Harrikadak

Informazio gehiago: Greba Euskal Herrian webgunea.

Dakizuenez, 90. hamarkadan lehertu zen Irungo alardearen auzia (baita Hondarribiakoa ere). Geroztik, Irunen bi alarde egiten dira ekainaren 30ean, laburbilduz.

Behin baino gehiagotan adierazi dut nire ikuspuntua: atera dadila alardean nahi duena, gizon zein emakume, arau minimo batzuk betez gero.

Orain, lagun batek bidali dit alarde tradizionaleko zalditeria eskoltan gertaturiko gorabehera bat. José Javier Bercianos-ek jeneralaren eskoltako tenientea den Javier Berroari bidalitako agiria itsatsi dut ondoren. Bertan, azken urtean izandako gorabeherak direla eta, Bercianosek baja eskatzen du aipatu taldean.

Ez dut komentariorik egingo. Nahikoa da agiria bera irakurtzea jakiteko nolakoa den alardea gidatzen duen jendea.

Con el alarde a vueltas, este apunte en castellano.

Askotan idatzi dut hemen Javier Vizcaíno lagunari buruz, baina gaur, kazetariak Radio Euskadi utziko duela dakidanean (zorionak Urtzi Urkizuri albistea emategatik), ez dakit nondik hasi.

Ordenagailuan gordeta dudan korreoari bota diot bistadizo bat. Eta haren izen-abizenak Javier Ortizek bidalitako e-mail batean ageri dira lehen aldiz. 2003ko ekainekoa da mezua eta bertan Ortizek zioen Madrilgo Liburu Ferian aritu beharra zuela Vizcaínorekin.

Ortizek berak kontatu zidan behin (edo irakurri egin nion?) badaudela finkatutako kazetariak gehiago lan egin eta gutxiago kobratu behar dutela jasotako eskaintzari muzin egin beharrean baiezkoa ematen diotenak. Uste dut hori gertatu zaiola Vizcaínori, nahiz eta horrelakoak ez diren soilik kazetaritzaren arloan ematen. Baiezkoaren arrazoia izaten da, noski, proiektu interesgarriren bat izatea esku artean.

Espero dezagun laster egitea publiko nora doan, baina nik eskatu nahi diot bere blog zaharra errekuperatzea (javiervizcaino.net). Zoazen tokira jarraituko zaitugu, konpai, baina errekuperatu zure bitakora. Besarkada handi bat eta animo asko.

P. S.: a zer nolako galera Radio Euskadirentzat.

Ahora que Javier Vizcaíno deja Radio Euskadi, apunte hau euskaraz.

Oharra: Igandeko Deiak konfirmatu du jada Noticias Taldera joango dela Vizcaíno.

Auggie Tolosako Korreo kalean dagoen arropa denda bat da. Ostegunean 1000 egun bete zituzten eta ostiralean, 1001. egunean, Giorgio Bassmatti gonbidatu zuten kontzertu bat eskaintzeko. Bertakoez gain, musikariaren lagun batzuk ere hurbildu ginen.

Goio Telletxeari (zorionak berari ere, ostiralean haren urtebetetzea izan baitzen ere) egokitu zitzaion hamar kanta aukeratzea. Kanta gehiago izan ziren azkenean. Eta kontzertua barruan hasi eta kanpoan bukatu zen kasu honetan (Donostian, Guardetxean, alderantziz izan zen). Honek guztiak adierazten du tipo mugitua dela gure musikoa.

Argazki batzuk atera nituen, baita bideo bat ere. Ez dute kalitate askorik, mugikorrarekin atera bainituen. Dendakoek ere igo dute txuri-beltzean ateratako beste kanta baten bideoa.

Flickr-en pro kontua erosi berritan, Bassmattirena da lehen albuma. Bertan ageri da ere duela hiru urte eskainitako beste kontzertu batean ateratako erretratuan, Tolosako kamiseta bera soinean duela, Mataróko fan club-eko presidentarekin.

Aipatzekoa ere kontzertuak izan zuen Telmo teloneroa eta gero, kanpoan, gehitu zien beste neska batzuk ere (oharra: Lara, trabesera; Nerea, pianoa etxean utzi zuena).

P. S.: Kontzertura joan aurretik, Hor hago Kevin? liburu aurkezpenean ere egon nintzen, Donostian. Pena ez geratzea ondorengo jaian, hark ere itxura ona baitzuen.

Concierto de Giorgio Bassmatti en Auggie, este apunte en castellano.

Euskal Herriko gehiengo sindikalak greba orokorra deitu du ekainaren 29rako. Eta Euskadiko CCOO sindikatuak ere egun horretarako deialdia egina du. UGTk, berriz, ezetz, ez dutela egingo. Espainiako bi sindikatu hauek irailaren 29rako deitua baitute greba orokorra. Atzeratzearen arrazoia, publiko egin dutena behintzat, Europa mailako konbokatoria bat dagoela egun horretarako.

