Edukira salto egin | Salto egin nabigazioara

Tresna pertsonalak

Saioa hasi

Eibarko peoria, San Blasa baino hobia

Hemen zaude: Hasiera / Blogak / e-gorblog / Marjane Satrapi, berriz irabazle Angoulêmen

e-gorblog

Marjane Satrapi, berriz irabazle Angoulêmen

e-gor 2005/01/28 09:55

"Poulet aux prunes" bere lanak irabazi du aurten album onenaren saria

Marjane Satrapi, berriz irabazle Angoulêmen

Irudia: Marjane Satrapi

Aste honetan bertan idatzi dut blog honetan Marjane Satrapiren "Persepolis" lanari buruzko artikulu bat, lehenago Angoulêmen gidoi onenaren saria irabazitakoa. Ba oraintxe bertan jakin dut bere azken lanak, "Poulet aux Prunes"-ek, irabazi duela aurtengo sari nagusia, album onenari ematen diotena.

Atzo gauean izandako sari banaketan bertan jakinarazi zuten izendatutakoen artetik nor den irabazlea, Oscarren antzera. Ekitaldiak ere Oscarren itxurakoa dirudi, argazkiaren arabera... Behintzat "Persepolis" komikiko Marjane protagonistaren benetako aurpegia ikusi ahal izateko balio digu!

Irudia: www.bdangouleme.com

Ea noiz dudan aukera lan berri hau irakurtzeko. Ez dut uste oraindik Espainian eta gaztelaniaz argitaratu dutenik, baina Hendaia hortxe bertan daukat, eta bestela eMule hor dago...

etiketak: Marjane Satrapi, komikiak

patxi lurra dio:

2005/07/29 21:16

Gaur amaitu dot "Pollo con ciruelas", gaztelerazko itzulpena, baita gozatu be. Zinemaren pelikula baten traza hartu deutsat, atzera eta aurrera denporan, detaileak ondo zainduta. Oso ondo kontautako istorioa, eta neuri gustetan jatazan horietakoa, garaikidea (edo ia) eta fantasiarik gabekoa (edo gitxikoa). Are gehiago, egiazkoa izango ote istorioa?

Patxi Lurra dio:

2005/02/25 15:33

Urpekaritzan ibili naz eta deskubridu dot Satrapi andrea nahiko ezaguna dala. Neuk Igorren blogaren bidez eduki dot haren barri, egia esan.

Kontua da, sarean murgilduta, Marjaneren liburuak beste hizkuntza batzuetan itzulita dagozala ikusi dodala. Jatorrizkoaz aparte (frantsesez), ingelesez, gazteleraz, italieraz eta katalunieraz be irakur daitezkeela. Eta ziur aski beste hizkuntza batzuetan be egongo dira, urpekaritza lanak ez ditudalako zehatzegi egin. Portugesez ez, dirudienez, esate baterako. Ezta euskaraz be, noski. Noski?

e-gor dio:

2005/02/25 15:52

Persepolis-i buruz esan dezaket badagoela frantsesez (jatorrizkoa hala da), gaztelaniaz (nik hala irakurri ditut) eta katalanez (Bartzelonako komiki denda baten ikusi nituen). Euskaraz ez dago, nik dakidala behintzat. Eta portugesez edo beste hizkuntzetan dagoen ala ez, ez dakit.

Eta beste komikiei buruz, ba are gutxiago dakit. Aipatutako Poulet aux prunes, adibidez, nahiko berria da eta ez dut uste oraindik gaztelaniaz dagoenik...

Patxi Lurra dio:

2005/03/08 14:10

Pasa dan zapatuan (2005-3-5), euskaldunon egunkari barrian, Statrapi andereari egindako alkarrizketa irakurri neban. Gauza asko komentau dezakegu, baina deigarria egin jatan detailetxo bat. Alkarrizketatzaileak egunkari euskaldun batekoak zirela esan eta gero, Satrapi andereak gustura asko hartu zituen, "gitxitua izate" horren konplizitateagaitik edo. Apur bat aurrerago, zera adierazten dau komikigile irandar-frantsesak:

"Bestalde, nahiko nuke azpimarratu eskuratu sarien artean gehien plazer egin didana euskaldun batzuek eman didatela, Fernando Buesa Blanco saria."

Ez gagoz ohituta ba holakoak entzutera. Enpin.

kerkus dio:

2005/03/31 19:22

Patxi Lurrak aipatu duen elkarrizketaren linka duzue hau . Merezi du irakurtzea.

http://www.berria.info/hemeroteka/inprimatzeko.php?htmla=BERRIA/y2005/m03/d20050305/p00036831.html

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Izena

E-posta

Erantzuna

Captcha

Galdera: Idatzi zortzi zenbakiak erabiliz
Erantzuna:

e-gorblog

Egunez, Igor Leturia Azkarate pertsona arrunta da. Errenterian bizi den arrasatearra, 8etatik 17etara Elhuyarren lan egiten du eta arratsaldeak neskalagunarekin eta bere bi umeekin pasatzen ditu.

Baina gaua iritsi eta umeak lotara joaten direnean, e-gor bihurtzen da, interneteko bere alter-egoa, ziberespazioko informatikaririk komikizaleena eta komikizalerik informatikariena! Bere superbotereekin (interneteko kable-konexioa, bloglines, informatika aldizkariak, gadget-ak, komiki-bilduma, Errenteriko liburutegiko komikien atala eta batez ere bere jakinmin aseezina) eta bere superlaguntzaileak ondoan dituela (Patxi Lurra, DabilenHarria...), euskaldunon teknofobiaren eta komikiei buruzko aurreiritzien aurka burrukatzen du etengabe! Hemen duzu bere bloga: e-gorblog!

Bai, hor goiko aurkezpena superheroi batena da (ezin aproposagoa honelako blog batentzat, ezta?). Superheroia banintz zein izango nintzatekeen jakiteko the Superhero Personality Test egin nuen eta hona emaitzak:

You are Spider-Man
You are intelligent, witty, a bit geeky and have great power and responsibility.