Teknosexua

Learning to Care edo Pensant en els altres dokumentalean Japoniako eskola batean irakasle baten hezkuntza metodoa erakusten da, zein balore erakusten dizkien haurrei, eta haurrek zein serio eta nagusitasunez erantzuten duten. Inoiz ikusi dudan dokumentalik zirraragarriena.

Bartzelonatik ekarri didate bideoa CD batean gabonetan (eskerrik asko Medin!), katalanez. Nahiko ongi ulertzen da, baina erosotasuna dela eta, bila ibili naiz gaztelaniaz edo euskaraz ea aurkitzen dudan. Jakin dut ETB2ko Mundo.Hoy telebista saioan eman zutela duela pare bat urte, baina handik erantzun didate ezin didatela beste pistarik eman.

Norbaitek bideoa katalanez ikusi nahi badu CDan daukat eta P2P tradizionalen bidez pasatuko diot. Bestela, mandoaren sareetan bilatu eta han aurkituko du. YouTuben zati txiki bat bakarrik aurkitu dut:

Lotura bat egiten dugun bakoitzean sarea antolatzen ari gara, baita konturatu gabe ere.  Lotura batekin bisitariak orrialde berri batetara bideratzen ditugu, baina bilatzaileentzat (batez ere Googlerentzat) lotura batek ideia-asoziazio baten informazioa ematen du.

Adibidez. nik ondoko lotura egiten badut blogean:

Bihurri da aizkolari indartsuena

Zein informazio jasoko du Googlek?  Besteak beste,  aizkolari indartsuena = bihurri.com dela esaten dudala nik. Agian, jende kopuru jakin batek hitz berdinekin lotzen badu, azkenean Googlera joan eta aizkolari indartsuena hitzak bilatuz gero, Bihurri.com webgunera eramango gaitu Googlek.

Sistema hau erabiltzen da Google Bombing-ak egiteko. Jende askoren artean nahiko azkar engainatu bait daiteke Google.

Aldiz, beste modu batetara egingo banu lotura, adibidez:

Bihurri da aizkolari indartsuena

Hor, ez diogu Googleri informazio berririk ematen. Agian zerbait bai, Bihurri hitza aizkolari indartsuena hitzengandik gertu dago eta Googlekoak tontoak ez dira eta badakite bilatzailea programatzen, horrelako gauzak kontutan izan ditzan. Baina garbi dago lehenengo modua askoz zuzenagoa eta balio gehiagokoa dela.

Inolaz ere erabili behar ez diren loturak dira honen motatakoak:

Bihurri aizkolariaren inguruko informazio guztia jasotzeko klik egin hemen

Oso informazio gutxi ematen bait du lotura horrek.

Euskararaz ari garenean, deklinazioa da kontutan hartu beharreko beste zerbait. Baliteke lotura jartzean guk hitza deklinatuta jartzea, baina gero bilaketetan erabiltzaileek ez dute deklinabide forma arrarorik jarriko. Egia esan behar badizuet, oso sarri esaldia aldatu izan dut hitza deklinatu gabe jartzeko (edo gutxienez mugatu singularrean besterik gabe). Adibidez:

"Saguestik Haize-orrazirainoko ibilbidea"  jarri beharrean

"Ibilbidea Donostian, Sagues eta haize-orrazia artean"

Hau dena zertarako?

Zure blog edo webgunean egingo dituzu loturak, ez? Zure loturek efektu handiagoa izan dezaten, garrantzitsua da hau kontutan izatea, Googlen modu argiagoan indexatuta egoteko eta bisita gehiago edukitzeko (zuk edo lotzen duzun webguneak, noski).

Gai hau oso garrantzitsua da SEO lanetan dabiltzanentzat. SEO da Search Engine Optimization edo bilatzaileetako optimizazioa. Enpresa espezialduak daude horretan lanean, baina norberak  kontutan izanez gero, emaitza oso onak lor daitezke.

