Ortozik

2002ko urtarrilaren 8an, Pedro Erquiciaren Documentos TV saioak Contracorriente izeneko programa prestatu zuen, kutsadura elektromagnetikoaren eraginei buruzkoa.

Zentsuratua izan zen.

Hilabete batzuk beranduago Valladolideko neskatxoetako bat hil zen.

Nahiz eta gobernu aldaketa egon eta TVEko ekipoa aldatu, programak ez du argitara biderik izan TV publicoan.

Zein da arrazoia, osasun egoera on bat izateko higiene elektromagnetikoaren beharra izkutatzeko?

Maila handiko zientzialari, mediku eta adituak datoz, esanguratsuenak:

Pedro Costa Morata, Telekomunikazioetako ingeniaria eta Soziologoa. 1998ko Ingurumeneko Sari Nazionala. Nazio Batuen eta Unescoren aholkularia. Telekomunikazioen Goi Mailako Eskolako irakaslea.

Jose Luis Bardasano Rubio, Ikertzailea, glandula pinealean eremu elektromagnetikoen eragina mundu mailan gehien ikertu duenetako bat. Alcalá de Henareseko Medizina Fakultateko katedraduna. Espezialitate Medikuen Zuzendaria, Bioelektromagnetismo eta Osasun Zientzietako Fundazioko lehendakaria.

Ceferino Maestú Unturbe, medikuntzan doktorea. Bioelektromagnetismoan espezializatua. Madrileko Unibertsitate Politeknikoko Telekomunikazioen Goi Mailako Eskolako irakaslea.

Alberto Arrate Ormaetxea, gai hauetan arlo juridikoan aditua den abokatu eibartarra.

Beste hizlari batzuk ere izango dira, Emilio Mayayo Artal doktorea (patologoa eta RF frekuentziadun eremuen eraginaren ikertzailera), Iosea Girbau (ingeniari teknikoa), Pilar Ollo Luri (abokatua).

Bestalde, erradiazio elektromagnetikoak mapatan lekutzeko Tagzaniaren erabilpena proposatuko du gure GEA elkarteak. Horretarako, Patxi Gonzálezek, GEAren ibilbidearen errepasoa egingo du eta nik GEORAD etiketa edo tagarekin, Tagzanian neurketa elektromagnetikoen datuak sartzea proposatuko dut, oraindik berde xamar dagoen proiektuaren lehen pauso bezala. Horretarako, adibide bezala, atzo Basaurin izan nintzen pare bat neurketa egiten, bata gela azpian transformagailua zuen haur-eskola beten eta bestea, telefono antena potente batzuren inguruan, balore altuekin biak.

Ohartxoa: sarean ez dut jardunaldiko programaren pdfrik aurkitu. Norbaitek interesik badu, e-mailez Kontaktuan eskatu eta bidaliko diot.

Printzipio honek mugitzen gaitu.

 
ETAren akzioari erreakzioak PSOEri garaipen oparoa eman dio, baina batipat euskal herrian; espainialdeko igoera, gehiago da PPren iraganeko ekintzei, kanpainako hitzei eta ekintza potentzialei erreakzioa, IUren bizkarrera.

Espaiñia faxistenaren akzioek, PP edo PSOE dela, ilegalizazioa kasu, HB zenaren indartzea edo metatzea dakar. Erresistentzia. Baina berez, horrelako akzio batek erreakzio zabal eta orokorrago bat eskatzen zuen (planto demokratikoa eta benetako greba orokorra) eta eman ez bada, aurreko akzio-erreakzioen eragina izan da, hau da, ETAren eta ezker abertzalearen akzioetatik abiatutakoena.

Ilegalizazio barik, Aralar bezelako alderdi batek garapen aukera gehiago izango lituzke, Batasunarekin aukera berdinetan, ETAren ekintzak egonik. Alderdi hau, desagertzera kondenaturiko ezker abertzalearen barne erreakzioa izan da, bertikaltasunaren akzioei erantzunez, nere uste apalean.

Torturak, amorru latza sortzen du inguruan eta erreakzio bezela, gazte gehiago borroka armaturako prest egotea sortzen du, bildurtu barik, oldartu.

Zapaltzen bagaituzte, jeiki egingo gara.

