Duintasun eta elementu komun bila
Amatiño
2009/12/27 23:10
“Eskarmentuz dakit inoiz guztiz eskuratu ezin den konkista bat dela duintasuna. Porrot etengabea, beraz” –aitortzen du Anjel Lertxundik bere azken liburuan ('Eskarmentuaren paperak'. Alberdania, 2009). Saiakera omen da. Ez diet nik adituei terminologiarik ukatuko. Are gutxiago egilea errotik saiatu dela sumatu ondoren. Saiatu eta asmatu. Ez dago hor ezein porroten aztarrenik. Literatura, informazioa, hausnarketa eta plazera elkarrekin uztartzen dituen liburu urri horietako baten aurrean gaude.
Erantzunik ez
Jostailu gehiegi
Amatiño
2009/12/26 23:05
Ez dakit zer esango ote lukeen Aita Santi Onaindiak gaur egun biziko balitz eta Olentzero eguneko opariak ikusiko balitu baina, nik lagundu beharko banio, esango nioke egun edozein umek duela orain 45 urte baino askoz-askoz ere jostailu gehiago, baina, behar bada, ez orduan bezainbateko “gerrariak”.
Natibitate eguzkitsua
Amatiño
2009/12/25 23:42
Berriketabako eguna. Nork esango gero Natibitate eguna izan denik. Itsasoa, 14 gradutan. Oraindik ere otsailera bitartean dezente hoztu beharko luke. Baina, dagoeneko, azaroan inausitako buganvillari kimu berriak atera zaizkio.
Zein jende arraroa gero, Iparraldekoa
Amatiño
2009/12/24 19:00
Sebastian Gonzalez azkaindarrak lau t’erdiko txapela irabazi eta, besteak beste, pilota-jokoa (eta pilota-negozioa) zertan den Iparraldean aztertu du hainbat komunikabidek orain hurrengo. Dirudienez ez omen da batere erraza “merkatu horretan” sartzea ipartarrak arraro samarrak direlako edo. Jakina, arraroak omen dira, hegoaldekook egiten ditugun gauza normalak egiten ez dituztenez gero.
Mapa aldatu digute
Amatiño
2009/12/23 21:46
Jakinekoa da mapak ez direna neutralak. Gure inguruko komunikabideetako eguraldi-mapak ikusi besterik dago. Oso zaila da gero bi berdin-berdinak aurkitzea. Ia-ia, zenbat komunikabide hainbat mapa. Baina ez da harritzekoa, mapen sinbologia kultura guztietan gertatzen da-eta, sistema politiko denetan eta hainbat koiuntura ekonomikotan.
Ontsa bizitzeko bost baldintza
Amatiño
2009/12/22 14:28
Auskalo gero hurrengo belaunaldietan zelan neurtuko ote den gizarte-bizimodua baina gaur egun behintzat badakigu herrialderik aberatsenetan eta ongizaterik onena dutenen artean bost baldintza edo betekizun nagusi biltzen direla, besteak beste: Barne Produktu Gordin altua, Inbertsio+Garapen handia, unibertsitate onak, zientzilari ospetsuak eta enpresa garauak.
“Egunkaria”rekin bat, hainbat argudiorekin ez
Amatiño
2009/12/21 00:28
Bai, “Egunkaria libre” delako leloarekin bat nator baina ez, ostera, manifestazioaren inguruan zabaldu den zenbait lelorekin. Ez dut uste “Egunkaria” euskaraz baino ez zelako itxi zenik. Ez dut uste epaitegiko aulkian eserita dagoena “euskalgintza” denik.
Avatar: teknologia asko eta gidoi gutxi
Amatiño
2009/12/19 22:33
Aspaldi agindu nion nere buruari ez nintzela gehiago joango animalia antzeko humanoide-filmik ikustera eta, oraingo honetan, “Na’viak” ikustera joan naiz, animalia itxurarik ez dutenaren aitzakiaz eta “Avatar” delako filma zinegintzaren historia aldatzera datorrelakoan. Auskalo aste neketsua izan den, agure-zahartzen ari naizen edo, beste barik, film aspergarri samarra ote baina, zenbait minututan, lo hartu dut.
Tailerreko jendea
Amatiño
2009/12/18 23:40
Orain hurrengo lan-bilera berean topo egin nuen Migel Lazpiur Confebask-eko lehendakariarekin eta, zenbait egitasmo berri tarteko, hainbat ordezkari ezezagunekin harremanetan hasia zela aldez aurretik nenkienez gero, galdetu nion: “Eta, Migel, ze moduz jende horreaz?” Eta Migelek jator asko erantzun: “Oso ondo, taillarreko jendia dok”.
Don Don Kikilikon
Amatiño
2009/12/17 00:00
Txirri, Mirri eta Txiribiton 1985eko abenduaren 17an hasi ziren Txirri, Mirri eta Txiribiton izaten. Ez ziren, ordea, pailazogintzan hasiberriak, ordurako hamahiru urte zeramatzaten-eta Kixki ta Mixki ta Kaxkamelonenak egiten Euskal Herri guztian zehar.