Harrikadak

Larunbat goizean sarera konektatu eta hara non agertu zaidan Kepa Aulestiak Kataluniako Ara egunkariari emandako elkarrizketa: “La independència no seria bona per a Catalunya i seria nefasta per a Euskadi” (ordainpeko lotura).

Katalunia eta Euskal Herria (Euskadi) dira gai nagusiak eta hona hemen bi erantzun bitxi, bigarrena lehenengoa baino:

Kataluniako independentzia oso garestia litzatekeela kataluniarrentzat

"Ez da posible eta. Ez naiz Rajoyren argumentuei buruz ari. Oso gizarte anitza da eta edozein independentzia prozesuk horren murrizketa ekarriko luke, pluraltasuna inbutu batean sartuz. Eta horrek aberastasuna eta freskotasuna kenduko lioke. Ekonomiaren garapenaren ikuspuntutik, ongizate estatuaren jokoak eta estutasunak kontutan hartuz, Espainia ez da oztopo, esaten den bezala, aukera bat baizik. Finantza fluxu orekatu eta justuak lortuz gero, errebisatu beharreko sistema errebisatuz, beti izango da positiboagoa eta seguruagoa Espainia, edo gutxienez, arrisku gutxiagokoa. Estatu bat muntatzeko kostuak luzerako oztopo izango lirateke Kataluniako ekonomiari eta zerbitzuak atenditzeko gaitasunari begira."

Kataluniakoa konpontzeko, euskal kupoa ukitu behar

"Ez dut Konstituzioaren erreforman sinisten, eman nahi zaion zentzu magiko horretan. Arazoak ez daude Konstituzioaren letran, nahiz eta Konstituzioak badituen arazoak letran, eh? Tentsio hau integratzeko gai den erreforma bat dut buruan. Adibidez, nik paktu fiskalean sinisten dut, euskal kupoaren errebisioa ekarriko lukeena, elkartasun, justizia eta leialtasun neurriak izango lituzkeena; euskal kupoa errebisatu beharko litzateke. "

(...)

"(Euskaldunak) oso kontziente gara egoera pribilegiatuan gaudela.  Ez dut defendatuko Euskadik pribilegioa eta gaur egungo sistema galtzea ezeren truke, baina bai egingo nukeela, adibidez, horrek balioko balu Katalunia eta Estatuko gainerako (herri)en arteko loturak indartzeko eta baita Kataluniako egoera finantzarioa bera ere. Zalantzarik gabe. Garena baino askoz ere gardenagoak izan beharko genuke, kupoak ezin duelako tabu izan. Ezin du izan euskaldunentzat eta argi eta garbi esan behar dugu hau."

(...)

"Antoni Castells-ek egindako kalkuluen arabera Euskadik dituen abantailak (kupoa eta beste hainbat) Kataluniako urteko defizit fiskala eta finantzarioarekin bat zetozen, gutxi gorabehera. Guk abantaila dugu eta ez gara solidarioak gainerakoekin. Zentzu honetan, ez gara solidarioak Kataluniarekin. Hau horrela da."

Duela urte eta erdi Enric Julianak idatzitako Euskadi contra Catalunya artikuluarekin gogoratu naiz.

"(Ia) gai guztiei buruz sutsuki eztabaidatzen den herri batean, bi herrialderik aberatsenetakoak (EAE eta Nafarroa) apenas ekarpenik egiteak denen kutxara ez da publikoki eztabaidatzeko gaia. Espainia bitxia. Horra hor EAJren eta euskal gizartearen lorpen handienetako bat. Norbaitek eztabaida hori zabalduko balu, norbaitek hitz egingo balu zenbait politikari espainiarrek gaur egun Kataluniako gaiei buruz hitz egiten duten moduan, erantzuna irmoa izango litzateke. Pankarta beraren atzetik ikusiko genituzke euskal alderdi guztiak: Forua ez da ukitzen. Jaime Mayor Orejak eta Arnaldo Otegik manifestu bera sinatuko lukete."

Tira, zaila ikusten dut Orejak eta Otegik gauza bera sinatzea, baina, hori kenduta, oso interesgarria da Julianaren artikulua.

Aulestiaren tesira berriro etorriz, Kataluniako arazoa konpontzeko euskaldunek gehiago eman behar badiogu Espainiako estatuari, hori bai izango litzatekeela euskal independentistak sortzeko makina, Aulestia jauna.

Incrementar el cupo vasco para solucionar el déficit catalán, este apunte en castellano.

Atletico Madril eta Deportivoren aurkako partida bukatu bezain laster, norgehiagoka zuzenean eman duen kateetako batek Godín elkarrizketatu du. Madrilgo defentsaren atzealdean logoz gainezka egoten den kartel horietako bat. Pantailaren goiko aldean, ezkerretara, nabarmen ikusten zen leloa: #dañasatuequipo. Traol hau baita Espainiako Liga kudeatzen duen erakundeak aurten aukeratu duena pirateria delakoari aurre egiteko.

Ez dakit nork egiten dion kalte gehien maite duen taldeari, buruzagi batzuen maila kontutan hartuz, baina gaur garbi dagoen gauza bakarra da A Coruñatik bere taldea ikustera joandako 43 urteko gizaseme bat hil dutela. Ez dakit zer gertatu den (nork daki?): elkarri muturra berotzeko geratuta ote zeuden bi taldeetakoak, Frentekoak deporzaleen autobusetara joan ote diren hauek astintzera, Madrilgo beste futbol talde batzuetako zaleak tartean ote ziren (Poliziak esandakoa gezurtatu du Bukaneros taldeak)... Ideiarik ez.

Bai egiten zaidala deigarria partida bertan behera ez geratzea gizon bat hilzorian zegoen bitartean. Ez dakit horrela izango ote zen, baina irakurri dut Federazioko norbaiten azken aginduaren zain gelditu direla eta ezin izan dutela berarekin garaiz harremanetan jarri.