Egunkari bat ixtean, hurrengoa indar gehiagoz pizteko gogoa, animoa eta kemena sortzen dira, horrelakoak Gara indar Berriaz. 

Erreakzioak kalkulatu egin daitezke, ETAk bere akzioarekin egingo zuen bezela, PSOE indartuz. Zertarako? Berriz esertzeko, negoziatzeko? Baina zeintzuk dira erahilketa baten sentimen erreakzioak?

Hainbeste erreakzioz, gizartea erre egin da eta negoziatzeko ezer badute, armak uztearen akzioz, presoen egoera latzari irteera erreakzioa izango da.

Abertzaletasuna zikindu egin da, akzio-erreakzio jarrai eta luzeek beste efektu eta tendentzia batzuk bideratzen baitituzte. Martxa honetan, inoiz autodeterminazio eskubidea lortuta, benetako hauteskundeak galtzea izango da ondorio. Patxi lehendakari eta Espainiako subdito izaten jarraitu.

NIRE EZKER ABERTZALEA

Nire burua ezker abertzalekotzat daukat, baina ez daukat alderdirik, eta ez bata legez kanpo dagoelako. Gehiago, ezkerrik inon ikusten ez dudalako edota Batasunaren baitako nirekin-edo-nire-kontra jarrera errepikatuak atzerakada handia ematen didalako. Gero, Aralarrek ez nau batere konbenzitzen, nahiz eta Patxi Zabaleta asko estimatzen dudan.

Bestalde, ezker abertzalea, Euskal Herriko joera nagusia bihurtzea errez ikusten dut. ETAren eragin txarrenetan, 100.000 bozka inguru lortu izan ditu (artalde egonkorra) eta eragin onenetan (akzio barik) 200.000tik gora eta igotzeko potentzialaz. Kopurua goraka joateko ilusioa behar da, ETAren akzioek erreakzio bezala uxatzen dutena.

Behin ilusioa berreskuratuta, garapen modeloa landu beharra dago (ekonomikoa, soziala, kulturala...), alderdietatik aparteko funtzionamendu demokratikoak bultzatuz, auzo eta herri mailatik hasita, eta...lan egin.

 Asteburu honetan EHNEk antolaturik transgenikoei buruzko jardunaldiak daude Derion.

Bestalde, Greenpeacek “Guía roja y verde de alimentos transgénicos” plazaratu du. Hemen pdf bezela jeitsi daiteke. Begirada bat botatzeak merezi du, produktu ezagun ugari, gorriz.

Transgenikoei buruz gauza asko esan daitezke. Baina laburbilduz, naturan milaka urtetan eta selekzio ebolutiboz ematen diren aldaketen antzekoak, oso denbora laburrean egiten dira, hazi berriak ekoiztuz.

Espezie berriak sortzen dira, ia beti, multinazional baten produkturen bati edo gehiagori dependentzia dutenak, fitosanitario konkreturen bati edo dena delakoari.

Oraintsu arte existitzen ez zirenez, gainontzeko izaki biologikook ez daukagu horien kodetutako informaziorik. Hau da, organismo biologikook eraren baten gure aurreko belaunaldiek jan dutenaren informazioa daukagu, horrela, gure organismoak, automatikoki detektatzen ditu elikagai ezberdinak, berauek digeritzeko informazioa baduelarik (isuri beharreko azidoak, entzimak eta abar). Momentuz, ez dago osasunaren aldetik transgenikoak arriskutsuak direnaren froga nabarmenik, baina zer egiten den kontutan izanik, hauen elikagarritasuna zintzilik edo guztiz erorita ikusten dut.

Ingurumen aldetik sor ditzaketen desoreka eta efektu ezberdinak ezin dira aurrikusi, eko-logikatik at daude eta kontrolatzeko oso zailak izango dira eta dira. Kutsadura gurutzatuak errez sor daitezke, eta kolonizazioak, biosistemetan eraginak, eta auskalo zer. Beraz, zuzenean negozioarekin lotzen den bioteknologia honekin...zuhurtzia osoa behar.

Transgenikorik ez!!

Txapeldunak blogetik ostua.

