Ortozik

Campaña Elecciones 2008

Nuevo partido de la Casa Sana

Para resolver la especulación inmobiliaria

Después de tanto debate, análisis y contra debate, no hemos oído a ningún candidato que prometa resolver el más grave problema de este país, la especulación inmobiliaria.

La especulación inmobiliaria es un problema tan grave, que hace falta que expertos de la UE y de la ONU vengan a tirar de las orejas al gobierno ante el escándalo del precio de la vivienda, que supera el 500 % de su valor real.
Recordemos que “especulación” significa conspiración para alterar el precio de las cosas”. Y la especulación del suelo existe gracias a la complicidad municipal, y la corrupción política generalizada.
 
El Caso Fuenlabrada
La pasada primavera ha sido noticia, un promotor de Fuenlabrada que demuestra con hechos que, es posible construir viviendas sociales de tres dormitorios, garaje, trastero y piscina, por 80.000 euros (IVA incluido), o sea cinco veces menos que los precios de mercado que ya rondan los 400.000 euros.
El promotor de Fuenlabrada, llamado “el Robin Hood de los pisos”, el gestor de cooperativas José Moreno (alias el pelucas), lleva tres lustros haciendo casas baratas, se considera satisfecho de los beneficios justos obtenidos, y dispuesto a una nueva promoción a precios de coste reales, no precios especulativos.
 
Nuevo partido de la Casa Sana
Porque creo que “otro mundo es posible”, propongo la creación de un nuevo partido de la Casa Sana. Un partido transversal, para resolver la especulación inmobiliaria, y por el “derecho a una vivienda sana”. Quizá convenga reformar la Constitución Española y añadir algunos Derechos Fundamentales:

Derecho al sol (sin ozono, sin cáncer).
Derecho al aire limpio (fresco, limpio y puro).
Derecho al agua corriente (fresca, de manantial).
Derecho a la tierra (finca, solar, heredad).
Derecho a la vivienda (sana, digna, precio justo).

Klase politikoari egurra ematen jardun dut pare bat mezutan, zerrendan eta baita blogean ere, baina egia esan, salbuespen zoriontsuak ere badaude. Gutxi. Eta gehienetan, baztertuak, dimitituak, gaixo edo erre-erre eginda bukatzen dutenak.

Bertsolariak zioen moduan, politikan ez da gauza politikan, eta horretara, politiko jarduna ogibiderik gogorrena begitantzen zait. Zintzotasun minimoa edota kontzientzia minimorik izan ezkero, sofrimentu latza baitakar atzetik.

Askatasun indibiduala galtzen da, partidua, goi-buruzagitza, erakundea, multinazionalaren "kazoa", promotorarena edo bestela mehatxuak handik edo hemendik...Beti presioak era jakin baten jokatzeko, gizur jakin bat esateko edo fabore konkretu bat egiteko.

Beraz, intentzio onenekin patata ustel horretan sartzen direnei, zorionik onenak. Egiteko asko dago eta.

Hau idatzita, bapatean, Arnaldo Otegi, Adolfo Suarez, Carlos Garaikoetxea, Patxi Zabaleta eta Gerry Adams agertu zaizkit gogoan, zelako kuadrilla! Ez galdetu zergatik...

Eibartarrak zerrendan sarritan jarri dut demokrata ez naizena, eta atzoko demokrazia showaren ostean berretsi baino ezin dut egin. Hasi aurreko countdown, lehenengo hamar minutuak eta ezken hamar minutuak ikusi eta entzutea tokatu zitzaidan. Nahikoa eta sobera. Pasapalabra edo Mihiluze moduko bat hobeto, bai horixe.

Demokrazia hitzaren esangura aldatzeko eskaera egingo nioke españoltzaindiariari, R.A.E. delakoari, hau dio eta:

democracia.

(Del lat. tardío democratĭa, y este del gr. δημοκρατία).

1. f. Doctrina política según la cual la soberanía reside en el pueblo, que ejerce el poder por medio de representantes elegidos por sufragio universal.

2. f. Sistema de gobierno fundado en esta doctrina.

~ cristiana.

1. f. Movimiento político que aúna los principios democráticos con algunos postulados de la doctrina y el pensamiento social cristianos.

~ orgánica.

1. f. Sistema de gobierno que, en España, sustituía el pluralismo sindical y político por la propuesta de una cohesión nacional fundada en la familia, el municipio y los sindicatos verticales.