Duela hamasei urte Atletico Madrileko zaletu batek Aitor Zabaleta hil zuenean ere partida jokatu egin zen.

Eta honek gogora ekarri dit duela aste batzuk ere partida jokatu zela Anoetan gizon bat egoera larrian zegoen bitartean. Kasu honetan, partida hasi baino minutu batzuk lehenago bihotzekoa edo izan zuen zaletu batek. Zerbitzu medikuek pertsona hori ia bere tokian berpizten saiatzen ziren bitartean, hasiera eman zion epaileak partidari eta 30 minutu jokatu ziren medikuek gaixoa egonkortu zuten arte, Anoetatik ospitalera eramateko. Zorionez, gizona ez zen hil (hori da esan didatena behintzat), baina ez dakit zer kristo egiten dugun guk baloiari begira, jokaldi onak txalotzen, epailea iraintzen eta barruak hustutzen pertsona bat hain egoera larrian dagoen bitartean.

The Show Must Go On?

The Show Must Go On, este apunte en castellano.

2005eko otsailean egin nuen topo Iban del Camporekin. Larrotxene Kultur Etxean bota zituzten berak eginiko bi dokumental. Horietako bat izan zen Un tal Eusebi.

Urte hartan bertan, irailaren amaieran, paratu genuen Un tal Eusebi. L´artista pensionista erakusketa Ernest Lluch Kultur Etxean.

"Jubilatu nintzenean nire buruaz beste egin nahi nuen, baina ahots eder batek zera esan zidan: Ez motel, hik artista arima daukak, murgildu buru-belarri horretan eta zoriontsu izango haiz. Eta horrela izan da, eta horrela jarraituko dut hil arte…"

Baina Eusebirentzat izakiak ez dira hiltzen, energiaren moduan lekualdatuz doaz. Tamalez, Ander Izagirreren siesta horietako batean murgilduta ez bada, hil zaigu agure maitagarri hau. Lastima!

Azaroak 24. 11:00. Eguneratzea: Ahaztu egin zitzaidan datu garrantzitsu bat aipatzea. Jorjak bidali zidala duela urte batzuk Eusebik egindako marrazki bat. Mila esker.

Olibazaleak

Gràcies per tot, Eusebi idatzi zuen Toni Vallek pasa den abuztuan. Kafezale amorratua zela gogoratzen nuen, baina ez nintzen akordatzen olibak ere gustuko zituela. “Degustava olives amb desfici“ dio Vallek.

Eta, atzo, azaroak 22, Olibazaleak izan zen Josu Landak Garoa Kultur Laben abestu zuen Miguel Hernandez poetaren poesietako bat. Bederatzi kantatu-errezitatu zituen Josuk, oso modu librean eta originalean, a capella, hitza eta ahotsa lagun, paperei apenas erreparatu gabe.

Munduko Poesia Kaierak egitasmoaren barruan aurten argitaratutako sei antologietako bat eskaini baitiote Orihuelakoari. Hernandezen lanak euskaratu ditu Josuk eta errezitalak eskaintzen ari da zuzenean Euskal Herriko hainbat txokotan. Soraluzen, Durangon eta Donostian, egon ondoren, asteartean, azaroak 25, arituko da Iruñeako Katakrak-en.

Hautatuko poema (edo poema zatia) abestu aurretik sarrera moduko bat egiten zuen. Olibazaleak aurkezterakoan, datu aipagarri bat eman zuen: 1930. hamarkadan Andaluziako nekazal lurren herena zegoela latifundisten esku eta gaur egun erdia baino gehiago. Saiatu naiz Internet bidez hori kontrastatzen, baina ez dut lortu. Norbaitek loturaren bat ematerik badu, eskertuko nuke.

Eusebi y los aceituneros, este apunte en castellano.

Soriako bidean Radio 3 jarri nuen pasa den ostiralean. Ez zen Gabinete Caligari agertu dialean (larunbatean agertu zen Jaime Urrutia Babelian, Kiko Amatek eginiko elkarrizketa batean, argitaratu berri duen Canciones para enmarcar liburuaren harira).

Baina, ia garai hartako talde batekin egin nuen topo 180 grados izeneko saioan. Los Enemigos taldeak Vida inteligente izeneko estudioko diskoa ateratzekotan dabiltza eta laukotea estudioan zegoen kazetariaren galderei erantzunez.

Betiko soinua eta letra zirikatzaileak aurkitu ditut haien kantetan.

Sorian barrena zaila da bi karrileko errepideekin topo egitea eta ohikoa da bigarren mailako errepidetan ibiltzea. Eta batzuetan zaila da gasolindegiak aurkitzea. Igande goizean, esate baterako. Laguna Negratik gora piztu zen erreserbaren berri ematen duen argia eta 20 kilometro egin nituen gasolindegirik ikusi gabe. Errioxan jada, Villoslada de Camerosen esan ziguten hurrengo zerbitzugunea ia 40 kilometrotara zegoela (hurbilago bazegoen bat, baina itxita, igandea zelako).

Parentesia zabaldu. Taberna batean hiruzpalau lagun agertu ziren laguntzeko prest. Horietako batek bost litroko bidoia ekarri zuen etxetik eta hari esker egin genuen aurrera. Mila, mila esker. Itxi parentesia.

Bigarren mailako errepidetan barna ibili ziren RIP taldekoak eta oso zorte txarra izan zuten. Larunbatean hil zen eszenatoki gainean Jul Bolinaga, Bergaran The Potes-ekin kontzertua eskaintzen ari zela.

Goio Aranak I laket blogean idatzi zituen igandean Jul Bolinagaren omenez, apunte azkarrak. Bertan dago, adibidez, The Potes-eko lagunek eskainitako Zorionak Jul urtebetze-kanta.

RIP taldearen historia ezagutu nahi izanez gero, hona hemen RIP - 25 años. Historia Viva del Punk bideoa.

