Asterix-en ale berri bat, laster kalean

Ez hasarretu! :-)

Erdi-brometan esan dut, Asterix vs. Tintin borroka horren harira.

Nik ere Tintinen bilduma osoa daukat, nire osabarena, orain dela 40 urteko tapa gogorrekin, eta oso gustora irakurtzen nituen.

Hori bai, Tintinen liburu bat irakurtzen nuen bakoitzeko, Asterixen 10 irakurtzen nituen. Ez dakit zergatik, baina Asterixenak hobeak iruditzen zaizkit, barregarriagoak eta "modernoagoak". Beharbada atenporalagoak. Haria ere hobeto jarraitzen dute, mugimendu gehiago dute. Ez dakit nola azaldu, baina labur esanda: Asterix hobea da, bai marrazkiak, eta bai historioak.

Nire gustorako, jakina.

Goscinny Uderzo baino gidoilari hobeagoa dela argi dago, baina jakin nahiko nuke nola antzematen den Uderzo gidoilari txarra dela...

Neri ere Asterix eta Latraviata ez zitzaidan asko gustatu baino batez ere "sexuen arteko guda" gaia aitzaki gisara erabiltzen duelako, eta Arrosa eta ezpata edo Asterixen semean gai berdina jorratzen delako modu oso esteriotipatuan. Beraz, neri gidoiaren ardatz orokorra da gustatzen ez zaidana, eta azken komikietan ari berari tiratzen badiote, aspertu ere egiten nau. Noski, gaur egun Asterix, Tintin edo Mortadelo eta Filemonen komikiak berrirakurtzen ditudanean gai honek ere "begietan" min ematen dit, baina garai horretako kontextuan kokatzen dut. Aldiz, Asterixen ale berriak gaur egun estereotipo berdinak zabaltzen jarraitzea...

Baina era berean Asterix sekula irakurri ez duen bati (ba al da?) Asterixen komikiak urrrenkera kronologikorik gabe emango bagenizkio ez dut uste Uderzo edo Goscinnyren gidoien arteko ñabardurarik topatuko lukeenik, erritmoa, txantxak, marrazkiak... berdinak baitira. Ala ez?

Dena den, ni ere pozik erosiko dut ale berria... txikitan Asterixen ale gehienak genituen udal liburutegian, eta ondoren irakurria ez nuen ale bat topatzen nuenean nolabaiteko jarraipen sentimendua nuen, eta sentimendu horrekin hurbilduko naiz kioskora.

Errezoi guztia, E-gor, Uderzo marrazkilari bikaina da, baina ez da gidoilaria. Azkenengo Asterixak nahiko kaskarrak izan dira. Nik oraindik ere gustorago irakurtzen ditut zahar-zaharrak, nahiz eta honezkero dozenaka-ehundaka-milaka aldiz irakurrita ditudan.

Dena dela, urrian erosiko dut ale berria ere, bai horixe, eta txikitako sentsazioa berreskuratuko dut: dendatik etxerako bidean, Asterix besapean, etxera noiz helduko zain, egonezinik...

Gora Asterix, eta fuera Tintin! :-)

Esan duzun guztiarekin bat nator, azken-azken esaldiarekin izan ezik. Tintin ere oso gogoko dut, eta ez da egia infantila edo, are gutxiago, nazia denik. Tintinen atzean dokumentazio-lan oso ona dago eta ale bakoitza argitaratzen zen garaian puri-purian zeuden gaiak lantzen zituen, injustiziak salatuz. Irakurri Tintín: El sueño y la realidad, Michael Farr-ena, eta agian iritzia aldatuko duzu.

> Neri ere Asterix eta Latraviata ez zitzaidan asko gustatu baino batez ere "sexuen arteko guda" gaia aitzaki gisara erabiltzen duelako, eta Arrosa eta ezpata edo Asterixen semean gai berdina jorratzen delako modu oso esteriotipatuan. Beraz, neri gidoiaren ardatz orokorra da gustatzen ez zaidana, eta azken komikietan hari berari tiratzen badiote, aspertu ere egiten nau. Noski, gaur egun Asterix, Tintin edo Mortadelo eta Filemonen komikiak berrirakurtzen ditudanean gai honek ere "begietan" min ematen dit, baina garai horretako kontextuan kokatzen dut. Aldiz, Asterixen ale berriak gaur egun estereotipo berdinak zabaltzen jarraitzea...

Ez, gai eta estereotipo errepikakorrak baino gehiago dira.

> Baina era berean Asterix sekula irakurri ez duen bati (ba al da?) Asterixen komikiak hurrrenkera kronologikorik gabe emango bagenizkio ez dut uste Uderzo edo Goscinnyren gidoien arteko ñabardurarik topatuko lukeenik, erritmoa, txantxak, marrazkiak... berdinak baitira. Ala ez?

Marrazkiak bai, baina nire ustez beste guztia ez. Uderzoren gidoiak sinpleak eta infantilak dira, Goscinnyrenek oso ongi jositako tramak zituzten bitartean, erritmo egokiarekin eta emozio puntuarekin. Uderzoren umoreari ere adjektibo berak jar dakizkioke, sinplea eta infantila, Goscinnyrena, aldiz, askoz finagoa eta ironikoagoa da.

Hori bai, ale guztiak ez dira berdinak, eta batzuk beste batzuk baino hobexeagoak dira. Libratu daitezkeenak Zanga handia, Asterixen odisea eta Asterixen semea dira, justu Uderzok bakarrean egindako lehen hirurak. Agian arrazoi pixka bat baduzu, agian Uderzoren gidoi guztiak ez dira hain txarrak, baina gero eta okerrago doanez, sentsazio hori uzten du... Eta gutxien Asterix Indian eta Obelixen galera gustatzen zaizkit.

> Dena den, nik ere pozik erosiko dut ale berria... txikitan Asterixen ale gehienak genituen udal liburutegian, eta ondoren irakurria ez nuen ale bat topatzen nuenean nolabaiteko jarraipen sentimendua nuen, eta sentimendu horrekin hurbilduko naiz kioskora.

Nik ere erosiko dut, gorago esan bezala. Hala ere, oraindik ez dakit euskaraz ere aterako duten...