~ popular.

1.      f. Sistema de gobierno de los regímenes políticos de inspiración marxista.

Edo gutxienez, aldaeratan gaur egungo zirkoa definituko duen adjektiboren bat gehi dezaten, hitzaren ez hainbeste prostituitzeko, subirautzarik herrian ez dago eta. Gehiengoa lor dezaken alderdi politiko bakoitzaren atzetik makineria erraldoia dago, prentsa taldeak, bankuak, arlo ezberdinetako enpresa eta multinazionalak eta abar. Subirautza beraiena da, herria, lau urtean behingo tresna.

R.A.E.rako proposamenak:

~ telefascista.

~ engañosa.

~ mediática.

Espainiar demokrazia (~ nahiduzuena.) honek Euskal Herriarekiko duen politikan, PP, PSOE berdin da. Biak gauza askotarako gai izan dira, zein baino zein. Izan ere, euskaldunon aurkako estrategiak diseinatzen, itzalean, Frankoren garaitik hona, kupula berdina dagoela uste dut, gobernu bakoitzaren ahaleginak jar ditzakeen ñabardura  batzuk salbu. Batallonvascoespañol, GAL, torturak, dispertsioa, Egin ixtea, Egunkaria...neurona talde berdinak sortua da.

Txarren txarrena, sarriegitan, euskal eragile politiko nagusiak talde honek diseinatutako estrategien protagonista xuxenak direla. ETAtik hasi, Batasuna, Aralar, EA eta PNVraino (beltzez estrategian paper nagusiak hartu dituztenak). Bakoitzaren kontribuzioa ezberdina izan daiteke, baina gehiago edo gutxiago, denek partehartu dute estrategian, nahita ala ezjakinean, bakoitzak jakingo du.

Euskararen etsaien beldur bakarra, euskaldunon biltzea da. Hortik kanporako guztia, errentagarria.

Duela lau bat urte ezagutu nuen Carlos Requejo. Pertsona bizia, laguna, zazpiki xamarra, eta gaian aditu eta aritua.

Bizilekuaren kalitatea edo bizigarritasuna aztertzen duen disziplina definitzeko, berak, domobiotika eta domoterapia hitzak osatu zituen. Geobiologia, inguruko erradiazioen azterketa, habitataren medikuntza, baubiologie, bio-bizigarritasuna edo etxe osasuntsuaren kontzeptuak erlazio zuzenean daude.

Besterik barik, honatx elkarrizketa:

DNA apurketak, arratoi zeluletan denbora luzez RF uhin digitalen eremu elektromagnetikopean jartzean. Vienako Unibertsitateko Lanbide Medikuntza Saila – 2005eko ekaina.

Genotoxikoa, mitokondria genoman (amaren herentzia), eta nukleo genoman eragina. Hunter Medikuntza Institutua, Newcastle, Australia – 2005eko ekaina.

Ehunen oxidazioagatik giltzurrunetan kaltea, 900 MHztako uhin digitalekin. Markatzaileen gehitzea plasma eta gernuan, zelulen entzima mekanismo oxidatzaileen gutxitzea (dismutasa superoxidoa, katalasa eta glutation peroxidasa). Archives of Medical Research – 2005eko ekaina.

Epidermisaren atrofia, zelula basalen gehitzea, hipergranulosia. Toxicology and Industrial Health.

35 proteinaren eraldatzea giza endotelio zeluletan GSM900 uhineki. Finlandiar ikertzaileak, Radiation and Nuclear Safety Authority, 2004 Proteomics.

Giza fibroblastotako DNA apurketak, 1.800 Mhz era intermitentean, 24 orduz. Vienako Unibertsitatea.

915 MHz tan giza linfozitoek bere kromatina kondentsatzen dute, biskosoago bihurtuz, zelulen aktibotasuna murrizten delarik. Beroaz, efektu berdina lortzeko 41ºCtan jarri beharko lirateke (linfozito beroak). Stockholmoko Unibertsitateko Genetika Departamentua (Bioelectromagneticsen argitaratua)

Aneuploidia, genotoxikoa giza linfozitoak 830 MHztan. Tel-Aviveko Unibertsitateko Medikuntza Molekular eta Giza Genetika Saila

Giza plaketak minutu gutxi batzutan 900 MHztako eremupean estres oxidatzailea jasaten dute. Gorputzaren alterazio sistemiko ezberdinen iturburu izan daitekena.