Informazio gehiago: Agurrik hunkigarriena Jul Bolinagari (Goiena).

Lerro hauek amaitzeko, bi heriotz gehiago: gaur hil zen duela zazpi urte, 2007ko azaroaren 19an, Josemari Ortiz. Gaurko egunez, berriz, hil da Javier Vizcaínoren ama. Tamalez, egun seinalatua.

Por carreteras secundarias, esta entrada en castellano.

Agur, amatxu. Siempre necesitaré que sigas llevándome de la mano... Dile al viejillo que tampoco le olvidaré a él. pic.twitter.com/DX2UO72yQA

— Javier Vizcaíno (@Javiviz) November 19, 2014

Zientziaren Museoan (Science Museum) Information Age izeneko galeria eta erakusketa zabaltzeko orduan egin zuen txio: Age: six networks that changed our world (Informazioaren Aroa: gure mundua aldatu duten 6 sare).

The Guardian-ek konparatu zuen txio hori beste hainbat politikari eta jende ezagunak botatakoekin: The Queen's first tweet: how does it measure up?

Igandeko Amarauna (audioa eta loturak chez Maite Goñi) irratsaioari begira kolaboratzaile eta jende ezagunaren hainbat txioei erreparatu nien. Denbora arazoak izan genituen eta ezer gutxi botatzerik izan nuenez, hona hemen adibide batzuk. Atera zuen ondorioak.

Oharra: oso erraza da jakitea zein den norberaren edo beste baten lehen txioa. Discover your first Tweet erabili.

Amaraunako kolaboratzaileak

jajaja

— amarauna (@amarauna) October 9, 2008

Oraintxe oporrak hartuta (lanerako ondo etorriko zaizkit).

— Maite Goñi Eizmendi (@euskaljakintza) March 30, 2007

Twitter probatzen eta dutxara bidean

— Gorka Julio (@teketen) March 22, 2007

Twitter-en izena ematen

— Benito Fiz Diez (@bontxi) March 22, 2007

Eup!

— Jozulin 9N (@jozulin) April 5, 2010

Twitter probatzen :P

— Joxe Rojas (@joxe) September 5, 2007

lanean eta secondlifen batera!

— Ana Malagon Zaldua (@anamalagon) March 19, 2007

Lehen mezua Twitter-en. Ale, eguerdion! :)

— Goio Telletxea (@maxkuri) December 16, 2008

Recien llegada a twitter

— Noemí Rivera (@Noerive) October 2, 2009

Probatzen?

— Josu Mendicute (@jmendicute) September 24, 2007

Lehenengo frogak egiten, blogean idazteari bukatu ostean... Asteburua da jada!

— Rodrigorena (@xuriken) March 24, 2007

Etxean nago twitter erabiltzaile berri gisa frogak egiten.

— Mikel Iturria (@iturri) December 24, 2007

Politikariak

Con el Gobierno de Patxi López la deuda en la CAV se ha multiplicado por 5,6 en dos años, alcanzando hoy los 4.918... http://fb.me/V3FGxrVJ

— Iñigo Urkullu (@iurkullu) June 20, 2011

Intentando investigar cómo saber utilizar bien twitter, probando, vamos...

— patxilopez (@patxilopez) September 4, 2008

http://www.gara.net/azkenak/03/187876/es/El-cuerpo-aparecido-morgue-Toulouse-es-Jon-Anza

— Arnaldo Otegi (@ArnaldoOtegi) March 12, 2010

Me gustó lo dicho en la UPV por el profesor Alberto López Basaguren. Nadie debería sentirse relegado por su lengua.

— Arantza Quiroga (@arantzaquiroga) September 14, 2010

Creo que podemos empezar...

— Gorka Maneiro (@Gorka_Maneiro) January 29, 2011

Euskal celebrity batzuk

Euskalgintzaren fase berriaren oinarriparrak eta eraldabideak @topagunea-ren Batzarrean. Fase berria, hiztegi berria http://t.co/vAz2kHGV

— Kike Amonarriz (@KikeAmonarriz) November 18, 2012

Kaixo! Bideoklip berria aurkezten dizuegu, "Ezin ihesi Berlin" http://www.muguruzafm.com

— Fermin Muguruza (@muguruzafm) June 15, 2009

Bueno ya estoy aqui. ¿Y ahora que ?

— MikelPagadi (@MikelPagadi) March 13, 2011

Here I am, @MikelPagadi jarritzen twitterren!

— ilaski serrano (@MeriLing1) October 31, 2012

Twitter erabiltzen ikasten ari naiz!

— Gorka Bereziartua (@boligorria) April 13, 2007

Ez da egun txarra voyeur izatetik parte hartzaile izatera pasatzeko. Ea nolakoa den abentura.

— Maddalen Iriarte. (@maddaleniriarte) May 23, 2011

Zarikara noa...

— Lander Arbelaitz (@larbelaitz) January 9, 2009

baina tendentzia orokorrek diote PS eta Modem-ek huts egin dutela, Frantzian

— Eneko Bidegain (@enekobidegain) June 7, 2009

@zuribia orain arte facebookeroa izan naiz, eta oraintxe nabil twiterrerako asaltoa preparatzen.

— Igor Elortza Aranoa (@ielortza) February 21, 2012

tok-tok-tok. bat-bi-hiru. probando-probando.

— Idurre Eskisabel (@idurreski) March 3, 2010

twitter honetan sartu naiz. Eta hemendik aurrera zer? Ikusiko.

— Xabier Mendiguren (@xme64) April 17, 2010

Lanera astelehenarekin!

— Luistxo Fernandez (@luistxo) March 19, 2007

Hemna, lanean, ia lortzen dudan deskubritzea zelan dabilen hau! Baina laster etxera noa, bada ordua-eta

— leire narbaiza arizm (@txargain) March 28, 2007

Tramankulu hau probatzen...

