetan eskertzen da eta! eta ez uste zerura begira eta hodei horietan ruben eta alazne ikusten dituzen bakarrak zaretenik.

Ipurbeltz dio:

2006/01/03 00:35

Oraintxe bertan itzuli gara Rubenen hiletatik. Parrokia bete-beterik. Marrazkilari gutxi. L., A. eta hirurok Ipurbeltzen izenean. Olatz, Iturri, Idoia eta Pepi Erein argitaletxearen izenean. Marrakilariak bizi gera gure bakardadean eta hiltzen gera senide eta lagun guztiak inguratuak. Baina, lankideak? Agertuko da bihar berriren bat egunkari batean?

Berdin da. Hantxe zeuden Trixki eta Bi Luma eta Ruben pozik. Beraiekin batera Kipe, Bai Noski, Mintxo, Poxo, Punki, Ametz eta Munstroa, Kolorezko kometak, Txoropitoak, Bruno, Naiara, Kattalingorri, eta ehundaka paperezko pertsonaiak. Hantxe zegoen Alazne Rivero. 2002. urtean hil zena 44 urtekin. Bihar, begiratzen baduzue zerura ziur aski ikusiko dituzue bi hodei komiki-globo baten itxurarekin.

Hodeiak ezezagunak dira, baina batzuetan badute izenik. Adibidez: Ruben eta Alazne.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Izena

E-posta

Erantzuna

Captcha

Galdera: Idatzi zortzi zenbakiak erabiliz
Erantzuna:

e-gorblog

Egunez, Igor Leturia Azkarate pertsona arrunta da. Errenterian bizi den arrasatearra, 8etatik 17etara Elhuyarren lan egiten du eta arratsaldeak neskalagunarekin eta bere bi umeekin pasatzen ditu.

Baina gaua iritsi eta umeak lotara joaten direnean, e-gor bihurtzen da, interneteko bere alter-egoa, ziberespazioko informatikaririk komikizaleena eta komikizalerik informatikariena! Bere superbotereekin (interneteko kable-konexioa, bloglines, informatika aldizkariak, gadget-ak, komiki-bilduma, Errenteriko liburutegiko komikien atala eta batez ere bere jakinmin aseezina) eta bere superlaguntzaileak ondoan dituela (Patxi Lurra, DabilenHarria...), euskaldunon teknofobiaren eta komikiei buruzko aurreiritzien aurka burrukatzen du etengabe! Hemen duzu bere bloga: e-gorblog!

Bai, hor goiko aurkezpena superheroi batena da (ezin aproposagoa honelako blog batentzat, ezta?). Superheroia banintz zein izango nintzatekeen jakiteko the Superhero Personality Test egin nuen eta hona emaitzak:

You are Spider-Man
You are intelligent, witty, a bit geeky and have great power and responsibility.