"Komikia eta Giza Eskubideak" erakusketa

Komikia, eta zinea, ikaragarri gustatzen zaizkit; giza eskubideak benetan kezkatzen naute. Galdera bat, malaletxe gabe, soilik urteek ematen duten esperientzian oinarritutako susmotik habiatuta: ziur naiz aipatu filme edota komikiek mundu zabalean ematen diren hainbat giza-eskubideen urraketak argiro erakutsiko dutela (ez da faltako abu graib, ezta kongoko genozidioa, akaso txetxniako etnozidio toleratua, palestinarren sufrimendu benetako, sarajevo, guantanamo edo svrenica aipatzea ondo legoke...); nire galdera xumea hau da: aipatu lurraldeez gain, askozaz urbilago ematen diren salbajada instituzionalak agertuko dira? Normalean ezpaitira agertzen. Ea oraingoan oker nagoen. Ojala.

Neri ere zinea eta komikiak asko gustatzen zaizkit; Donostian izan dugun zine zikloa eta erakusketa oso onak izan dira. Zine zikloaren formatoa oso ona iruditzen zait filme luzea filme laburrekin nahastuz, gainera benetan onak diren pelikulak izan dira ikusgai, batez ere Gobadhiren "Turtles can fly". Gainera zikloarekin komiki erakusketa lotzearena oso ideia ona dela uste dut. Aipatzen duzun "Maus" nik etxean dauzkadan komikien artean, hoberenetakoa dela esango nuke. Duela bi urte kasualitatez erosi nuen, Poloniara egin nuen bidai baterako dokumentazio bila ari nitzela komiki honekin egin nuen topo, eta nik uste garai hartan irakurri nituen beste liburu batzuk baino hobe erakutsi zidala 2. Mundu Gerran Poloniako judutarrek sufritu zutena. Istorioa oso ona da eta Spiegelmanen marrazkiek oso ongi irudikatzen dute gertatutakoa.

Iturri batzuetan (honetan adibidez) erakusketa 11tik 18ra bitartean ("Zinea eta giza eskubideak" topaketak irauten duen denboran) egongo zela bazioten ere, beste batzuetan (honetan eta honetan adibidez) 30a arte egongo dela diote. Gaur egon naiz ni bertan, eta 30a arte egongo dela ziurtatu dut, hala baitio kartelean.

Erakusketa interesgarria iruditu zait. Paretetan jarritako koadroetan giza eskubide bakoitzarekin lotutako komiki-orri bat edo batzuk daude, eta bitrina batzuetan komiki horiek osorik. Ni bezalako komikizale ezjakin bati lan eta egile asko ezagutzeko aukera ematen dio, gogoan hartzeko hurrengo erosketetarako. Spiegelman-en Maus (hau aurretik ere askotan komentatu izan didate eta beti goraipamenez, Pulitzer-a irabazi zuen 1992an), adibidez, handik atera eta segituan erosi dut! Komentatuko dizuet irakurtzen dudanean...