— Beñat Sarasola (@bsarasola) September 2, 2010

@IbanZ bai buy

— Hedoi Etxarte (@hedoi_etxarte) November 6, 2009

Esan bezala, lau hilabetez Connected Intersections (Bidegurutze konektatuak) teknologia lehiaketa jokatu da New York-en, hirian bertan gertatzen diren istripuak gutxitzeko helburu nagusiarekin (Meet the startups trying to stop pedestrian deaths).

The Verge-k emandako datuen arabera, trafiko istripuetan New Yorken egunero dauden zaurituen eta hildakoen kopurua ez da makala:

• Bi ordutik behin pertsona bat larriki zaurituta suertatzen da (Egunero, beraz, 12 lagunek izaten dituzte zauri larriak).

• 30 orduro pertsona bat hiltzen da (ia egunero pertsona bat).

13 herrialdetako hainbat taldek hartu dute parte lehian eta 45 ideia iritsi dira finalera. 8 talderen proiektuak saritu dituzte bi kategorietan: gidarientzako irtenbideak eta oinezko zein txirrindularientzako irtenbideak.

Amarauna irratsaioan aipatu ditugu batzuk eta, Andoni Mutiloak esan bezala, komeni da jakitea AEBetan ez dagoela debekatua telefono mugikorra erabiltzea gidatzen duzun bitartean eta arrazoi nagusia da auto gehienak automatikoak direla.

Safe Drive app

Gertutasunean oinarrituta zeuden aurkeztutako proiektu nagusienak, baina kasu honetan puntuak emango lizkiekete abiadura jakin batetik gora gidatzen duten gidariei, hauek telefonoa erabiltzen ez badute. Zenbat eta gehiago gidatu, orduan eta puntu gehiago jaso.

Puntu horiek trukagarriak izango lirateke produktuengatik edo zerbitzuengatik. Hona hemen Safe Drive app-ren aurkezpen bideoa.

Rider Alert

Peter Pottier-rek istripu bat izan zuen bizikletarekin: auto bateko gidariak debekatutako bira eman zuen eta bera harrapatu.

Rider Alert aparatu bat da Bluetooth bidez gidariak ohartarazten dituena (soinu bidez edo bisualki) txirrindulari bat gertu dagoenean.

Anti-Sleep Alarm

Aplikazio honek esna mantenduko luke auto gidaria. Instrukzio batzuk ematen dizkizu (adibidez, eskua mugitzea) eta horiek betetzen ez badituzu, Anti-Sleep Alarm joka hasten da.

Aukeran dago ere telefonoko kamera erabiltzea jakiteko zein den gidariaren neke maila aurpegiko mugimenduak monitorizatuz.

Tug

App honek eraman zituen sari nagusienak (Publikoarena eta Sari Nagusiena Oinezkoen eta Txirrindularien kategorian).

Laburbilduz, egin dutena da oinezkoen telefono mugikorretan trafiko seinaleak agertzea. Hau da, oinezkoentzako pasoa gorrian dagoenean, mugikorrean abisu bat aktibatuko litzateke “Look up!” (Gora begiratu!).

Hona hemen Tug aplikazioaren bideoa.

Connected Intersections, un concurso tecnológico para evitar accidentes de tráfico, este apunte en castellano.

Ez dut David Fernández pertsonalki ezagutzen, nahiz eta berak harreman estua izan Euskal Herriarekin. Parlamentari izan aurretik, Cròniques del 6 liburuaren egile izateagatik ezagutzen nuen. Kasualitatez, liburu hori irakurri ondoren, gaztelaniazko edizioa izan zen Javier Ortizek hil aurretik aurkeztu zuen azken liburua, 2009ko otsailean, Madrilen: Crónicas del 6 (Bartzelonako poliziari brigada bati buruzko erreportaje luzea).

Egun CUPeko parlamentaria da Kataluniako Parlamentuan 2012ko azaroko hauteskundeetan eserlekua lortu ondoren. Asteburuan elkarrizketa luze eta interesgarria irakurri dut Vilaweb digitalean (David Fernàndez: 'No hi pot haver marxa enrere amb el 9-N, no podem fallar'). Kataluniako egungo hainbat gai jorratzen ditu bertan, prozesua jomugan, baina nik zeharkako beste gai batzuk interesatu zaizkit.

Artur Masekin duen harremanaz

“Ez dut politika pertsonalistan sinesten: ni behin-behineko bozeramailea naiz. Pertsonen mailan, errespetua eta entzuteko gaitasuna dago. Eta nire ustez hori albiste ona da, XXI. mendeari dagozkion parametro nahitaezkoetan sartzen baita: politikaren feminizazioa. Hitz egiteko, entzuteko, akordioetara iristeko, ados ez egoteko eta adostasunak lortzeko gaitasuna. Politika hierarkikoa, autoritarioa eta inposatzailea albo batera utziz, feminismoak beti defendatu duen horizontaltasunera pasa, denak berdinak diren esparru batera.”

Kontsulta dela eta, CUPen jarrera

“(CUPen) tentsio politikoa dago hitzaren zentzurik positiboenean. Dialektika politikoa dago. Egia da ere bi erritmo oso diferente daudela: CUPena, asanblearioa da eta, beraz, motela; prozesuarena, berriz, oso azkarra da. Ez da beharrezkoa deskribatzea zein izan den CUPeko edozein militanteren erreakzioa kontsulta bertan behera utzi denean, baina nahiz eta iruzur hau aurreikusi, badakite bide bakarra dela konpromisoa mantentzea eta aktibo jarraitzea ziklo aldaketarako bidean. Gaur egun erregimenaren krisi bat dago eta herrialde honen errebeldia demokratikoa geldiezina da. Jada irabazten hasiak gara. Badira zortzi urte irabazten ari garela. Debekatu egin dira gomazko pilotak, fracking-a debekatu da, homofobiaren aurkako lege aitzindaria onetsi da, herri kurduari elkartasuna adierazteko mozio bat atera da aurrera, Kobane denean munduko hiriburua... Herrialdea laborategi demokratikoa da. Europako hegoaldeak inbidiaz begiratzen gaitu. Eta tenkatzaile demokratikoa prozesua bera da, zerbaitengatik ez dugu hemen sugearen arrautzarik, faxismoaren, arrazismoaren eta xenofobiaren arrautzarik”.

