Harrikadak

Gure herrian espezialistak gara zarata sortzen. Norbaitek esan zidan behin Brasil eta Espainia direla munduko herririk zaratatsuenak. Ez dakit datua fidagarria den, baina ez da harritzekoa.

Euskaldunak espainiarrekin batera goaz kontu honetan behintzat. Edozein tabernara joaten bazara izugarria da zer joera duten musika txarra eta zaratatsua jartzeko, inkluso txikiteroak bakarrik daudenean, inkluso bezero guztiak bokata jaten ari garenean, inkluso dantzazeko batere gogorik ez dugunean. Hau idazterakoan, euskal kostaldeko herri bat dut buruan. Ez dut hemen aipatuko, gainerakoak ere berdintsuak direlako.

Pentsa Esan Ozenki jarri ziotela lagun batzuk disketxe bati. Joe, ixilik egoteko ez gara jaio-eta, ozenago oraindik? Ixilik du izena Donostiako Alde Zaharrean duela zenbait hilabete sortutako auzotarren elkartea inguru horretan dagoen soinu eta zaratari aurre egiteko.

Esan Ozenki eta Ixilik egon beharraren artean, badago alderik. Bitartean, zarata kanporatzeko enpresak sortu beharko ditugu. Brasildarrek, behintzat, zarata hori musika bihurtzen dute kasu anitzetan eta munduan barrena zabaldu.

Abuztuaren 24tik 31ra egon naiz Sizilian (asko gustatu zait ingurua). Euskal Herrira itzulera operazioan etorri eta irailaren 1ean lanean hasi. Apenas izan dut denbora eta ez dut ezer idatzi blog honetan.

Enzo Baldoniren izena aipatzen dut izenburuan eta mundu honek daraman abiadan gehienek ez duzue jakingo ea Olinpiar Jokuetan domina irabazitako kirolari italiarra den edo zer.

Tipoa kazetaria zela eta Bagdad-era uztailaren erdialdean joan zela aipatuz, gehienok jada jakindo duzue zein zen. Han akabatu zuten, Italiako bandanadun Berlusconik inolako mugimendurik egiten ez zuen bitartean.

Tira! Arrazoia duzue munduan egunero zientoka lagun hiltzen direla gosez esaten duzuenak eta guk, mendebaldarrok, beti gure zilborrari begira gaudela.

Bai, horrela da. Baina tipo hau erditik kendu dutenez, hona hemen Italiatik abiatu zenetik martxan jarritako Bloghdad blog-a. Baldonik Irak-en bertan ateratako argazkiak eta idatzitako komentarioak daude bertan, italieraz.

Adibidez uztailaren 24an abiatu zenean idatzitako hau:

E' tornato. E' tornato il momento di partire. Da un po' di tempo la solita vocina insistente tra la panza e la coratella mi ripeteva: "Baghdad! Baghdad! Baghdad!". Ho dovuto cedere. Come sempre, quando si prepara un viaggio importante, cominciano a grandinare le coincidenze. E chissà quanto sono segni e quanto le provochiamo noi.

Portzierto, italiera ulertzea zaila egiten da, eh?

Donostia. 2004ko abuztuak 13. 17:30ak inguru. Zumalakarregi hiribidea. Bi zaldi gurdi batetik tiraka. Gurdia calesa tipokoa da. Gidari lanetan bi gizon andaluziar traje pegatuak jantzita. Sonbreiru kordobesa buruan. Gurdiaren atzekoaldean lore sorta bat ikusteko denbora izan dut. Ezkontzera doan neska bat? Hori iruditu zait.

Atera kalkuluak: ekarri karroa, zaldiak eta gidariak Andaluziatik edo dena delakotik (hemen ez dira egongo horrelakoak) zure ezkontza marabillosoan bueltatxo bat eman dezazun.

Eskerrak bakezalea naizen, zeren eta barru-barrutik gurdia irauli eta su emateko gogoa ateratzen zaidan, redios!

Pasa den astelehenean Koro Erdozia hil zen. Javier Ortizek abuztuaren 3ko apuntea dedikatu zion Gipuzkoako SOS Arrazakeria mugimenduan azken urteetan eta trantsizio garaitik Euskal Herriko ezkerreko mugimenduetan ezaguna zen emakume honi. Euskadi Irratian eta beste zenbait komunikabideetan aritzeagatik, ezagunagoa zen haren bikotekidea, Agustin Unzurrunzaga.

Asteazken arratsaldean, 20:30etan, Koro oroitzeko eta agurtzeko ekitaldia antolatu zuten familiak eta lagunek Haizearen Orrazian. Esandako orduan jende asko ikusten zen Branka jatetxe berriaren aldamenean dagoen esplanadan. Ez dakit zehatz-mehatz zenbat jende zegoen, baina 400-500 lagun bildu ginela esango nuke.