Datuok, 2005ean Manuel Portolés ikerlariak kaleratutako bi artikulutatik ekarriak dira. Levante digitalen argitataratu zituzten baina ez dut albisteko orrira loturarik aurkitu. Urteak ere pasatu dira eta egun, ikerketa gehiago eta hobeak daude.

Ikerketen artean kaltegarritasunik ez dagoena diotenak ere badaude, baina kasualitatez multinazionalek diruz lagundutakoak dira, eta ikerketen ondorioak diru-iturriaren arabera desberdinak izatea ez da oso zientifikoa.

Bestalde, interes ekonomikoak izugarri handiak izatean zentsura ere bertan daukagu. Zentsura eta zentsuratzaileak. Hauetako batzuk OMS barruan bertan, Karolinska Institutoko Olle Johanson mediku ikerlariari  gaiari buruzko bilkura internazionalean hitza ukatuz. Ziur hauek medikuntza nobelik jasoko ez dutena.

Beharbada galiziar edo portguêsen batek muturra okertuko dit, baina galegoa eta portguêsa hizkuntza bera dira. Bien artean, galegozar(1) batek egin dezakenari erreparatuta, euskara dialektoen artean baino ezberdintasun xuabeagoak daude, fonetika, hiztegia, morfologia edo sintaxiari erreparatuta.

Bien jatorri berdinari buruzko artikulo bat: português galego

Galegoaren egoera ez da oso txukuna, Xunta, Fraga eta Espainiako Govermentaren galego oficialak jatorrizko hizkuntza decretoz oso urte gutxitan eraldatu du, españolizatuz. Eibarren adiñean aurrera doazen askori entzuten zaien galego polittak ez dauka galeuzcaTBen entzun ahal izan dugunaren antzik, edo Minhotik beherakoarena baino antz gehiagorik. Galiziar hizkuntza elkarte erredikalenek, hizkuntzaren ikuspegitik zentzudunenak direnak, grafia portuguêsari hurbiltzea aldarrikatzen dute, grafia galaiko zaharra errekuperatuz. Ez dakit zein mailara arte zilegi den hizkuntza bera direna esatea, baina hizkuntza bakarra zena bitan banatzea XV mendearen bueltan jazo zen, Minhotik gorakoek inguruko monarkien eragin sakonagoa izatera pasatzean.

Euskarak zenbat tratu ezberdin jasan ote ditu? Gogoetarako.

Orain portguêsarekin jarraituz, hiztegian castellanozko antzekoak edo berdinak diren hitz batzuren esangura aldatu batzuk aipatuko ditut:

namorar: ez da hitz hain maiteminkorra, ligatzearekin zerikusi gehiago du. Gau batez pertsona batekin namoratzea lor dezakezu. Asko namoratzen duen neska edo mutilik ere egongo da eta namorada/o, neskalagun edo mutilagun esateko darabilte. Noivo edo noiva oso serioak dira.

apaixonada/o: hau bai, maiteminduta dagoena.

fofinho/a: potxolo edo ume txiki bati esan ahal zaiona. Horretara, neska bat fofinha, ez da zatarra edo lodiagatik izango, eta erabiltzen ez de arren, fofinha espantosa sekulako piropoa genuke, espantoa, zentzu oneko harridura da eta. Era berdinean, pelikula izugarri ona, espantosoa litzateke.

gente: a gente (a xente antzekoen), jendea da, baina gutasuna adierazten duena. Lagun bati, a gente lá vai esan ezkero, joango garela, bagoazela adieraziko diogu. Politta (Sarrik bere libururen baten aipatu zuen, ez dut zeinetan gogoan).

escova: eskuila edo zepilloa da. Horrela, Portugalen egonda, egunero escovar os dentes egin daiteke.

ultrapassar: aurreratzea. Esaterako, kotxe batek bestea.

Eta ezkerra, esquerda, jator jatorretik, euskaratik.

Ondo izan,

o Bárbaro (2)

(1): euskaldunzar moduan edo.

(2):Portugalen denbora batez izan nuen gatxizena zen, hizkuntza barbaroa nuelako, barbaroaren bizarrak nituelako eta barbaroek bezela jaten nuelako (oso finak dira jaten, han ikasi nuen ogi gutxiagorekin jaten eta mahai-tresnak xuxen erabiltzen)

Atzo goizean, kotxean nihoala Euskadi Irratiko solasaldi baten zati bat entzun nuen eta epel xamar gelditu ziren kontuak nire aburuz. Gai hauetan arlo juridikoan maila handiko aditua den Jose Alberto Arrate abokatu eibartarra egon zen denbora labur batez, Iñigo Agirre zerrendakidea ere bazela uste dut eta gero, izena gogoratzen ez dudan kristau bat. Azken honek europar batasunak jarritako gomendio mailak nahikoak zirela zioen ...JÁ!