Legegintzaldi bakarreko parlamentariak

“2012an Molins de Rein eginiko asanbladan CUP-ek erabaki zuen parlamentura joatea lehen aldiz, baina baldintza jakin batzuk jarriz, besteak beste parlamentariek legegintzaldi bakarra egingo zutela. Eta legegintzaldi bat legegintzaldi bat da, bost urte edo bost hilabete izan. Koherentzia da hitzak eta ekintzak lotzen dituena eta gauza bat esan baduzu, hura bete beharra dago. Sinesgarritasuna duzu jokoan eta, batez ere, politikagintzaren egungo krisia dagoenean”.

(…)

“Atzetik datozenek askoz ere hobeto egingo dute, bildutako jakinduria aintzat hartuz. CUP eskola partekatua da, taldeka mugitzen gara. CUP ez da Isabel, Quim eta ni (egungo parlamentariak), atzean dagoen potentzialtasun politiko guzti hori da CUP. 1991n hasi nintzen politikan eta bi urte soilik daramatzat erakunde batean. Beraz, politikarekin, kazetaritzarekin eta kooperatibismoarekin dudan konpromisoarekin jarraituko dut. Albiste ona da ordezkoak egotea, horrek pitzatzen baitu trantsizioaren kultura politikoa eta maila horretako lidergoak”.

(…) “Jendea falta da pobrezia energetikoaren kontrako borrokan, komunikabide alternatiboetan, pobreziaren aurkako sareetan, espekulazioaren kontrako borrokan, herrialdea erosi nahi duten funts putreen aurka etortzeke dagoen borrokan...”

(...) “CUPek beti esan du Parlamentuko borroka instituzionala osagarria zela, mugimendu sozialek erreminta kaxan dugun tresna bat gehiago aldaketa politikoa eta soziala ekartzeko. Dena den, hori guzti hori CUPek berak erabaki beharko du, baina ni hemen nago eta bertan geratuko naiz. Bat gehiago izango naiz borrokatzeko orduan. Kontu handiz ibili beharra dago lidergoaren gaiarekin. Botere orok usteltzeko joera dauka eta guretzat, beti Europa hegoaldeko zapatistak izan garenontzat, askoz hobeto da indar kolektiboa, asanbladarena eta pertsona berriena. Parlamentuan erreleboa hartu dezaketen ehundaka lagunen izenak datozkit burura, seguraski gaitasun eta ezagutza gehiago duen jendea. Honek guztiak zerikusia du CUPen kultura politikoaren aurkakoa den ekosistema batean gaudela. Praktikan, ni ez naiz CUPekoa. Aro instituzional hau amaitzen denean kide egingo naiz”.

PPko eta Ciutadans-eko parlamentariekin duen harremanaz

“Ciutadans-eko parlamentari batekin izandako lehen elkarrizketaz akordatzen naiz. Diputatu honek CUPekiko oso erasokorra zen interbentzioa izan zuen hemizikloan, baina handik kanpora munduko pertsonarik adeitsuena zen. Esan nion aukeratzeko barruko agresibitatea edo kanpoko adeitasuna, baina nik berdin jokatuko nuela kanpoan zein barruan, ez bainaiz hipokrita.  'Zirko hau horrelakoa da', esan zidan. Erantzun nion ni ez nintzela etorri zirkoa egitera, politika egitera baino, eta aukeratzeko zer nolako harremana nahi zuen. Ulertu zuen. (…) Aurrean dugun PPko kideen zati bat jasanezina da. Hezigabeko jendea da, tribunan hitz egiten ari den jendea iraintzen, eskola bateko patioa ematen du. Aztertzen duzu egoera eta klase-gorrotoa dutela ikusten duzu. Beraiek uste dute gu okupa batzuk garela eta aulkiak ez direla gureak, eliteentzat direlako”.

Ulertzen ditut, noski, Davidek esandakoak, baina galderak egiten dizkion kazetariak bezala uste dut galera handia izango dela Fernandezek parlamentua uztea. Andreu Barnils-ek, adibidez, mezu hau bidali dio: No te'n vagis, David (Ez aldegin, David!)

Eta hona hemen Fernandezen erantzuna:

Gorka Juliok idatzi zuen aste honetan Berrian Smart herria izeneko zutabea. Denboraldiko lehen Amarauna irratsaioan Gorkak artikulu horren abiapuntu izaniko artikulua ekarri du: Miss a Payment? Good Luck Moving That Car.

Dirudienez, AEBetan 2013an autoak erosteko egindako maileguen %25 inguru arrisku handikoak izan ziren (subprime) eta aurtengo lehen hiru hilabeteetan 145.000 milioi dolar mugitu dira alor honetan. PassTime konpainiak 1,5 milioi aparatu saldu ditu mundu guztian zehar eta erreportajeak dio 2 milioi autok dutela horrelako aparatu bat.

Ez dakit Europara iritsi ote diren jada, baina AEBetan hasi badira, laster ditugu ate joka. Gaiak arazo juridiko asko planteatzen ditu, baina nik nahiago izan ditut New York Times-eko erreportajeak aipatzen dituen hainbat istorio hemen biltzea.

Kasu Robert Swearingen abokatuaren esaldi honi: "Klase ertaineko inor ez lukete jazarriko egun bateko atzerapenarengatik".

Bolender anderea

Termometroak 39.7 gradu markatzen zituen eta 10 urteko alabaren asma berpiztu zen. Las Vegasen bizi den Mary Bolender-ek alaba larrialdi zerbitzuetara eraman behar zuen, baina ezin izango zuen autoa martxan ipini.