2009ko maiatzean egin bezala, aurten ere zenbait aktibistek Greba Euskal Herrian webgunea muntatu dute dagoeneko. Twitter-en ere @grebaorokorra erabiltzailearekin ari dira mugitzen, argazkiak, bideoak, greba orokorra posta zerrenda, eta abar.

Inoiz ez dator ondo greba bat egitea. Borrokak bezalakoak baitira grebak, zentzu honetan. Nork nahi du borroka? Nork nahi du gerra? Inork ere ez, baina askotan ez da beste biderik geratzen.

Gaurko egunez bidali didate bideo baten lotura. Bideoan ageri da nola Tania Gálvez blogaria saiatu zen Gerardo Díaz Ferrán-i galdera bat egiten ekainaren 10ean Madrilen izandako ekitaldi batean. Bideoan ikusten da Tania nola egozten duten aretotik. Zergatik? Galdera guztiak aurrez egin behar zirelako. Itxurakeria hutsa zelako ekitaldia. Onena da ikustea enpresariak topa egiten lan erreformaren alde. Segi horrela, lagunok!

Eguneratzea, 22:55: Ahaztu egin zait lehen komentatzea, baina gaur arratsaldean jakin dut Bizkaia, Araba eta Gipuzkoako Enpresari Gazteen Elkarte bat dagoela. Asociación de Jóvenes Empresarios vascos-en akronimoa badakizue zein den? AJEBASK. Gaztelaniaz pentsatutakoa, noski. Zelako ajea!

Huelga general en Euskal Herria el 29 de junio, este apunte en castellano.

La verdadera cara del "Foro para la Nueva Economía" from tgalvez on Vimeo.

Goizeko 11:00etan geratuta geunden atzo... baina ni berandu iritsi nintzen. Alde Zaharrean bueltaren bat eman eta trago batzuk hartu ondoren, Amarako jatetxe batean bazkaldu genuen.

Bazkaldu ondoren, Anoeta Estadiora hurbildu ginen. Eta hor bizi (ge)nuen lehen emozioa, taldearen autobusa gerturatu zenean. Munduko vuvuzela guztiak baino zarata handiagoa atera baikenuen zaleek.

Kosta zitzaidan 7. atera iristea hainbeste jende artean, baina garaiz nengoen nire eserlekuan. Partida hasi zen, azkenean. Eta ekipoa lotuta ikusi nuen lehen zatian. Eskerrak bigarrenean hobeto jarri zirela gauzak eta penalty bidez aurreratu ginela. Buenok bigarren gola sartu zenean, orduan dena salduta zegoen.

2010eko ekainak 13a Realaren historiako beste data bat. Egungo neska-mutiko errealzaleek taldeari lotuko zaizkio, gu 1981ean eta 1982an itsatsi ginen bezala.

Donostian hori gertatzen zenean, Kordoban Real Unionek kategoria galtzeko urrats handia eman zuen. Pena!

Ez dakit noizbait idatzi ote dudan hemen mendi kontuetaz. Egia esan ez dut gehiegi maite mendia. Eta himalayismoa eta zortzimilako mendien karrerak-eta show bussiness-arekin dute antza gehiago.

Zortzimilakoen karrera horretatik aparte bizi da orain Alberto Iñurrategi. Eta uste dut berdin daudela berarekin batera joandako beste bi mendizaleak ere.

Egia esateko, atentzio pizarra jarri diot Broadk Peak-eko espedizio honi beraiekin batera kronista lanetan eraman dutelako Ander Izagirre. Pixkanaka-pixkanaka hurbiltzen ari dira oinarrizko kanpamentura eta handik izango dugu Anderren berri.

MADERITA. ATENCIÓN ENCANDILADA from audiencies on Vimeo.

Carlosek duela hilabete batzuk eman zidan ezagutzera taldea, baina haien musika ez dut behar den bezala entzun gaur arte.

Iluntzean ipini dut Vivir para crecer diskoa spotifyn eta gaur dudan aldarterako ezin egokiago suertatzen ari zait.

Maderita proiektua Valentzian sortua da. Julio Bustamante kantari beteranoak Ciudadano taldea osatzen duten hiru musikari gazteekin 2009an argitara emandako Vivir para crecer diskoa da, oraingoz, elkarrekin eginiko lan bakarra.

Ez dut gehiago esango. Entzun, dastatu, gozatu.

Gorka Teketenen bidez iritsi naiz qik.com nire telefonoan jartzera. Aste honetan bertan bi bideo labur hauek grabatu ditut, besteak beste.

Larunbat honetan, Literaktum jaialdiaren barruan Rafa Berrio abeslari donostiarrak abestutako lehen kantaren bideoa da.

Ostiral goizean Gipuzkoako metaleko langileek manifestazioa egin zuten Donostian.

Hobetzeko asko daukat, baina erreminta potentea da.

Albisteak 2.0.010 from Albisteak 2.0 on Vimeo.

Patxi Gaztelumendik eta Galder Gonzalezek Albisteak 2.0 programan aipatutako San Francis Hotelean eginiko flashmoba dator bigarrenik. Hotel Workers Rising webgunean informazio gehiago.

#greba etiketa erabiliz, jarraitu grebaeuskalherrian.info gunea.