Info gehiago (consumer aldizkaritik)

Aurreko Ez naiz demokrata izeneko bogeko sarreran hauxe idatzi nuen: 

Euskararen etsaien beldur bakarra, euskaldunon biltzea da. Hortik kanporako guztia, errentagarria.

Egoera normalizatu bat izan arte horrela izango da.

Eta ziur naiz, auzi honetan Euskal Herria izeneko izanarentzat NaBai eta EHBai izan direla jazoerarik pozgarrienak. Edo beste era batean esanda, euskararen etsaientzat eta Espaiñiar eta Frantziar nazionalistentzat gertaera mingarrienak horiek izan direla. Batzuentzat, gogorra edo ezinezkoa izango da onartzea, beste batzuentzat, astakeria galanta heriotz saminetik hain gertu, baina ostiraleko erailketak, ETAren jardunak eta egon den abstentzioak, Espaiñia Batuaren aldeko efektua izan dezakete, izan ez badute jada.

Atzo gauean Marian Beitialarrangoitiaren mitina tristezia puntu batekin entzun nuen ETB1en, bere ustetan, edo hitzetan bederen, Euskal Herriak abstentzioaren bidez salbuespen egoera era garbian salatu baitzuen.

PSOEren euskal emaitzak ezagutuko ote zituen ordurako, Nafarroako mapa edo Iparraldeko egoera...ala aurretik idatzitako sermoia irakurtze soila egin zuen?

Horrelako irakurketak eginez eta sinistuz, gatazka bere gordinenean luze mantentzeko bideak zabaltzen dira, gatazka leundu eta arintzeko denboretan.

Martxa honetan, inoiz autodeterminazio eskubidea lortu edo aitortu ezkero, independentziaren aldeko botua ez da %20ra helduko (gaur egun ere, toki askotan larri) eta armaz Euskal Herria defendatzen dutena diotenek erantzunkizunak izango dituzte, nahiz eta hauentzat errudunak beti besteak diren, zehazki, PNV española, EA ustela eta Aralar traidorea. Beraien ekintzak sakrosantuak dira, helburu sortzez garbidunak eta gudari-burkidetasunaren bedeinkazioz.

Ez dituzte txarto egindakorik onartzen, egindakoa, beti ondo, eta artalde haundi bat atzetik zuria, grisa edo beltza onartzeko prest. Edozer. Baina txarrena, Espaiñiaren batasuna helburu dutenak estratega hobeak direla, eta eskrupulu barik, bere ekintzetan, torturak, albora begiratzen duten epaileak (poder judicial), sumario garzonianoak, egunkariak ixteak, eta abar erabiliz.

Zein demontre ari da Euska Herriaren alde? Zein alderdiaren alde eta zein gatazkaren alde?

Beste era batera, nor bizi da gatazkaz, nor lorpen politiko-ekonomikoez?

Euskal Herriaren aldekoak, euskara hizkuntza bezela handitzen dutenak eta aurreko bi taldeetan ez daudenak dira.

Campaña Elecciones 2008

Nuevo partido de la Casa Sana

Para resolver la especulación inmobiliaria

Después de tanto debate, análisis y contra debate, no hemos oído a ningún candidato que prometa resolver el más grave problema de este país, la especulación inmobiliaria.

La especulación inmobiliaria es un problema tan grave, que hace falta que expertos de la UE y de la ONU vengan a tirar de las orejas al gobierno ante el escándalo del precio de la vivienda, que supera el 500 % de su valor real.
Recordemos que “especulación” significa conspiración para alterar el precio de las cosas”. Y la especulación del suelo existe gracias a la complicidad municipal, y la corrupción política generalizada.
 
El Caso Fuenlabrada
La pasada primavera ha sido noticia, un promotor de Fuenlabrada que demuestra con hechos que, es posible construir viviendas sociales de tres dormitorios, garaje, trastero y piscina, por 80.000 euros (IVA incluido), o sea cinco veces menos que los precios de mercado que ya rondan los 400.000 euros.
El promotor de Fuenlabrada, llamado “el Robin Hood de los pisos”, el gestor de cooperativas José Moreno (alias el pelucas), lleva tres lustros haciendo casas baratas, se considera satisfecho de los beneficios justos obtenidos, y dispuesto a una nueva promoción a precios de coste reales, no precios especulativos.
 