Bolender andereak hiru eguneko atzerapena zeukan autoaren hileko kuotaren ordainketa egiteko orduan. Mailegu-emaileak urrutiko kontrola duen aparatua aktibatu eta ezin izan zuen automobila martxan jarri. Errepidera bueltatzeko, 389 dolar pagatu behar zituen, baina Bolender andereak ez zuen diru kopuru hori martxoko goiz hartan.

“Erabat inpotente sentitu nintzen,” zioen Bolender andereak, alaba zaintzeko lana utzi zuen ama ezkongabeak. Ez zen gertatu zen aldi bakarra: autoa blokeatu zioten martxoan, apirilean eta ekainean.

Vead jauna

“Walmart supermerkatuetan erosketak egiten ari nintzen bitartean auto bat desaktibatu dut” zioen Lionel M. Vead jaunak, Covington-eko First Castle Federal Credit Union konpainiako Ordaingabeen ataleko buruak. Aipatu kreditu konpainian autoa erosteko mailegua duten %30ak inguru dute gailua instalatua. New Orleans-eko aldirietan duen bulegotik, Vead jaunak mapa batean kontrolatu ditzake arrisku handiko 880 mailegu-hartzaile. Argi gorri batek markatzen du autoen kokapena. Vead jaunak antzeman ditzake ordainketatan atzeratu diren gidariak eta urrutitik desaktibatu ditzake haien ibilgailuak ordenagailu edo mugikor baten bidez.

Senarrarengandik ihesi

Austin (Texas). Aterpetxera genero indarkeriaz babesteko senarrarengandik hanka egin zuen andre baten autoa lokalizatu eta errekuperatzeko dispositiboa erabili zuen etxe mailegu-emaile handi batek, Amy Clark Kleinpeter abokatuak esandakoaren arabera. Dirudienez, aterpetxera joaterakoan autoaren mailegua arautzen zuen kontratuaren klausula bat puskatu zuen andreak (ezin omen zuen lau konderritik atera). Gauzak horrela, kreditu erakundeak garabia bidali zuen autoa erretiratzeko.

“Ikaratuta zegoen, autoa eraman zuen garabiaren konpainia nongoa zen jakiteko gai izan zitekeelako senarra” zioen Kleinpeter abokatuak.

Fahy anderea

Urtarrileko arratsalde batean, lau seme-alabak eskolatik jaso ondoren, Fahy anderea gasolindegian geratu zen depositua betetzera. Baina furgoneta berriro martxan jarri behar zuenean, ezin izan zuen. Telefono mugikorrari erreparatu zion eta mailegu-emailearen hainbat dei galdu zituela konturatu zen.

Furgoneta pizteko, Fahy andereak zorretan zituen 255,99 dolar pagatzea adostu zuen. Tramitean berandutu zenez, seme-alabak “ikaratuta zeuden”.

Smith anderea

Iaz, Nevadako Parlamentuak T. Candice Smith-en lekukotza entzun zuen. Smith andereak hilko zela uste izan zuen autoaren motorra itzali egin zenean bat-batean Las Vegaseko hiru karrileko autopista batean. “Izugarria izan zen”.

C.A.G. Acceptance konpainiak urrutiko tresna aktibatu zuen. “Nahiz eta ordainketa guztiak egin eta inoiz ez berandutu pagatzeko orduan, sentitu nuen pertsona horiek nahi zutena egin zezaketela, eta ezerk ezin zituela gelditu”. Smith andereak akordio konfidentziala lortu zuen C.A.G. etxearekin.

P.S.: no comment.

Bloqueo de vehículos por control remoto, este apunte en castellano.

Txina 2050. Argazkilaria: Benoît Cézard.

Rue 89n bidez (La Chine en 2050: et si les immigrés, c’était nous?) izan dut Benoît Cézard argazkilariaren berri. Lotura horrek eraman nau elkarrizketa honetara: Et si la Chine était la nouvelle terre d’immigration des Occidentaux?

Benoît Cézard musikaria, argazkilaria eta frantses irakaslea eta Txinan bizi da 2006tik. Buelta eman dio orain arte gure munduan ikusten ohituta gauden irudiei (nahiz eta jada gauzak nabarmen aldatzen ari diren). 2050 urteko Txina irudikatu du argazki erakusketa batean eta bertan mendebaldarrok gara Txinara lan bila joango garenak. Goiko argazkian ikusi bezala, gurean etorkinek egiten dituzten lanak han guk egiten ditugu.

2020. urtearen bueltan Txina munduko lehen potentzia ekonomikoa izango da. Mendebaldearen gainbehera, Ekialdeak gailurra ukitzen duen bitartean.

Immigrazioa ironiaz ikusteko arrazoiei buruz galdetuta (espero dut itzulpenean hankasartzerik ez egitea): "Txinan makina bat urte pasa ondoren kezkatzen nauen gaia delako, Frantzian eta Txinan gaurkotasun handiko gaia delako eta, azkenik, punk mugimendutik natorrelako (punk-hardcore taldeetan abestu dut) eta mugimenduaren oinarrietako bat diskriminazio era guztien aurka borrokatzea delako".

Amaitzeko: "Zorionekoa naiz: hemen jendeak mendebaldarrak tratatzeko moduak ez du zerikusirik Mendebaldean atzerritarrak tratatzeko moduarekin. Nahiz eta egunero topo egiterik duzun pertsona xenofoboekin, jende gehiena oso atsegina, abegitsua eta kuriosoa da gurekiko".

La China del 2050 en las fotos de Benoît Cézard, este apunte en castellano.

Jesus Egiguren, @Jurdan Arretxe eta Peio Rubio @egaroa-n. 19:00etan hasiko da #zabaleta34 #donostia pic.twitter.com/eO2mBDe7W5

— Garoa (@egaroa) July 24, 2014

Jesús Eguiguren: "Nire denbora pasa zen. Baina osasuna errekuperatzen badut, bataila emateko prest nago"

Atzo hartutako apunteak garbira pasatzerakoan, ia hiru orrialde bete ditut. Gauza batzuk tokiz aldatu ditut, baina saiatu naiz esandakoak modu fidelean jasotzen (ekitaldia euskaraz izan baitzen).