Maila hau, frekuentzia altuko GSM uhinentzat 450 mikrovatio zentimetro karratuko (µW/cm²)  da. Hau sobrada bat da. Antena bati besarkada goxo bat ematen ere gaitza litzateke maila honetara heltzen. Gainera, maila hau mikrouhinen efektu termikoan (S.A.R.) soilik oinarritzen da eta hau errore garbia da. Zientziaren izenean, zientziari erasoa, gezurra eta negozio borobilagoa. Salzburgen 2000 urtean egin adituen bilkuran maila hau 0,1 µW/cm² tan ezarri zen eta egun, zientzialari eta mediku asko dira maila hau jeistea gomendatzen dutenak.

Maila bat bestea baino 4500 aldiz handiagoa da.

Borondate kontua da, Castilla La Manchako gobernuak bere autonomiarako GSM uhinak Salzburgeko mailara mugatu zituen, eta ez dut uste kobertura arazorik izango dutenik. Espainiako gobernuak errekurritu egin zuen konpetentzia arazorik balego, baina Constituzionalak autonomia gobernuari arrazoi.

--------

Ez da munduan aseguru etxerik uhin elektromagnetikoen kaltegarritasun eza osasun aldetik babesten duenik. Ez telefonia mugikorren multinazional erraldoiek, ezta elektrika ultraboteretsuek ere, ez daukate uhinek eragin ditzaketen kalteen asegurorik. Aseguru etxeek ez dute nahi. Zergatik?

--------

Gaur Jairoren amaren spammer jardunaren mezu bat jaso dut, Manuel Portolesen artikulu batzuk .doc dokumentu erantsi bezela zituena. Jairo minbiziz hil zen eta gaur egun bere amak beste ume batzuri berdina ez pasatzeko lanean dihardu. Bere adierazpen batzuk:

"Datos oficiales: hay unos 800 nuevos casos de cancer infantil anual y que se está incrementando a razón de 1% anual, pero en la Fe de Valencia en el 2005 hubo 90 nuevas citas: un número de esos era mi hijo. En 2006, en el mismo lugar, hubo 146 nuevas citas: un número de esos era una compañera del colegio de mi hijo. 56 niños en un solo hospital de España. A alguien le fallan las matemáticas. Me dicen que no dan las cifras reales para no alarmar a la poblacion, que prefieren ENTERRARLOS.

Luego, lo primero que nos dicen, es que se salvan un 70% de los niños oncológicos. Eso a quién se lo quieren hacer creer: a los padres, que hemos tenido la desgracia de convivir en oncología infantil, NO. Yo he vivido allí 1 año y, DE TODOS LOS QUE CONOCÍ VIVOS, SÓLO ME QUEDAN 2 VIVOS. Y ME DA MIEDO LLAMAR Y PREGUNTAR CÓMO ESTÁN, POR SI ME DICEN QUE YA NO ESTÁN."

 
Bihar edo, Manuel Portolesek laburtzen dituen ikerketen datuak euskaratuko ditut, efektu atermikoak denak: ADN apurketak, azalaren atrofia, proteinen aldaketak, apoptosia, efektu genotoxikoa eta beste batzuk.

Garagoittiko orakuluaren sarrera baten izenburua da hau. Matrallako irratian ez dakit noiz botako diguten Arrosa productions hori, baina gezurrak asko direnez...
Hemen gehiago!!!!

Zeitgeist Dokumental ikusgarria, nire aspaldiko kezka eta susmo asko baieztatzen dituena. Erlijioak, torre bikien kontuak, geo-mamoneo gordina, banku zentralen inbentoa, RFID eta abar. Askok beharbada gutxietsi egingo dute eta gehiegizko baieztapenak direna pentsatuko du, lehen bezela jarraitzeko gogoz.

Edozein modutan, ikusteak merezi du.

Dokumental hau gustora luzatuko nuke, aurrehistoriatik hasita, lehen jainko maskulinoen asmatzearekin, Ama Jainkosaren alboratze paraleloa (nahizta amabirjin bihurtu), Amerikaren deskobrimentua, bakunak edo txertoak, Hussein...