Nuevo partido de la Casa Sana
Porque creo que “otro mundo es posible”, propongo la creación de un nuevo partido de la Casa Sana. Un partido transversal, para resolver la especulación inmobiliaria, y por el “derecho a una vivienda sana”. Quizá convenga reformar la Constitución Española y añadir algunos Derechos Fundamentales:

Derecho al sol (sin ozono, sin cáncer).
Derecho al aire limpio (fresco, limpio y puro).
Derecho al agua corriente (fresca, de manantial).
Derecho a la tierra (finca, solar, heredad).
Derecho a la vivienda (sana, digna, precio justo).

Klase politikoari egurra ematen jardun dut pare bat mezutan, zerrendan eta baita blogean ere, baina egia esan, salbuespen zoriontsuak ere badaude. Gutxi. Eta gehienetan, baztertuak, dimitituak, gaixo edo erre-erre eginda bukatzen dutenak.

Bertsolariak zioen moduan, politikan ez da gauza politikan, eta horretara, politiko jarduna ogibiderik gogorrena begitantzen zait. Zintzotasun minimoa edota kontzientzia minimorik izan ezkero, sofrimentu latza baitakar atzetik.

Askatasun indibiduala galtzen da, partidua, goi-buruzagitza, erakundea, multinazionalaren "kazoa", promotorarena edo bestela mehatxuak handik edo hemendik...Beti presioak era jakin baten jokatzeko, gizur jakin bat esateko edo fabore konkretu bat egiteko.

Beraz, intentzio onenekin patata ustel horretan sartzen direnei, zorionik onenak. Egiteko asko dago eta.

Hau idatzita, bapatean, Arnaldo Otegi, Adolfo Suarez, Carlos Garaikoetxea, Patxi Zabaleta eta Gerry Adams agertu zaizkit gogoan, zelako kuadrilla! Ez galdetu zergatik...

Eibartarrak zerrendan sarritan jarri dut demokrata ez naizena, eta atzoko demokrazia showaren ostean berretsi baino ezin dut egin. Hasi aurreko countdown, lehenengo hamar minutuak eta ezken hamar minutuak ikusi eta entzutea tokatu zitzaidan. Nahikoa eta sobera. Pasapalabra edo Mihiluze moduko bat hobeto, bai horixe.

Demokrazia hitzaren esangura aldatzeko eskaera egingo nioke españoltzaindiariari, R.A.E. delakoari, hau dio eta:

democracia.

(Del lat. tardío democratĭa, y este del gr. δημοκρατία).

1. f. Doctrina política según la cual la soberanía reside en el pueblo, que ejerce el poder por medio de representantes elegidos por sufragio universal.

2. f. Sistema de gobierno fundado en esta doctrina.

~ cristiana.

1. f. Movimiento político que aúna los principios democráticos con algunos postulados de la doctrina y el pensamiento social cristianos.

~ orgánica.

1. f. Sistema de gobierno que, en España, sustituía el pluralismo sindical y político por la propuesta de una cohesión nacional fundada en la familia, el municipio y los sindicatos verticales.

~ popular.

1.      f. Sistema de gobierno de los regímenes políticos de inspiración marxista.

Edo gutxienez, aldaeratan gaur egungo zirkoa definituko duen adjektiboren bat gehi dezaten, hitzaren ez hainbeste prostituitzeko, subirautzarik herrian ez dago eta. Gehiengoa lor dezaken alderdi politiko bakoitzaren atzetik makineria erraldoia dago, prentsa taldeak, bankuak, arlo ezberdinetako enpresa eta multinazionalak eta abar. Subirautza beraiena da, herria, lau urtean behingo tresna.

R.A.E.rako proposamenak:

~ telefascista.

~ engañosa.

~ mediática.

Espainiar demokrazia (~ nahiduzuena.) honek Euskal Herriarekiko duen politikan, PP, PSOE berdin da. Biak gauza askotarako gai izan dira, zein baino zein. Izan ere, euskaldunon aurkako estrategiak diseinatzen, itzalean, Frankoren garaitik hona, kupula berdina dagoela uste dut, gobernu bakoitzaren ahaleginak jar ditzakeen ñabardura  batzuk salbu. Batallonvascoespañol, GAL, torturak, dispertsioa, Egin ixtea, Egunkaria...neurona talde berdinak sortua da.

