Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Volgako Batelariak / Durangoko Azokan topatu ez ditudan liburuak

Durangoko Azokan topatu ez ditudan liburuak

Iban Zaldua 2010/12/17 15:31
Iban Zaldua twitteratura pixka bat egiten aritu zen pasa berri diren Azoka egunetan, Durangoko standetan ziurrenik aurkituko ez zituen liburuei buruz espekulatzen; azkenik, asteazkenean Azoka aldetik ibili eta, aurreikusi bezala, nahiz eta temaz bilatu, ez zuen ale horietako bat bera ere aurkitu. Hona hemen, bateratua, Twitter eta Facebook bitartez ezagutzera eman zituen hamazazpi izenburu gertagaitz horien zerrenda.
liburu pila

● Ramon Saizarbitoriaren zortzigarren eleberria, Erein.

● Axular, Gvero, zortziko handian emana, Maialen Lujanbioren edizioa, Klasikoak (remasterizatua).

● Robert Musil, Ezaugarririk gabeko gizona, Alberdania-Elkar, 2 liburuki (literatura unibertsala, hutsuneen zerrenda luuuzea).

● Jon Arretxe, Ostegunak Reloaded, litroak egiteko kit-arekin eta reggaeton CD bilduma batekin, Erein (deluxe edition ilustratua).

● Felipe Juaristi, Argien Mende berria, edo Normaltasunaren aroa, Erein (saiakera philosophikoa).

● Karmele Jaio, Aitaren zangoak, Elkar (kirol literatura, autolaguntza).

● Imanol Galfarsoro, Pirritx eta Porrotx, Errealaren aurka: euskal iraultzarako oinarri lacandar berrien bila, Pamiela (umorezko literatura).

● Tere Irastortza, Kontabilitatea eta kalkulu finantzarioa, Pamiela (isiltasunaren poesia).

● Luis Mari Mujika, Iruña-Veleiako grafitoak eta Hercolubus (edo planeta gorria), Hiria (filologia, zientzia astronomikoak).

● Iñaki Friera,  Aire-kontrolatzaileari ez dio inork idazten, Susa (nobelagintza express, gaur-gaur-gaurko literatura).

● Katixa Agirre, Etxea sutan daukagu, Elkar (112 - SOS Deiak).

● Gotzon Barandiaran, Errealismo sozialistaren teoria eta praktika XXI. mendeko euskal literaturan, Susa (gastronomia, errezeta-liburua).

● Eider Rodriguez, Partidarioa, Elkar (nobela, Pimpinela mode on).

● Uxue Alberdi & Irati Jimenez, Old Moon: Banpiro jubilatuen kontraerasoa (the crossover), Txalaparta (gazte literatura).

● Santi Leone & Kirmen Uribe, Euskal Herri teletubby baten alde, Elkar (manifestua).

● Iban Zaldua, Bihotz oneko morroi baten burutazioak, Alberdania (autofikzioa).

● Gerediaga Elkartea, Erromeria, kalimotxoa eta papera: iritzi-emaileentzako 1001 modu ezberdin Durangoko Azokaz (enegarrenez) idazteko, Gerediaga Elkartea (brikolajea).
 


Post data: tontakeriya hauek Twitter eta Facebooken jartzeak feedbacka ekartzen du batzuetan, eta bi lagunek beren ekarpenak egin zizkioten Durangon topatu behar ez nituen liburuen zerrendari. Hauek dira Gorka Bereziartuarenak:

● Rainer Maria Rilke, Poeta gazte kaskar bati idatziak, Alberdania-Elkar (Ana Urkizaren edizioa, epilogoan eguneroko kontu ttikiez idazteko manualarekin).

● Juanan Larrañaga, Hori da bere jokoa: tautologia irakaspenak kirol kazetarientzat, Alberdania, Zerberri saila.

Eta hau Nerea Arrutirena (nire plagio prebioaren plagioa dena):

● Iban Zaldua, Aitormena: anarkista bat naiz, Alberdania (autofikzioa).

Zer esanik ez, hauek ere ez nituen, bilatu arren, Azoka guztian topatu…

etiketak:
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Volgako Batelariak / Бурлаки на Волге

Literatur inoizkari kosakoa / Казацкий литературный журнал

Moñoñotasuna, zurikeria, bertso-kitsch-laritza, biktimismo orokortua, produktu literario paketatua, euskararen kalonjeen (uler bedi: irakurle militanteen) nagusitasuna, plastidekor-idazleak, malditismo faltsuaz mozorrotutakoak, laurogeiko hamarkadaren (eta aurreko ia guztien) nostalgia... horiek guztiak gaitzesten eta gaitzetsiko ditu inoizkari honek, eta  beldurrik gabe salatuko. Akaso ez dira salagarri eta denbora galduko dugu, baina esan bezala, gogoak ematen dizkigu hala egiteko, dibertitu nahi dugu, eta dibertituko gara. Nahiz eta, funtsean,
eta inork sinesten ez gaituen arren, oso jende serioa garen.

Uxue Apaolaza, Rikardo Arregi Diaz de Heredia, Ibon Egaña, Angel Erro, Juanjo Olasagarre eta Iban Zalduak osatzen dugu kontubernio hau. Erantzunak ongi etorriak izango dira (edo ez), baina beti benetako izen-abizenez sinatuta datozen heinean, eta kolaborazioak ere onartuko ditugu.

Azken erantzunak
Beti geratuko zaigu Symborska, bai (eta ezagutzen ... Juan Garzia Garmendia, 2019/03/22 08:45
Ziurrenik ez naiz ni egokiena poesia liburu batez ... Iban Zaldua, 2013/02/19 18:09
Iruditzen zait, erabat, gehiegi puztu den liburu ... Josu Lasa, 2013/02/16 01:18
12. oharraren parentesia itxita egonda ... Angel Garcia Etxandi, 2013/02/08 21:17
Hori, hori! Txus Imirizaldu, 2013/01/10 14:45
Ez naiz filologoa ezta kritikoa ere, ... Koruko Heras, 2013/01/09 11:19
Aurreko erantzunaren argigarri eta emendagarri ... Iñigo Roque, 2013/01/08 10:46
Fikzio bat da liburua, Iban, baina ez nuke ... Iñigo Roque, 2013/01/07 12:53
Zuen arteko iritzi trukaketa hilaren 12an amaitu ... Angel Garcia Etxandi, 2012/07/30 02:05
Beñat eta Iban. Eztabaidarako gai interesgarriak ... Ibai Atutxa, 2012/07/12 19:44