Ordu erdi luze aritu zen hizketan Jesús Eguiguren, Jurdan Arretxek patxadaz egindako galderei erantzuten. Hona hemen hartutako hainbat apunte.

Abuztuaren 6ko eguneratzea: Oier Aranzabalek Zuzeun orraztu ditu Eguigurenek esandakoak.

Arnaldo Otegi eta bakea

"Otegi eta bakea lortu zutenak mimatu behar zituzten. Rosónek-eta Mario Onaindiarekin egin zutena. Arnaldorekin egiten ari direna injustizia da. Bisitatzen nuenean ni baino hobeto zegoen, baina auskalo nola aterako den kartzelatik".

"Politika egiteko ondo etortzen zaie Kataluniarekin eta Euskadirekin gatazka izatea. Boto gehiago ematen zituen komando bat detenitzeak, bakea egiteak baino".

"Madrilen eta Euskadin dagoen estrategia da Bilduri oztopo guztiak jartzea alderdi gisa ez kontsolidatzeko. Bildu integratu beharra dago, hemengo parte bat delako. Bestela, arazo asko izango ditugu."

"Bakea hauxe da. Orain bezala bizitzea. Hau da Espainiako zonalderik baketsuena. Bakeak ez du aberastasunik ematen. Errekontziliazioa egina dagoela uste dut. PSOEko asko ondo entenditzen gara Bildukoekin. Bakeari buruz hitz egiten da, gobernuak dirua gastatzeko."

"Biktima asko daude bi aldeetan. Aita kartzelan edo amenazatuta ikusi dituzten horiek dira biktimak eta ez da horietaz inor okupatzen. Ezagutzen ditut mutil koxkor horietako batzuk. Eskolan ez dabiltza ondo. Istorio bat baino gehiago kontatu dezaket horien inguruan."

"Espainian ez dakite seguru nork irabazi duen. Hemen ere ez. PSOEko askok ez dakite. Une txarrean etorri zen bakea. Hauteskundeetan 11 puntuko aldea zegoen eta ez zuten bakerik nahi. Lehendakaria Ameriketan, etab. Bakea garestia da. Nahiago nuke garai haiek (2011ko urria) ez gogoratzea. Sozialistok gobernua galduko zutela, AHTren obren kontrola..."

GAL eta estatu-terrorismoa

"(García Goena hil zutenean) Garai hartan GALen kontra geunden, bagenekielako zein izango zen erantzuna. Txapuza bat zen, baina isilik egon ginen gauza asko jakinda. Kontutan hartu, GALek lagun batzuk hil zizkidala. Gaurtik begiratuta, esan behar dut estatu terrorismoa GAL aurretik egiten zela eta sozialistek bukatu zutela estatu terrorismoarekin. Gauzak ahaztea ere ez da txarra".

PSE-Bildu

"Bien arteko akordio posible asko daude. Errekontziliazioa eta guzti hori. Hemen Bildurekin egiten ditugun akordioak gaizki ikusiak daude Espainian (PSOEn). PSEk soberanoa izan beharko luke."

"Eskubia aprobetxatu egiten da. Ezkerrak ez du banderarik, ez sinbolorik, himnoak ere galdu egin ditu."

Orduan kontatu zuen egoitzan zer bandera jarri aukeratzeko izandako eztabaidak: ikurrina, Espainiako Errepublikakoa, gaur egungo española.

"Napoleonek esaten zuen gerrak banderarekin irabazten zirela."

Jesus Eguiguren @egaroa-n: "Martxa honetan Espainiari Perejil uhartea bakarrik geratuko zaio"

— Lander Arretxea (@larretxea) July 24, 2014

Espainiako Estatua

"Euskaldunoi ez zaigu federalismoa interesatzen. Euskaldunak eta nafarrak diferente izatea eskatzen ari gara. Katalunian ere ez dut uste orain interesatzen zaienik federalismoa. Zein da Espainiako estatu-forma? Ez dago zehaztuta Konstituzioan. Federalismoa hitz soil bat da. Ez da inoiz izan Espainian ondo eroritako hitza. Konstituzioak dio hiru nazionalitate daudela Espainian eta horrek esan nahi du paktua derrigorrezkoa dela Estatuarekin. Estado innominal (izenik gabeko estatua) da Espainia eta Estado plurinacional (nazio anitzeko estatua) izan beharko luke."

Kontsulta

"Nire ustez, bide hori erabiliz ezin dira gauza batzuk erabaki. Demokrazia da gutxiengoen eskubideak errespetatzea, ez ea nork ateratzen duen gehiengoa."

Gure Esku Dago

"Ez naiz abertzalea eta ez ditut gauza hauek entenditzen. Baina uste dut denbora galtzen ari direla. Kataluniatik garaile PP aterako da. Nire ustez, Bilduk indarrak jarri behar ditu partidu serio bat martxan jartzen, aparatuarekin, diziplinatua... baina dirigenteak kartzelan daude."

Balantza fiskalak

"Nafarroaren eta Euskadiren meriturik handiena da inoiz ez diotela inori poltsikoa ukitzen utzi. Katalunia injustizia bat bizitzen ari da. Extremadurak soberan ditu karreterak, piszinak, eskolak. Besteak beste, Kataluniako diruarekin eginak dira. Eta hauteskundeak irabazten dituzte Kataluniaren kontrako diskurtsoarekin. Paro asko dago, baina emigranteak ari dira lanean. Espainia gaizki antolatuta dugu. Ez dago enpresaririk: tratanteak dira"

"Kataluniak dirua sortzen du lana eginda. Norbaitek esan beharko die espainiarrei. Justizia soziala ondo dago, baina gaizki dago bertakoak paroan egotea, prestazioak kobratzetik bizi direlako, eta atzerritarrak lanean aritzea."