Agian ikuspegi motza du artikulu honek, lotura batek gauza askotarako balio bait du, ez bakarrik marketing helburuetarako, baina aholku hauek berdin balio dute norberaren gustorako egiten ari garen orrialde batetarako.

Aurretik ere asko idatzi da gaiaren inguruan, adibidez, El arte de enlazar correctamente . Nik ere teoria ongi dakit, baina oso sarri alferkeriaz ez ditut nahiko lotura ematen eta sarritan ez dut ongi egiten, baina saiatuko naiz!

Hona hemen egin dudan bilketa. Gehiago ezagutzen badituzue, gustora gehituko ditut:

• Euskaltube  - RSS
• Google Video euskaraz - RSS (YouTube-koak barne daude)
  
• Goiena.net - RSS
• Traperotb -  RSS
• Lost in Bilbao - RSS (Gaztelaniazko jarioa da. Euskarazkoa ez dugu aurkitu)
  
• ...

Gehiago?  Bidali eta sortuko dugu zerrenda berriago bat.

Etiketa baten beharra

Berdin da Jazz, Heavy, Folk, Triki edo musika korala. Beraiei hala iruditzen bazaie, Vasco edo Euskera etiketan sartuko zaituzte eta listo!

Pertsona arrunta bazara, ez duzu inoiz ezagutuko zer dagoen etiketa horren azpian. Gaitzerdi. Baina Corteinglesean, irrati batean edo musikaren inguruan arduraren bat baldin baduzu, kalte handia sor dezakezu. Estilo bat orokorrean entzuten duenarentzat zaila izango da Miren Aranburu, Arima Beltza edo Su Ta Gar deskubritzea.

Aspaldi entzuten ari naiz kexu hau gure musikarien artean, nola zaku horretatik ateratzeko borrokatu behar duten, maila internazionaleko musikariak izanik nola zaien hain zaila homologatuak sentitzea Euskal Herritik kanpora. Azkenengoz Ruperri entzun nion nola EITB sortu arte irrati guztietan entzuten zen bere musika, eta ordutik bakarrik ghetto-etan entzuten hasi zela.

Azkeneko esperientzia asteburu honetan izan dut. Gasteizen nengoen eta denbora egiteko Corteinglesera sartu nintzen diskak kuxkuxeatzera. Corteinglesean Euskera izena du euskal musikaren sailak, eta bata bestearen alboan, arazorik gabe ikusi daitezke Doctor Deseo, Erramun Martikorena, Arbaso eta Epelde eta Larrañagaren diskak. Harantzago, Latzen eta Kenzazpi, estilo berdinekoak balira bezala.

Hau dena espero nezakeen. Benetan harritu nauena izan da Gaby Jogeix bluesman kataluinarraren diska toki berean aurkitzea. Bere bekatua? Diska Soraluzeko Gaztelupeko Hotsak disketxean atera diola. Beste bat zakura!

Aurtengo gabonetan Frets On Fire jokoarekin nabil topera, Aitzolek abisatu zidanetik. Badago Guitar Hero izeneko jokoa Playstation edo horrelako kontsola batentzat, gitarra eta guzti. Noizean behin Mediamarkt-en ikusi eta frogatu izan dut, arrakasta handirik gabe). Frets On Fire, Guitar Heroren klon bat da, software libre moduan banatzen dena (GPL lizentziarekin). Gainera Python-en idatzita dago.

Gitarra ordez, ordenagailuaren teklatua modu xelebrean hartu, eta pantailan azaltzen diren notei jarraitu behar zaie. Ondo joten baduzu zure gitarraren soinua entzuten da. Oker jotzen baduzu, zarata arraroak hasten dira.

Zenbait kantu deskargatu ditut e-mandoa erabiliz (jokoarekin kantu gutxi batzuk datoz) eta hortxe nabil gustora Boston, Hendrix, Megadeth, Metallica, Gn'R, Black Sabath, Judas eta Motorhead-ekin jo ta su!