Badakizue baina, beldurrik ez!

Gloria Fuertesi behinola entzun nion:

Dicen que llueve
y nos están meando

Egia errepikakorra historian.

Ondo izan

Haize bolada oso atsegina izan zen, ezpairik gabe barrenean saudadeak astindu zizkidana. Lisboan urtebete egin nuen 96ko Urritik 97ko Irailera, motz samar gelditu zitzaidana.

Handik saudadeak ekarri nituen. ORTOZIK hasiera mezuan portuguêsak sentimendutarako daukan hiztegiaren deigarritasuna aipatzen nuen, obrigado obligado jartzean. Obligaturik sentitu nuen nere burua inoiz, gero eskerronez egoteko. Bitxia.

Hitz edo kontu xelebre batzuk komentatuko ditut orain ditudan saudadeak hiltzeko. Gaurkoan, saudade bera, hurrengoan maitemindu, ligatu, maitatu eta horrelakoak desberdintzeko erabiltzen dituztenei buruz idatziko dut, edo hizkuntza zoragarri honen beste konturen bat.

Saudade, batzuk nostalgia, herri-min edo zerbait gogoratzean sortzen den tristura bezela itzultzen dute. Nik ez dut batzuk tristura eta melankoniarekin egiten duten lotura esturik somatzen, baina hainbeste portugaldar herritik kanpora egonda...Han egon nintzen garaian 10 bat milioi pertsona inguru ziren estatuan bizi zirenak, eta 4 bat milioi kanpoan, Europan, Amerikan, Afrikan edo Asian. Hala eta guztiz, saudadea ez da urruntasuna, iraganeko gertutasuna baino.

Fernando Pessoak horrelako zerbait idatzi zuen:

    Saudades so portuguêses conseguem sentir bem
    Porque têm essa palavra para dizer que as têm

Hau da, saudadeak portugaldarrek bakarrik sentitu ditzaketela ondo, dauzkatela esateko hitz hori daukatelako. Politta, baina nere ustez sentimenduekin hizkuntza guztiak mugatuak dira, gehiago edo gutxiago. Hitza ez izanagatik, sentitzeak bere tokia du.

Sentimentuetan hitzak motz.

Pertsona batetaz ere eduki daitezke saudadeak. Aspaldi ikusi barik egonik, egon, ikusi eta berarekin tarte atsegin bat pasatzean matando saudades zaude.

Blogean bideo bat sartzeko praktikan aurkitutako ñoño xamar honetan irakurri dudan esaldi batek sentimenean erresonantzia bezalako bat eragin dit. Bai, hori, hori: Saudade é a certeza de ter vivido e sentido o que algum dia, em algum lugar nos marcou pra valer. Saudadea inoiz sentitu edo bizi izan dugunak era berezian markatu izan gaituenaren ziurtasuna da. Era berezian jarri dut, pra valer hori zelan itzuli jakin barik, balio izateko, probetxurako, baliotsua bilakatzeko...

Ventos de Saudade

Avante!!

Bizilekua, ohea eta osasuna

Zuhaitza gure etxea bada, eta etxe osoa OIKOS, ekonomia eta ekololgia hitzen erroa, eko-LOGIArekin harremana, zuzena.

Gai hau sakondu aurretik ez nuen uste osasunarengan daukan eraginaren laurdenik izango zuenik. Inoiz ez da faktore bakarra, baina gaixotasun grabeetan ia beti aurkitzen dira tokiak baldintzaturiko faktoreak. Eta hauek, hobetu egin daitezke beti. Ohearen kokapena faktore izugarri garrantzitsua da eta askotan nahikoa izaten da distantzia labur batez lekuz aldatzea hobekuntzak igartzeko.

Osasunaren baitan larruazalak muga bat ezartzen du. Osasun arazo baten aurrean bi estrategia daude, bata mintz horretatik barrura (elikadura, psikosomatika, ariketak...) eta bestea kanpora, ingurunea, bizitokia, lantokia, etxea, ohea.... Azken hauen azterketan oinarritzen da geobiologia, hau da, tokiko faktoreek osasunarengan duten eraginean. Beste kontzeptu batzuk ere hedatu dira kontu berdinei buruz jarduterako orduan, bio-bizigarritasuna (biohabitabilidad), domobiotika, baubiolgie, habitataren medikuntza eta abar.