Hasiera batean arazo teknikoak egon ziren soinu ekipoarekin. Arazoak konpontzen zituzten bitartean, bi musikari afrikarrek eta Juan Mari Beltranek musika jo zuten tarte hori ahalik eta errazenen pasatzeko.

21:00ak aldera ekipo berria ekarri zuten eta ekitaldia hasi egin zen. Hiru bertso bota zituen ezagutzen ez nuen gizon batek. Ondoren, Olatz, Kororen ilobak, hartu zuen hitza. Familiaren izenean hitz hunkigarriak bota zituen. Gero, Pello izeneko lagun eta alderdikideak hartu zuen hitza. Kororen alde militantea izan zuen aipagai: ETA berri, Komunistak, EMK, Zutik, baita SOS Arrazakerian egindako lana. Azken talde honetako kide batzuk ere egin zuten berba, laburrago izan bazen ere.

22:00ak aldera hildakoaren alabak errautsen potea hartu zuen eta Haizearen Orrazian Chillidak paratutako monumentuen inguruan haizatu zituen errautsak. Jende askok loreak ere bota zituen ondoren.

Zoritxarrez, amaitu da emakume kaskagor honek Gobernuaren Subdelegazio, Enbaxada eta Kontsuletxeetan inmigranteen alde egindako lan izugarria.

Atzo arratsaldean break, hip-hop eta rap festa izan genuen Anoeta estadioaren inguruetan. Goizean izugarrizko beroa egingo zuela bazirudien ere, arratsaldeko 4:00ak aldera eguraldia goitik behera aldatu zuen. Hala ere, eskerrak euririk ez zuela egin.

B-boy eta B-girl batzuk hurbildu ziren. Break-dancer batzuk ere bai. Hala ere RUSH BLAC-KA taldeak harritu ninduen gehien.

Egia da euskal rap talderik badugula, Selektah Kolektiboa, baina Irunen bizi den Jesus Mitogo ginearrak kristoren maila duela erakutsi zuen. Mingaina astintzen abila da mutila eta gustatuko litzaidake ikustea areto itxi batean, 200-300 lagunen aurrean. Hau diot zeren eta Anoetako kontzertua kalean izan zen.

Maketa bat argitaratu dute (Luces y sombras, 2003)eta laister bigarrena egitekotan omen dabiltzan.

Hurrengo asteetan Beasainen joko omen dute. Ikusteko aukera izanez gero, ez alperrik galdu.

Gaur arratsean etxerako bidean RNEko kirol saioa nekarren autoan. Ez galdetu zergatik, baina hori jartzea okurritu zait.

Espainiako Futbol Liga Profesionalaren egoitzatik hitz egin du irratiko kazetari batek. Dirudienez, ez omen dago akordiorik 1. eta 2. mailako futbol taldeen artean erakunde horretako presidente berria hautatzeko.

Bitartean, presidenteordea delako, funtzio hori Jose Luis Astiazaran jaunak, Realaren presidenteak, betetzen du. Astiazaranen adierazpen batzuk bota dituzte. Zer komunikatzaile txarra den tipo hau! Bi esaldi hauek, gutxi gorabehera, bota ditu: "Se ha demostrado que la gente del fútbol está unida" (futbol taldeetako presidenteak izango da, izatekotan).

"Vamos a dar pasos en el ámbito de la coherencia" (edo antzeko zerbait,baina "en el ámbito de la coherencia" esan du).

Zer ostia esan nahi du azken esaldi horrek?

Mikel Larreategiri irakurri diot gaur duela zenbait aste idatzitako mezua Donostiako hiri autobusetan jarri dituzten telebista berriei buruzkoa. Hasiera batean, Manifesta 5 arte jaialdiarekin lotu zituen Mikelek.

Hala ere, ez da horrela. Bussitel izeneko enpresak jarri due martxan aipatu zerbitzua Donostian. Enpresa honek badu eskarmentua beste zenbait tokitan. 10-12 minutuko blokeak errepikatzen dituzte behin eta berriro.

Bussitel-eko presidenteak zer asmo dituzten kontatzen du elkarrizketa honetan.

Azken boladan, ez naiz gehiegi ibiltzen Donostiako hiri autobusetan, baina ez zait batere ondo iruditu traste puta hauek jasan behar izatea. Telebista dela esaten badute ere, irudiak botatzen dituzte, argazkiak. Hau da, notizia bat ilustratzeko bizpairu irudi botatzen dituzte.

Aste honetan zutabegile lanetan Irutxulo aldizkarian hasi den Eneko Barberena arrasatearrak ere gorroto omen ditu. Nik ere bai. Gero eta toki gutxiago ditugu gure buruarekin pake santuan egoteko.

Arconada erretiratu zeneko sentsazio berdintsuarekin gelditzen gara.

Bejondeizula, Mariano!!!

Hona hemen zenbait lotura agurraren orduan

Sustatun

Argian elkarrizketa

Harkaitz Canoren aipamena Berrian

Anjel Lertxundiren aipamena Berrian

Garan elkarrizketa