PSOE-PP: bipartidismoa

"PSOEko dirigenteek PPko dirigenteen mentalitate bera dute. Baina PSOEko botanteak langileak dira. Dirigenteen eta botanteen artean ruptura bat dago. Berdin-berdin Katalunian. Rubalcabaren ikuspegia PPko batena da: Madrilek agindu behar du eta probintziako gizajoek obeditu."

"Kontserbadorea naiz planteamenduetan. Konstituzioa bastante ona da: hiru nazionalitate eta erregioak jasotzen ditu. Baina dena nahastu egin da. Paktatu beharra dago. Libertatea emanez gero, ez lirateke joango. Kontuan izan españolistok emango diogula independentzia Euskadiri, abertzaleekin bakarrik ez baita nahikoa."

"Katalunia paktu ekonomiko razonable batekin ez da izango independiente. Espainiako eskubiari komeni zaio Euskadiko eta Kataluniako eskubiarekin entenditzea. Ez dut uste Katalunia puskatuko denik. Andaluz gehiago daude Katalunian katalanak baino. Paktuak egin behar dira Trantsizioan bezala."

Euskal Herria

"Euskal Herria euskararen herria da. Nafarroa trantsizio garaian baino urrutiago dago gaur egun. Gipuzkoa desagertzen ari da eta Euskadi Bizkaia bihurtzen ari da. Mespretxatzen ditugu Nafarroa eta Iparraldea. Bizkaia izeneko autonomia bat izango gara."

"Espainiako alderdi sendoenak daude Euskal Herrian. Urteak, historia dute atzean PSOEk, PNVk... Ezker abertzaleak frakasatu du PNV izan nahi duelako. Ezker abertzaleak PNVrekin puskatu beharko du eta etorkizunari begiratu."

Nazionalismoa

"Uste da nazionalismoa Sabino Arana dela, baina Frantziako, Alemaniako eta Kataluniako sozialistak ere nazionalistak dira. Hemen Aranari bota dizkiogu kulpa guztiak. Ezker abertzaleak sortu beharko luke nazionalismo moderno hori."

Politikariak

"Politikariak gero eta eskasagoak dira. Guk leitu egiten genituen gauzak. Gaurkoek ez dute ezer leitu."

Nik bota nion Suarezek eta Carrillok ez zutela ba irakurle fama.

"Suarezek ez zuen Carrillo kartzelan sartu. Aldiz, gaur egun Arnaldo kartzelan dago. Feliperi buruz esaten zen zein ondo hitz egiten zuen".

Nik berriro: bai, baina gaur gauza bera esaten da Pablo Iglesiasi buruz.

"Pablo Iglesiasek kanpainan PSOEren diskurtsoa egin du. Podemos bezalako fenomenoak pasajeroak dira. Ez nuen ezagutzen Iglesias."

Pedro Sánchez

"Bere diskurtsoari zerbait falta zaio. Ikasiko du. Bestela alternatiba Andaluziatik dator "(Susana Díaz-engatik ari zela ematen zuen).

PSE Euskadin

"Espainia ezkerrekoa da eta laster errekuperatuko da ezkerra. Euskadin, berriz, ezkerraren aldetik desertua datorrela uste dut. PNV jaun eta jabe egingo dela. Pragmatismoa. PNV da Euskadin PSOEren papera betetzen ari dena."

"Gipuzkoan egoera tristea da. Botoen %13a eta alkate bat zegoen ni sartu nintzenean. Feliperen garaian lehen partidu izatera iritsi ginen."

"Ezker abertzalearekin bakea negoziatzen ari ginenean botoen %30a lortu genuen, Bildu debekatuta zegoelako. PSE atzeraka doa. Gazteak ez dira hurbiltzen."

"Denek alde egin behar dugula diote. Ni prest nago joateko, baina frustrazioa daukat honela irten beharragatik. Barkua hunditzen ari denean, kapitainak azkena izan behar du."

Nafarroa

Publiko artetik esan zioten sozialisten erruagatik zegoela Barcina Nafarroan agintzen.

"Ez ditut Nafarroako oraingo dirigenteak gehiegi ezagutzen. Madrilen ez zaie komeni Bildurekin akordioak lotzea. Nortasun gutxi dute PSNko dirigenteek."

"Nafarroako planteamendua gaizki egin zen: Nafarroa Euskadira ekartzea. Erreferendumaren aukera hori Konstituzioan sartuta dago inoiz ez egiteko. Espainia aldetik hori egin zuenak asko zekien. Aldrebes egin behar zen. Nafarroa ia autonomia soberanoa da Foru- Hobekuntzarekin."

Podemos

"Podemos pasajeroa da. Ez dakigu zein dagoen horren atzean. Marea igotzen denean ez da inoiz goian geratzen, ezta behean ere."

"Arriskua munizipaletan dute. Podemosek kandidatuak aurkitzen baditu, kontsolidatu egingo da."

Zapatero eta alderdietako aparatuen indarra

"Jendeak uste zuen Zapatero demokrata bat zela. Hiru lagun zituen eta ez zion beste inori kasu egiten. 'Bai' esaten zion jendeari egiten zion kasu. Zapaterok kalte handia egin zion PSOEri amaieran eta partidua hori pagatzen ari da gaur egun ere."

"Zapateroren kasuan psikologia dago tartean. Berak uste zuen la hostia zela eta horrek galbidean jartzen ditu politikari gehienak. Politikari txarra izanda, asesore onak badituzu, ondo ariko zara. Churchill-ek bi baldintza jartzen ziten politika egiteko: ondo lo egitea eta asesore potoloak izatea."

"Orain arte ezagutu ditudan politikari gehienak onak izan dira. Korrupzioa egon da, bai. Oraingoengatik ez dakit zer esan. Jendea sartzen da politikan telebisioan ateratzeko".