Zientzia hau, izendapen honekin XX. mende erdialdetik aurrera ezagutzen da.

Hastapenek Alemaniara garamatzate, 1930ean Gustav Von Pohl erradiestesian trebatutako aristokratak aurkitutako erlazio bitxi bezain zitalera. Bavariako Vilsbiburg herrian batipat, atzetik alkatea eta beste lekuko batzuk zituela, herritik ibili zen plano gainean energia teluriko nabarmenak zituzten etxeak markatuz (ur korronteak batipat). Paraleloki, herriko medikuek minbiziz hildakoen zerrenda beraien helbidetan lekutu zituen. Bi ariketen berdintasun maila %100 ekoa izan zen.

Gero, zientzialari ugari izan dira tokiaren eta inguruaren baldintzen eragin desberdinak ikertu dituztenak, hauetako asko, medikuak. Aipatzekoak, Ernst Hartmann, Manfred Curry, Pierre Cody, Picard, Belizal, Käthe Bachler, Robert Endrös, Blanche Merz, Zurn eta abar luze bat.

Hauek guztiek, milaka kasu ikertuta, bizitokia eta bereziki ohearen kokapena, osasunarekin lotu zuten, tokiaren irradiazio energetiko ezberdinak neurtzen.

Esan bezala, GEO Lurra da, BIOS, bizitza, bizidunen multzoa. Beraz, zientzia honek gure planeta, amalurra, eta bizidunen arteko harremanak aztertzen ditu. Batzuk Kosmobiogeologia kontzeptua erabiltzen dute, bizidunak lurra eta zeruaren artean kokatuz. Heliobiologia deituriko alor zientifikoa ere ezagutzen da, eguzkiaren jardun aldakor eta ziklikoak klimarengan eta bizidunengan eragina baitu.

Naturak ezartzen dituen baldintzen artean energia telurikoak edo Lurrarenak aipagarriak dira. Lurrak bere azaleran eta bere barruan dauzkan aldagai ezberdinen arabera sortutakoak dira. Natura aldagaiekin jarraituz, atmosferako ezaugarriak (klima, airea) eta eguzkiaren jardueraren eragina (ekaitz magnetikoak, irradiazio fenomeno ziklikoak...) gehitu behar dira:

• eremu magnetikoa
  
• aldagai geofisikoak: falla, fisura, diaklasa, estrato ezberdinak...
• lurpeko ur korronteak
• erradiaktibitate maila (gamma, radon gasa...)
• energia kosmoteluriko saretuak: sare globala (Hartmann, Peyré, Benker…), sare diagonala (Curry)
• tximinia kosmotelurikoak eta vortexak
• airearen ionizazioa (itsasoa, basoak, etxebarruak...)
• ekaitzak, eta aireko elektrizitatea

 
Energia telurikoei buruzko ezagutza aurre-historiatik datorkigu. Trikuharriak energia hauen arabera lekutzen ziren.  Elizak, baselizak edo katedralak ere energia hauen arabera "matematikoki" egokitzen ziren. Arkitektura sakratua.

BIOS horren barruan bizidunen multzoa daukagu, tartean Homo sapiens izeneko bat. Espezie berezi honek gauza zoragarri asko egiten ditu. Beste batzuk ordea, zorabiagarri ere, bere osasunarengan duten eraginagatik:

• Giza gorputzean eragiten duten eremu elektromagnetiko ezberdinak (50 Hz instalakuntza elektrikotan ELF uhinak, RF uhinak mugikor eta kablebako sistemena, DEC kablebako telefonoak, wifi, Bluetooth...)

• Kaleko airearen kalitatea, CO maila, airearen ionizazioa (landaretzaren egoera...)
  
• Etxe barruko airearen kalitatea
• Eremu magnetiko naturalaren aldatzea (askotan eraikuntzako burniagatik edo ohearenagatik)
  
• Kutsadura kimikoa
• Formen energiak
• Eraikuntza materialetako toxikoak eta erradioaktibitatea
  
• Landaretzarekin harremana
• Uraren kalitatea

Faktore hauetako asko neurtzeko tresna edo gailu ezberdinak erabiltzen ditugu: geigerra, ion kontatzailea, voltimetroak, magnetometroak, RF neurgailuak. Energia kosmotelurikoen neurketarako, lehendabizi, erradiestesia erabiltzen dugu eta gero froga eta esperimentu ezberdinak.

