"El País"-en komiki bilduma

Niri ere gustatu zait Moebius-en El garaje hermético, ziur aski inoiz irakurri dudan komikirik surrealista eta eroena izango da, baina hala ere ez da bilduma honetatik gehien gustatu zaidana. Niretzat berriak zirenetatik Blueberry eta Max Fridman-enak gustatu zaizkit gehien. Blueberry ezagutzen banuen ere, justu bi lan horiek ez, eta ikaragarri onak iruditu zaizkit. Eta Max Fridman aurkikuntza polita izan da, asko gustatu zait.

Eta Egor-ena... Je je je! Young Frankestein asko gustatzen zaidan filma da, eszena eta zita asko buruz dakizkizun horietakoa. Eta nire bizitzan zehar ezagutu nauten hainbatek deitu izan nau "Aigor" (filmean esaten zuten bezala), nahiz eta hori oso poztekoa ez den! Hainbesterainoko antza ote dut Marty Feldman-ekin? Filmekoa Igor da hala ere, ez Egor. Egile eskubideengatik aldatuko ote zuen? Beno, izen bat ala bestea izan, nire benetako izenaren edo nire alter-egoarenaren berdina da (marratxoa izan ezik), beraz ezin konparazioei ihes egin...

Eskerrik asko, Igor,

orain argiago daukat nondik nora joan behar dudan.

Atzo eta gaur ibili naz "El País"ek ataratako Moebiusen bi bolumenak irakurten. Marrazkiak oso txukunak dira, baina gidoiaren aldetik are gehiago gustau izan jat. Ez deuko ez hankarik ez bururik, fantastia handiko komikia da, harrigarria, aluzinogenoa (kontuz haurrekin),... Txapeau! Eskerrik asko bere garaian goiko artikulua publikau izatearren, e-gor, holan enterau naz gauza eder hauetaz.

By the way, badakizu zer ataraten dan google-en "egor" berba bilatuz gero? Lelengo sarrera "trabalho temporal"eko webgune batena da, Portugalgoa. Eta beheraxeago "Egor's adventure" agertzen da:

"Egor's Adventure is a morbid, goofy little adventure game (...). In it you play the role of Dr. Frankenstein's diabolic asisstant, Egor. As Egor, your mission is simple: do whatever Dr. Frankenstein tells you to do."

Bai, oso ona da, bere garaian iraultza bat izan zen komikiaren munduan, surrealismoz eta ironiaz beteriko album bat da.

Nire kasuan, gainera, oso berri pozgarria, lehendik irakurria banuen ere, erosteko dirua izan nuenerako gaztelaniazko Metal Hurlant bilduma zaharreko lehenengo alea lortzerik baino ez nuelako izan, eta bigarrena falta izan zait beti (eta ez dut sekulan bilduma osoa erosi nahi izan... lehenengo partea neukalako hain zuzen ere).

Urte dezente geroago bigarren parte bat atera zuen Moebiusek, gaztalaniaz "El hombre de Ciguri" deitua, baina nahikoa urrun geratu zen jatorrizko "Garaje hemetikoa"-tik. Tamalez, eta Blueberry saila alde batera utzita, Moebiusi gero eta gehiago gertatu zaion zerbait.

Neu uztailaren 21 eta 22an adi egoten saiatuko naz, Persepolisen lehenengo biak feriatzeko (Eskerrak ABC-k ez ditu kaleratuko!). Bestela, egun haietan eskertuko neutsuke abisatzea, Igor, mesedez.

Portzierto, Leturia: nozko antolatuko dogu "Zaldi Eroaren aldeko plataforma"? Inoiz esan dau berak agian Durangoko Azokarako zeozer argitaratuko ebala, "berria"ren tirez osatutako libururen bat.

(Oharra / Mehatxua: Indarberrituta bueltau naz Turkistanetik).

Aupa Igor,

muturra sartu nahi dut komikien mundu honetan. Hemen goian aipatu dituzuenak erosiko ditut, eta nik ere Persepolis erosteko asmoa banuen, lehendik ere zure blogean horren berri izanda.

Baina ezjakina naiz, eta ezin aukeratuta nabil, denak ere ezin baititut erosi. Zein, orduan? Badakit horrela, nire gustuak aipatu barik, ez dena erraza baina...

Ni ere ez naiz kristoren espertoa, ez pentsa... Nahiz eta horko horiek ia guztiak ezagutu ezagutzen ditudan entzutez, ez ditut denak irakurriak. Ni saiatuko naiz nire iritzia ematen, baina benetako jakitun baten aholkua nahi baduzu, zure gremiokide Iban Zalduari galdetzea hobe duzu.

Zerrenda horretako egile eta obra ezinbestekoak hauek dira, nire uste apalean: Hugo Pratt-en Corto Maltés, Charlier eta Giraud-en Blueberry, Eisner-en Spirit (nahiz eta Zalduari hainbeste gustatu ez ), Satrapi-ren Persépolis eta, goian irakurritakoagatik ematen duenez, Moebius-en El garaje hermético.

Horiez gain, helduentzako kalitatezko komiki modernotik atera gabe gomendagarriak diren beste batzuk Tardi-rena eta Hellboy izan daitezke.

Umore inteligentea kritika eta denuntziarekin batera atsegin badituzu, Mafalda eta Paracuellos dituzu. Beste pretentsiorik gabeko umorean (ez horregatik txarragoa) Mortadelo y Filemón, Charlie Brown eta Garfield dituzu. Eta Asterix, aurreko bien artean.

Abenturazkoetan, Blake y Mortimer (Tintín-en estilokoa edo?) eta Capitán Trueno dauzkazu.

Amaitzeko, komikiaren historiako klasiko zaharretakoak dira El Príncipe Valiente, El Hombre Enmascarado, Flash Gordon, El Zorro, Rip Kirby eta Mandrake.

Azkenean, ezagutzen ditudan guztiak sailkatu dizkizut... Ba horrela hobe, zure gustuen eta aurrekontuaren arabera erabaki ahal izango duzu!

Jope. Jerry Cornelius eta Major Fatalen abenturak abuztuaren 11 eta 12an... kanpoan nago egun horietan.

teenager bat nintzela Moebiusen garaje hermetikoa, Bilalen abentura barrokoak eta Humanoides Associes haien kontuak irakurtzearren, anai nagusiaren komikiak hartu, hiztegi frantses zahar batekin, eta hala ekin nion. Frantsesez ikasteko balio izan zidan...

Nik ez dut Moebius-en lan hau ezagutzen, baina banuen erosteko asmoa. Eta zuk hain ongi jartzen duzula ikusi eta gero, are gehiago...

Hala ere, izango duzu ezagunen bat abuztuan atzerrian oporretan egongo ez dena, ala? Bestela, esan niri...

Nire betiko komiki istorio faboritoa. Estilo zaharreko argitalpena, gainera, hileroko Metal Hurlant bakoitzean episodio bat... Ale batean igual 12 orri, baina hurrengoan, txantxa gisa edo, orri bakarreko disparate bat, eta hurrengora arte itxoin behar, ez bakarrik hilabete, baizik eta ea anaiak berriro Hendaiarako bidea hartzen zuen ale berriak lortzeko...