Telezaborra

Garai bakoitzak bere ezaugarriak ditu telebistan, ikasturte berria hastear dagoen honetan bildumen iragarkiak hasi dira. Badakizue: erlojutxoak, suhiltzaileen kamiotxoak, tailertxoa... Azken boladan miniaturak moda-modan omen daude. Txorradarik haundienak topatuko dituzu. Niretzat harrigarriena tailer mekanikoa da. 60. hamarkadako tailer mekaniko bat egiteko aukera duzu, tresna eta aparatu guztiekin. Eta botilen txapen bilduma???!!!

Jakin nahiko nuke zeinek erabakitzen duen zeintzuk izango diren bilduma berriak.

Badakizue, joan zaitete kioskora eta aprobetxatu la oferta de lanzamiento, primer fascículo y taxi de Nueva York por 2,95 euros.

Nabaritzen da, sozialistak iristi dira TVE ra. Moreno ren Noche de Fiesta kendu ziguten (ezkonduen antzerkiak...) eta orain hasi dira denboraldi berria prestatzen.

Otro estilo es posible esaten dute, Udazkenean izango duguna iragarriz... Julia Otero eta El Gran Wyoming izango omen dira izar nagusiak. Oterorengan ez dut ezer espero, seguruenera elkarrizketak ardatz izango dituen programa bat egingo du, kutsu modelno batekin.

Baina Wyomingek, zer egingo du? Telebista maite dugunok ezin dugu ahaztu duela urte batzuk La 2 en egin zuena, El Peor Programa de la Semana . Programa hura oso ona zen. Baina Quim Monzó idazle kataluinarra eraman zuen platora, honek gauza batzuk esan zituen Espainiako Erret familiaren aurka, eta Wyoming kalera bota zuten.

Gero etorri zen Caiga Quien Caiga ... oso kritika onak izan zituen progama, baina niretzat erdipurdikoa.

Ikusiko dugu.

Olinpiar Jokoak. Atzo jokatu zuen Dream Team ak bere lehen partidua. 20:00ak inguruan izan bazen ere TVE koek diferituan emango zutela banekien, gaueko 1:30etan. Beraz kontuz ibili nintzen emaitza ez jakiteko. Ez nuen irratia entzun eta ez nintzen teletestuan sartu.

Iritsi da ordua. sofan eserita nago, palomitak egin ditut. Programa hasi da... Aurkezlea agertu da zer ikusiko dugun esaten, AEB eta Puerto Ricoren arteko saskibaloi norgehiagoka. Baina bapatean... aurkezle putakumeak, partiduari paso eman aurretik, emaitza esaten du!!!

Oso ondo... partidu bat ikusi nahi dut, diferituan, eta sasi-aurkezle horrek emaitza jakinarazten du partidua emititu baino lehen. Joder!!! Ez da oso erakargarria partidu bat ikustea nork irabaziko duen baldin badakizu.

Eskerrik asko partidua izorratzeagatik.

Bat , gaur hasiko dira Olinpiadak... hilaren 29ra arte pantaila aurrean gozatzeko aukera.

Bi , noiz arte jarraituko dute su artifizialak ematen ETB1 n? Kontxan ikusteko oso politak dira, baina telebistan ez dira batere erakargarriak.

Hiru , mesedez, nahikoa da, aspertuta gaude Carmina la Divinaren heriotzaren inguruko albisteekin!

Noiz jasoko dute barrakek merezi duten onarpena? Gasteizko jaiak gainean ditugula-eta, beste egunean barraketara joan nintzen. Eta esan daiteke, zorionez, eremu horretan ez dela ezer aldatu. Barrakak berriak ekartzen dituzte urtero, dena modernizatzen da, baina funtsean ezer ez da kanbiatzen.

Dena barraka batetan laburbildu beharko banu, autotxokeak aipatuko nituzke. Gerturatzen zarenean, bakalao musika da jasotzen duzun lehen inpresioa. Topera jarrita. Txun txun tatxun.

Eta barrakan bertan zaudenean... makarrak. Autotxokeak beti izan dira herri zein hirietako makarren bilgunea. Esku batean zigarroa eta bestean bolantea... Hor egongo dira, fitipaldirena egiten neskak txunditu nahian... Eta neskek mutil bat edo beste aukeratuko dute... zenbat eta antz haundiago izan Andy y Lucas eko batekin, orduan eta aukera gehiago ligatzeko....

Ai... autotxokeak... zoragarriak...

Eta gogoratu, kartelak dioen moduan, "está prohibido chocar de frente"

Sensación de Vivir gustatu bazitazizun, honekin gozatuko duzu. Ostegun gauetan ematen dute, TVE1 n.