Ubuntun jolasteko nahikoa da Sistema -> Administrazioa -> Synaptic pakete kudeatzailea  egin, programa bilatu eta instalatzea.

Windows-erako, deskargatu eta instalatu, guztiz software librea da eta. Di-da batean.

Bideo bat ere uzten dizuet, nola dabilen ikusi dezazuen. Ez engantxatu gehiegi!

Herriko belenista elkarteak jaiotza mekaniko ikaragarria antolatzen du urtero Elgoibarko San Bartolome parrokiaren alboko lokal batean. Mugimendua duten figurak, arotza, sagua erratzarekin uxatzen dabilen etxekoandrea, arrantzalea, zorroztailea, aizkolariak, txorizoa egosten ari den beste bat eta zer ez dago han!

Umeekin bisitatzeko egokia gabonetako opor garaian, eta bide batez Elgoibar ezagutzeko aukera. Gu gaur izan gara han eta gustora atera dira umeak. Bihar larunbata abenduak 29 gainera, urteko azken larunbata denez, Gabon Zahar feria ederra izango da, karanbola aprobetxatzeko aukera ona. Norbaitek egiten badu, abisatu dezala hemen bertan.

Elgoibarren.net-ek du beharrezko informazio guztia. Parrokiako Jaiotza Mekanikoa urtarilaren 17ra arte ikusgai

PS: Euskadi Irratian egiten dudan saioaren podcastak martxan jarraitzen du, baina zerbitzari aldaketarekin jarioa oraindik ez dugu martxan jartzea lortu, ea laster den. Baina hor daude podcast fitxategiak, entzun nahi dituenarentzat.

Tresna oso kuriosoa aurkitu dut Microsiervoei esker.

Luistxok badu Beckham-en antzik?

Ez, agian Chow Yun-Fat-en antz handiagoa du:

Zurea ere egin nahi duzu? hemen duzu etxerako morphing tresna

Askotan, bannerra sortu duena ez da konturatu bannerra saltzeko dela, marka bati irudi bat lotzeko, klik egin eta webguneren batetara bideratzeko, azkarra izan behar dela, bistazo batean ikusi behar dela, bannerrei itsutasunetik ihes egin behar dela (adibidez, animaziorik erabili gabe!) eta abar. Oso sarri kreatibitateari ematen zaio lehentasuna, bannerrak funtzio bat bete behar duela ahaztuz.

Josuk erakutsitako esperimentuan argi ikusten da zer nolako garrantzia duen banner bat edo beste bat diseinatzeak.  (Sekretu bat: euskal merkatuko bannerren klik ratio normala %0,40 inguruan dago. Sustatuko banner txarra ere hortik oso gora dago beraz!)

Aholku zerrenda prestatu nahi nuen, baina hankamotz utziko nuelakoan Microsoften webgune batean aurkitu ditut zenbait gomendio bannerrak sortzean kontuan izan beharrekoak eta hona euskaratuko ditut laburtuta. Denak baliagarriak dira, baina beste asko eman daitezke ere: 10 tips for creating an effective banner ad campaign

1. Aztertu sarean dauden adibide onenak. Identifikatu praktika onak.
2. Mezu garbia eman, bai irudi eta bai testu aldetik. Mezu indartsu eta argia behar duzu erabiltzailearen atentzioa lortzeko.
3. Fitxategiaren tamaina zaindu. Alferrik dira 50 Kbtik gorako banner trasto horiek.
4. Gehienez 7 hitzetan esan. Letra tipo handiagoa jarri ahal izango duzu.
5. Indarra duten hitzak erabili: dohan, zure, onena eta abar.
6. Irudiak ongi aukeratu: detaile gehiegi ez da komeni, gutxiegik itxura tristea eman dezakete, irudi ona eman, ez erabili kalitate eskaseko irudirik.
7. Kontrastea erabili atentzioa deitzeko. Neurrian, noski.
8. Erabiltzen dituzun letra tipoak mugatu. Ahal den nahasmen gutxien sortu behar dugu, 2. puntuko mezu garbia emateko.
9. Kontuz animazioekin. Banner bat egiten ari zara, ez "Quo Vadis" luzemetraia. Irudi aldaketa erritmoa zaindu, erabiltzailea ez dadila urduritu.
10. Gutxiago gehiago da (Less is more famatua).  Zenbat eta gauza gutxiago eman, orduan eta indartsuago eta argiagoa izango da erabiltzaileentzat zure mezua.