Txarren txarrena, sarriegitan, euskal eragile politiko nagusiak talde honek diseinatutako estrategien protagonista xuxenak direla. ETAtik hasi, Batasuna, Aralar, EA eta PNVraino (beltzez estrategian paper nagusiak hartu dituztenak). Bakoitzaren kontribuzioa ezberdina izan daiteke, baina gehiago edo gutxiago, denek partehartu dute estrategian, nahita ala ezjakinean, bakoitzak jakingo du.

Euskararen etsaien beldur bakarra, euskaldunon biltzea da. Hortik kanporako guztia, errentagarria.

Duela lau bat urte ezagutu nuen Carlos Requejo. Pertsona bizia, laguna, zazpiki xamarra, eta gaian aditu eta aritua.

Bizilekuaren kalitatea edo bizigarritasuna aztertzen duen disziplina definitzeko, berak, domobiotika eta domoterapia hitzak osatu zituen. Geobiologia, inguruko erradiazioen azterketa, habitataren medikuntza, baubiologie, bio-bizigarritasuna edo etxe osasuntsuaren kontzeptuak erlazio zuzenean daude.

Besterik barik, honatx elkarrizketa:

DNA apurketak, arratoi zeluletan denbora luzez RF uhin digitalen eremu elektromagnetikopean jartzean. Vienako Unibertsitateko Lanbide Medikuntza Saila – 2005eko ekaina.

Genotoxikoa, mitokondria genoman (amaren herentzia), eta nukleo genoman eragina. Hunter Medikuntza Institutua, Newcastle, Australia – 2005eko ekaina.

Ehunen oxidazioagatik giltzurrunetan kaltea, 900 MHztako uhin digitalekin. Markatzaileen gehitzea plasma eta gernuan, zelulen entzima mekanismo oxidatzaileen gutxitzea (dismutasa superoxidoa, katalasa eta glutation peroxidasa). Archives of Medical Research – 2005eko ekaina.

Epidermisaren atrofia, zelula basalen gehitzea, hipergranulosia. Toxicology and Industrial Health.

35 proteinaren eraldatzea giza endotelio zeluletan GSM900 uhineki. Finlandiar ikertzaileak, Radiation and Nuclear Safety Authority, 2004 Proteomics.

Giza fibroblastotako DNA apurketak, 1.800 Mhz era intermitentean, 24 orduz. Vienako Unibertsitatea.

915 MHz tan giza linfozitoek bere kromatina kondentsatzen dute, biskosoago bihurtuz, zelulen aktibotasuna murrizten delarik. Beroaz, efektu berdina lortzeko 41ºCtan jarri beharko lirateke (linfozito beroak). Stockholmoko Unibertsitateko Genetika Departamentua (Bioelectromagneticsen argitaratua)

Aneuploidia, genotoxikoa giza linfozitoak 830 MHztan. Tel-Aviveko Unibertsitateko Medikuntza Molekular eta Giza Genetika Saila

Giza plaketak minutu gutxi batzutan 900 MHztako eremupean estres oxidatzailea jasaten dute. Gorputzaren alterazio sistemiko ezberdinen iturburu izan daitekena.

Datuok, 2005ean Manuel Portolés ikerlariak kaleratutako bi artikulutatik ekarriak dira. Levante digitalen argitataratu zituzten baina ez dut albisteko orrira loturarik aurkitu. Urteak ere pasatu dira eta egun, ikerketa gehiago eta hobeak daude.

Ikerketen artean kaltegarritasunik ez dagoena diotenak ere badaude, baina kasualitatez multinazionalek diruz lagundutakoak dira, eta ikerketen ondorioak diru-iturriaren arabera desberdinak izatea ez da oso zientifikoa.

Bestalde, interes ekonomikoak izugarri handiak izatean zentsura ere bertan daukagu. Zentsura eta zentsuratzaileak. Hauetako batzuk OMS barruan bertan, Karolinska Institutoko Olle Johanson mediku ikerlariari  gaiari buruzko bilkura internazionalean hitza ukatuz. Ziur hauek medikuntza nobelik jasoko ez dutena.