Aipatu faktore hauek, banaezinak dira berez, eragin ere batera egiten baitute. Hemen, paradigma nagusi den pentsamolde analitikoari faboretxo bat egiteagatik batzuk zerrendatuta banatu dira (faktore gehiago ere egon badaude), eta horrela, gure ulermena hobetuz, baina beraien arteko lotura anitzak eta konplexuak dira eta globaltasuna ere ulertzeko beharra dago. Interferentziak, erresonantziak, sinergiak eta beste erlazio mota asko sor daitezke, tartean, pentsamenduen eta intentzioen energia sartu beharra daukagu.  Hau, beste baterako.

Gizakiak bere baitan ere faktore ugari kontrola ditzake: elikadura, ohiturak, harremanak, energia kontsumoa, aberastasun banaketa eta abar...ekologiarekin lotu beharrekoak.

Eta garrantzitsuena:

bizipoza!

Ez dut jakin pluralean, “beldurrak”, edo “beldurra” singular determinatua idatzi. Biak daude egon, baina ez dakit beldurretan, pluralaren barren barrenean, heriotzaren beldur singularra ez ote dagoen. Asko dira heriotzaren beldur ez direna diotenak, sofritzearena baino. Ez diet erabat sinisten. Baina hori sinistera heltzen badira, horrela izango da.  Siniskeria eta beldurra.

Ukaezina dena, beldurraren erabilpen bortxatzailea da. Beldurra, gizartea eta pertsonak kontrolatu eta manipulatzeko erabilia izan da, eta da. Berdin du estatubatuar “aske” izan edo kristau katoliko, kamikaze musulman, taliban drogatu, gudari nazional, subdito enpatxatu, demokrata konbentzitu edo kapitain frustratu.

Maquiavelok bere “Printzipea” izeneko lanean erabilpen honi buruz maisuki idatzi zuen. Eredugarri benetan. Harrigarria, filosofo florentziar hau hain jarraitua izaki, inork ez gehiago famatzea edo “Nicolas Maquiavelo” sariketarik ez antolatzea. Ah! Baina ezin da, ez ote du printzipeak eragindako beldurra arriskuan jarriko! Beraz, nahiz eta munduko agintari asko eta asko jarraitzaile finak izan, ezin publiko egin...BOTEREA GALTZEAREN BELDUR edo.

Horrela, beldurraren beldurraz, beldur eragile dira, terrorista alegia; baita gezurti profesional ere. Baina ez dute horrela sekula esango. Segurtasun, babes, askatasun, progresu, gaizkileen etsai, terroristen etsai, terrorismoa, terrorismoa, terrorismoa, terrorismoa, terrorismoa, demokrata eta horrelako hitzak erabiliko dituzte masssssmediatan aritzean. Gero, kontrolatu beharraren beharraz, RFID bezelakoak sartuko dizkigute edo uhin ezberdinen bitartez gure adimena manipulatzen saiatuko.

Beldurrari buruzko poema moduko bat aurkitu nuen sarean behin, temía estar solo hasten zela. Itzulpena egiteko ez dut larregi pentsatu, beraz zuzenketak eta bertsio hobeak onartzen dira, era honetan, beldurrarren aurka arituko gara  :

 nere burua maitatzen ikasi nuen arte 

hutsegiteko beldur nintzen
hutsegitea ez saiatzea zela ulertu nuen arte 

nitaz usteko zutenaren beldur nintzen
edozein modutan ere nitaz zerbait usteko zutela ikasi nuen arte 

onartua ez izatearen beldur nintzen
 nere bururarengan sinistu behar nuela ulertu nuen arte 

minaren beldur nintzen
hazteko beharrezkoa denaz konturatu nintzen arte 

egiaren beldur nintzen
gezurren itsusikeriaz ohartu nintzen arte 

heriotzaren beldur nintzen
bukaera baino, hasiera dela ikasi nuen arte

gorrotoaren beldur nintzen
ezjakintasuna besterik ez dena ikusi nuen arte 

erridikuluaren beldur nintzen
nire buruari barre egiten ikasi nuen arte 

zahartzearen beldur nintzen
jakituria egunetik egunera gehitzen nuela gogoratu nuen arte 

iraganaren beldur nintzen
gehiago ezin mindu ninduela ulertu nuen arte 

iluntasunaren beldur nintzen
izar argiaren edertasunaz jabetu nintzen arte 

aldaketaren beldur nintzen
tximeletarik ederrenak ere hegan egiteko metamorfosia behar zuela ikusi nuen arte 

maitasunak
beldurra aldentzen du eta beldurrak
maitasuna
eta ez maitasuna bakarrik
baita adimena
ontasuna
 eta
egia eta edertasunaren pentsamendu oro ere
 
etsipen mutua gelditzen da
azkenik beldurrak
gizatasuna bera ere uxatzen duela
 
Bizitza biziz bete deigun
eta erortzen bagara, gero beti gehiago dagoela ez dugu ahaztuko

bukaerarik badago, zoriontasun osoa da eta

- Pablo Ciappa -
 
 