Beste hamar aholku ere badituzue hemen: 10 Tips For Designing Killer Banner Ads. Horiek irakurtzea ere komeni da.

Mesedez, banner sorkuntzaren inguruan nahastuta zauden hurrengoan pentsatu honen gainean. Ondoren, erabili estatistika sistemak eta aztertu ea nolako efektua izan duen kanpainak , hori bait da hurrengoan hobetzeko daukagun aukera onena.

Eibar.org-eko sarrera orria

Informazioa erabiltzeko lizentzia

INM -ren kasuan:

© INM. Autorizado el uso de la información y su reproducción, citando al INM como autor de la misma

(Hau da, Creative Commons BY baten antzera)

Euskalmeten kasuan gauza ez dago oso argi. Orain gutxi arte guztiz debekatuta zegoen informazioa beste inon erabiltzea. Orain abisu hori desagertu da, baina ez dago argi zein kondiziotan kopiatu daitekeen.

Eibar? non dago hori?

INM-ren kasuan badugu Eibarko informazioa. Euskalmeten kasuan, Eibarren estaziorik ez dutenez, ez. Gertuena Aixolako presa da. Metereologia zientzia aldetik seguru informazio zehatzago eta fidagarriagoa dela Euskalmetekoa, (gertutasunagatik bakarrik bada ere) baina guk Eibarko informazioa nahi dugu! 

Gaztelu handia, baina oinarrizko biderik ez

Euskalmetekoek lan handia egin dute informazioa SMS, WAP eta beste bide batzuk erabiliz jasotzeko, beti ere modu itxian, baina oinarrizko bidea ahaztu zaie: API ireki bat!  API honi esker programatzaile batek nahiko erraz integratuko luke edukia gurea bezalako webgune batean adibidez. INMkoen kasuan,  HTML orri sinple bat da informazio osoa ematen duena, eta horrek asko errazten du  informazioa modu automatikoan irakurri eta berrerabiltzeko unean. (Bai, baliteke txiripa izatea, INMren webgunea nahiko zaharkituta dutelako, baina horri esker egoera hobea da.)

Plonek INM-tik irakurtzen du

Aste batzuk dira gau batean telebista ikusi ordez INMtik datuak jasotzeko programa txiki bat sortu nuela. Errali pasatu nion, Ploneren barruan integratzeko aukera azter zezan. Berak egun gutxiren buruan erantzun zidan esanez jadanik Sevillako Plone garatzaile batek sortua zuela tresna:  Meteo. Nire lana zakarrontzira beraz! 

Bukatzeko, Sevillako Sergiori ez zitzaion bururatu norbaiti tresna euskaraz jarri nahiko zuela, baina Erralek lagunduta egun gutxiren buruan eleanitz bihurtu dute! Software libreari esker hau ere.

Erralen eta Etiamen bultzadari esker Eibar.ORG-en atari osoa aldatu da asteburuan. Lan handia dago atzean, eta oraindik zenbait gauza bukatzeke dauden arren, ikusi daiteke nolako tresna ahaltsua datorren.

Webgune berria Plone kudeaketa sistemaren gainean eraiki da. Beste berritasun askoren artean, orain edonork egin ahal izango du podcasta (orain arte nik tranpa bati esker egiten nuen), argazki galeriak kargatu ahal izango ditugu eta portadan dagoen eguraldi portleta izango dugu ere (Eskerrak INM-ri).

Beraz, pazientzia apur bat, egun gutxiren barruan dena prest egongo da eta. Webgunearen abiadura ere hobetuko da noski.