Edukira salto egin | Salto egin nabigazioara

Tresna pertsonalak

Saioa hasi

Eibarko peoria, San Blasa baino hobia

Hemen zaude: Hasiera / Blogak / e-gorblog / Getxoko IV. Komiki Azoka, abenduaren 2tik 4ra

e-gorblog

Getxoko IV. Komiki Azoka, abenduaren 2tik 4ra

e-gor 2005/11/30 18:45

Euskal Herriko komiki azokarik garrantzitsuena (bakarra?) da

Getxoko IV. Komiki Azoka, abenduaren 2tik 4ra

Irudia: Ricardo & Nacho

Getxoko IV. Komiki Azoka izango da asteburu honetan, abenduaren 2tik 4ra. Areetako Geltokiko Plazan jarriko den 2.500 metro koadroko karpan izango da, eta ordutegia 11:00etatik 14:30etara eta 17:00etatik 21:30etara izango da. 60 postu baino gehiago egongo dira bertan eta horrez gain egitarau mardula dago antolatuta, egile ugariren partehartzearekin.

Aurtengo edizioak Olmo (Don Celes-en egilea) eta Bilboko Tótem liburudenda omendu nahi ditu. Hainbat erakusketa ere egongo dira azokan: Don Celes-i eskainitako monografikoa, Ricardo Martínezi buruzkoa (Ricardo & Nacho bikoteko kidea, Goomer pertsonaiaren sortzailea eta aurtengo kartelaren egilea), TOS aldizkariari eskainitakoa, "El Balanzin" izenekoa eta "Samuráis, otros tiempos, otras culturas" izenekoa.

Bertan izango diren egileen artean, Horacio Altuna argentinarra, Carlos Ezquerra (Dredd Epailearen marrazkiak egindakoa, besteren artean) eta Joe Kelly eta Pascual Ferry (Marvel eta DC-n aritutakoak) nabarmentzen dituzte antolatzaileek, baina askoz gehiago ere egongo dira: José Luis Martín, Óscar Nebreda, Albert Monteys, Manel Fontdevilla, Ismael Álvarez, Fabrice Neaud, David Rubín, Raquel Alzate (azken honi buruz hitz egin genuen blog honetan aurreko baten), Fermín Solís, Juanjo el rápido, Javier de Isusi, Pepo Pérez, Ken Niimura, Pedro Rodríguez, Rober Garay eta Manuel Bartual.

Horrez gain, nobedadeen aurkezpenak, egileen sinaketak, mahainguruak, proiekzioak eta zine-zikloak izango dira. Eta Algortako eta Romoko erakusketa-aretoetan eta Getxoko zenbait lokaletan sei erakusketa izango dira: Kike Martínez, Dani Maiz, Raquel Alzate, Martín de Diego eta Alex Orbe.

Egitarau ederra benetan! Ea joaterik dudan...

etiketak: Getxoko komiki-azoka, komikiak

e-gor dio:

2005/12/05 18:07

Pena handiarekin, baina azkenean ezin izan naiz Getxora joan.

Zer moduz zure komikiaren aurkezpena, sinadurak, salmentak...?

maite dio:

2005/11/30 23:00

Handik zehar ibiliko naiz ni ere I-gor. Saure argitaletxeak "Ametsaren aro berria" lan kolektiboa aurkeztuko du. Lau ipuinetako bat nirea da.

NOIZ: Abenduaren 3an. NON: Areto Nagusian; ORDUA: 13:15. AZALA: http://www.fotolog.net/mytt/

Etorri. Gonbidatuta zaude.

maite toledo

maite toledo dio:

2005/12/06 13:54

Aurkezpen aretora bidean hiru ilara luze... Megafonia izorratuta zegoenez isilik igaro zen gure aurkezpenaren berria. Gladiadore batek egin zigun harrera. Lagun batzuk guri entzuteko gertu. Handia iruditu zitzaidan aretoa; eskerrak mikrofonoak existitzen direla. A! eta ikaragarri eskertzen dira sormen kontuez interesatzen diren zaleen galderak. Nik behintzat, bai.

Beste aurkezpen bat egingo dugu datorren astean:

Non: Donostiako FNACeko Forum Aretoan Noiz: Abenduaren 14an (asteazkena) ORDUA: Arratsaldeko zazpietan.

maite toledo dio:

2005/12/05 23:17

Aurkezpen aretora bidean hiru ilara luze sinadura eske; baina ez guri.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Izena

E-posta

Erantzuna

Captcha

Galdera: Zenbat dira hiru ken lau (idatzi zenbakiz) ?
Erantzuna:

e-gorblog

Egunez, Igor Leturia Azkarate pertsona arrunta da. Errenterian bizi den arrasatearra, 8etatik 17etara Elhuyarren lan egiten du eta arratsaldeak neskalagunarekin eta bere bi umeekin pasatzen ditu.

Baina gaua iritsi eta umeak lotara joaten direnean, e-gor bihurtzen da, interneteko bere alter-egoa, ziberespazioko informatikaririk komikizaleena eta komikizalerik informatikariena! Bere superbotereekin (interneteko kable-konexioa, bloglines, informatika aldizkariak, gadget-ak, komiki-bilduma, Errenteriko liburutegiko komikien atala eta batez ere bere jakinmin aseezina) eta bere superlaguntzaileak ondoan dituela (Patxi Lurra, DabilenHarria...), euskaldunon teknofobiaren eta komikiei buruzko aurreiritzien aurka burrukatzen du etengabe! Hemen duzu bere bloga: e-gorblog!

Bai, hor goiko aurkezpena superheroi batena da (ezin aproposagoa honelako blog batentzat, ezta?). Superheroia banintz zein izango nintzatekeen jakiteko the Superhero Personality Test egin nuen eta hona emaitzak:

You are Spider-Man
You are intelligent, witty, a bit geeky and have great power and responsibility.