Beldur bako egun zoriontsua pasatu!

Hau idazten horrela nago, oinutsik. Oinak lurrean izateko modua, hau da. Fisikoki, besterik ez dago.

Ibiltzeko, egoteko, pentsatzeko eta beste gauza askotarako jarrerarik onena iruditzen zait. Ibili banoa, ortozik.

Kalamuatik Txargainera errez helduko naiz. Abiatu eta berehala Garagoittiko orakulua bisitatuko dut, bidean aurrera joateko aholkuren bat edo beste, edo hobeto, oinazpi eta oingain hutsetan masajetxo bat jasotzen badut.

Ingelesen hilerrian ezer galdu ez zaidan arren, hizki hauek blog bezela izana lortu aurretik orakulazio prekozak hara bialdu ninduen, tea hartzen egoten ei den Arrateko Amaren bedeinkazioaren bila. Eta gaiñera, maddalen nondendaki.tag

Teknosexua zer den asmatu ezinda nago, baina benetako sexurik badu, zapata eta galtzerdi barik nahiago. Berga-etxe non dago? E-gor eta e-tsu, e-tiam, e-rral, e-mail baten irakurtzen. Leo-cane me e-cutum? Markos, zer e-te da hau? Volgako batelean mantapean ortozik, sarearekin sarein?

Hartutako bidean, ez dakit sexua baino “dantzing” gehiagorik egingo dudan, esan behar ordea, inoiz ikusi ditudan dantzarik polittenak oin hutsetan egin zituztela.

Eibartik, handik edo hemendik, prospektiba ere horrela praktikatuko dut.

Harrikadak errez botako ditut, oin-biluzik egoteak ez baitu besoetako indarrik kentzen. Harrokadarik ez dut espero, usteetan ausardia piskat eta nolabait harrotasuna bera ere, sarritan beharrezkoak izan arren. Beldurrik eza bederen.

Aurkezpen oin-jantzibako honi bukaera emateko eskerrikasko esan behar dut. Blog honen sorrera Eibartarrak zerrendari zor zaio (eibar.org). Eskertzeko daude bereziki, zerrenda honetan nire hitzen kontra biziki aritu direnak, AHT gogora etorrita, Amatiño, Imanoltxu, eta Josulin agertu zaizkit hortxe, gogoan. Obrigado (portuguêsa maite dut, eta sentimendutarako duen lexikoa deigarria da). Baina gehiago ere izan dira, batzutan eztabaidan, bestetan galdetzen, edo artxiboren bat trukatzen edo komentatzen (onlain eta offlain, orsai?). Txaparen bat edo beste ere hor joan da, badakizue, jasan dituzue eta. Obrigadinho, Leireño andereño, Oiertxu denak, Ele-ninha, Luix-ninho, Txistosinho, puntu G-arinho, Sera-fiñ, tokalhinho Saratsue(g)iaga Asierzinho, Ene...kitto enekultu ene maite kattalin, Mikelin, Mitxelin, o grande Markzirkus, Xaber-dinho... Zerrendako norbanako guztiei ere, ehun eta piku ez zarete sartzen...hori, muito obrigado...eta...urrezko obrigadinhoa... tantatatxan ...Martxeliñori: paaaaá, nik idatzitakoa gogoz irakurtzen zuen norbait bazela jakinarazi zidan aurrenekoa bera izan baitzen.

Gerora, beste banaka batzuk ere, nere hatzaparrek pareko pantailatxoan sortutako hitzekin gozatua hartu zutela jakiteak idazten jarraitzeko gogoa hazi zidan.

idazteko
arrazoia da

irakurlea

ez badago
lan hobea da

irakurtzea

Ortozik jarraituko dut, irakurlea irakurtzen...edo xalxeatzen.

Asier Arregi