Ostegunean bi kapitulu emititu zituzten. Los Angeles en gertatzen da. Auzo pobre bateko gazte marjinatu bat, auzo aberats batera joango da bizitzera. Arazoak izan zituen polizia eta familiarekin eta bere abokatuak tutorearena egingo du. Abokatuaren emaztea oso aberatsa da, eta haren etxean hasiko da bizitzen.

Gero etorriko dira istoriaren korapiloak... maitasun harremanak, dirua, sexua, drogak.... Pajeroentzako kulebroi dibertigarria.

Bi gomendio...

Ostiraletan El Mundo egunkariak Metrópoli izeneko gehigarria ateratzen du. Ez ezazue galdu azkenaurreko orria. La cárcel catódica izeneko atala dago. Astero Jordi Costa kazetariak telebista aurkezle bat aukeratzen du egurra emateko. Epaiketa moduko bat egiten dio, pertsonaiaren alde negatibo guztiak abarmenduz, eta gero epaia ematen du.

Jordi Costa zabor kulturaren inguruan aritzen den kazetaria da. Mundutxo honetan oso ezaguna. Ez dut berari buruzko asko topatu Interneten... DV n egin zioten elkarrizketa hau eta txat hau

Eta beste gomendioa blog bat da. Webgune txarrak ezagutaraztea da egilearen xedea. Dibertigarria. QuéWeb!

Inoiz ikusi al duzue programa hori? Bakarrik edo du izena. ETB1 n ematen dute, gaueko 1etik aurrera. Flipantea da.

Estepan Aldamiz dugu saioaren aurkezle. Bueno, aurkezle ez ezik erredaktore, errealizadore, kamara... dena da bera. Espaziountzi moduko txiki batean dago. Hortik dena kontrolatzen du. Botoi batzuk ditu, eta hortik pintxatzen ditu kamarak, soinua ere horrela maneiatzen du.

Neska bat ere badago, pantaila aurrean agertzen ez dena, eta berak hartzen omen ditu ikusleen deiak. Izan ere hori da saioaren muina. Estepan ek telefonoz hitz egiten du deitzen dutenekin. Batzutan liburuak eta diskak oparitzen dizkie, eta noizean behin abesti bat jartzen du. Baina bera beti pantailan. Planu bat edo beste jarri, bera baino ez da agertuko.

Aukera baduzue, ikusi ezazue... bost minutu baino gehiago ez duzue iraungo. Baina benetan bitxia da irratiko gauza batek telebistan nola galtzen duen ikustea.

Onenak joan egiten dira, ez dago bueltarik. Ez dute gure artean egon nahi... Azken urteotan, besteak beste, Eugenio , Gila , Mané (VIPen agertzen zen tupeduna), Jesús Gil , eta orain Carmina la divina .

Gozatu egin dugu bere menpekotasun guztiekin. Sekula ez dugu ahaztuko bere yonki aurpegia. Gustatzen zitzaigun esaten zuenean klinika batera zihoala desintoxikazio tratamendua egitera. Atsegin genuen kiloak nola pilatzen zituen ikustea.

Albiste sortzaile bezala paregabea. Komentarista bezala ez zen oso ona, A Tu Lado n ikusi ahal izan genuenez.

Gure Olinpo partikularrean egongo zara. Adiorik ez, Carmina.

Oker ez banago, Telecinco koek egin zuten lehen zapping programa. Jordi Estadella k eta Inma del Moral ek aurkeztuta. Gainontzeko kateak haserretu egin ziren irudi eskubideak zirela-eta eta gutxi iraun zuen. Urte batzuk beranduago Canal + en hasi ziren Zap zap zapping ekin, eta azken urte hauetan, eztanda.

Telebista guztiek eduki nahi dute zapping-programa bat. Oso merkeak dira (ez duzu telebista-platorik behar), eta audientza datu onak lortzen omen dituzte.

Denak oso antzekoak dira, baina nik Telecinco ren Visto y no visto azpimarratuko nuke. Gehienbat, kate horren urrezko garaietako programa askoren zatiak ematen baitituzte. Visto en du izena atal horrek, eta 1991, 92, 93 eta 94 (besteak beste) urteetako saioak ikus daitezke.

Nire belaunaldia programa haiekin hasi zen telezaborra maitatzen, eta polita da haiek gogoratzea... La Quinta Marcha, Humor Amarillo, VIP (bere bariante guztiekin), Goles son Amores, Tutti Frutti... etabar.