Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Teknosexua

Ikasitakoa desikasten ikasten

Arrasaten, Mondragon Unibertsitatean egon naiz gaur

Gari Araolaza 2010/03/25 18:20
Duela 4 urte hasi nintzen garai honetan Arrasatera joaten. Enpresa sorkuntza bultzatzeko hitzalditxoa ematera deitzen didate, eta normalean adi entzuten didate ikasleek.

Azkenean, egiten dudan bakarra nire/gure historia kontatzea da. Nola hasi ginen, zein pauso eman ditugun, zertan sinesten dugun eta zer sentitzen dugun. Ez da hitzaldi majistrala, baizik eta sentitzen dudana kontatzea. Esperantza edo ideia bat dut, horrekin konektatuko dutela eta beraien ametsak aurrera eramateko gogo pixka bat emango diedala.

Gaurkoan ikasle asko izan ditut aurrean, ehundik gora agian. Hasieran urduri, baina kontatzen hasi naizenean lasaitzen joan naiz eta gero beti bezala, bero bukatu dut. Segituan nabaritzen da gainera noiz hasten diren aspertzen, eta une horretan aurrera jarraitzen dut, pentsatuz gai horrekin enrrollatzen ari naizela.

Neretzat gustokoa izaten da, batallitak eta gustatzen zaizkidan gauzetaz hitz egiten dudanez. Bukaeran galdera batzuk egoten dira. Normalean epe motzeko galderak izaten dira. Uste dut seinale ona dela, buruan zerbait konkretua dutelako agian. Gero beti ondoratzen zaizu buruan proiektu bat duen norbait. Aire freskoa izaten da niretzat, eta gazte interesgarriak ezagutzeko aukera ona.

Pasa den urtean eta aurten, bukaeran bideo hau jarri diet, motibaziorako polita delakoan:

Workrave: Ordenagailu aurrean ariketak

Gari Araolaza 2010/02/18 13:04
Askotan ordenagailu aurrean ordu asko egiten dugu geldi eta azkenean minez bukatzen dugu. Horretan laguntzera dator Workrave programa.

Programa honen helburua postura berdinean ordu luzez tekleatzen ez ibiltzea da, bizkarrean, lepoan, edo eskumuturrean minik eduki ez dezagun. Nik instalatu eta egun batzuetan probatu dut eta oso gustora nago.

Workrave instalatu eta aktibatu ondoren, honela funtzionatzen du:

Mikro-atsedenak

Hainbat minututik behin, leiho txiki batek deskantsatzeko abixatuko dizu. Teklatua eta xagua utzi, eta une horretan hasiko da zure mikro-atseden denbora kontatzen. Normalean mikro-atseden hauek 20 segundukoak izan daitezke, 5 minututik behin adibidez. Une hauetan onena eskuak ordenagailutik altxa eta leihotik begiratzea, bistak ere deskantsu har dezan.

Atsedenak

Orduero, 5 minutuko pausak proposatzen dizkizu programak, kasu honetan leiho bat atera eta abisua ematen dizu. Atseden tarteetan hainbat ariketa proposatzen ditu programak, besoa, lepoa edo bizkarrean luzapenak, begiak mugitzeko ariketak eta abar.

Workrave-ko ariketa bat

 

Eguneko denbora muga

Bestalde, egunero ordenagailu aurrean egiten duzun denboraren kontrola darama Workravek. Kontrola gainera efektiboa da, hau da, benetan ordenagiluan aktibo zauden denbora bakarrik neurtzen du. Adibidez, komunera joateko jeikitzen bazara edo telefonoz ari bazara ez du denbora hori kontatzen. Horrela, egun osoan ordenagailu aurrean zauden denbora mugatzeko aukera ere baduzu.

Denboraren kontrola

Gogoratu, bai mikro-atseden, atseden eta denbora mugen kasuan denbora efektiboa kontatzen dela. Hau da, teorian mikro-atseden bat tokatzen zitzaizun unean programak detektatu badu ez zarela ordenagailuan aktibo egon, ez dizu mikro-atseden hori proposatzen eta berriz tekleatzen hasten zarenean hasten da denbora kontrolatzen.

Denbora tarteak, zenbatetik behin nahi duzun atsedena eta zenbatekoa, zuk zehaztea komeni da zure beharren arabera. Badago eskumuturreko minez bajan egon den jendea, ziurrenez horrek pausa gehiago eta luzeagoak beharko ditu ziurrenez. Denbora guzti hauek zehazteko aukera ematen du Workravek.

Workrave programa euskaratuta dago eta GNU/Linux eta Windows-erako aurkituko duzu beraien webgunean: Workrave.org . Ubuntu eta Debianen programa gordailu arruntean duzu eskuragarri, minutu batean instalatzeko moduan.

Ipod-arentzat sounddock bat erostekotan?

Gari Araolaza 2010/02/15 10:21
ETBko lagun Iñaki Olanori esker, pare bat astetan gadget batzuk izan ditugu, Teknoflash mikrosaiorako. Gero txostena egin dugunez, hemen nik frogatutako tresnak:

BOSE Sounddock-a

Bose SoundDock 10

Lehenengo itxuran zirrara sortzen du trastoak, daukan itxura eta pixuagatik. Martxan jarri eta egia esan soinu espektakularra du, modernoa. Soinua oso garbi eta indartsua da, goi eta beheko frekuentzietan indartuta. Tono altuetan ere batere distortsio gabe funtzionatzen du.

Erabilpen aldetik, iPod-arekin dabilenarentzat egokia, baina apur bat motz gelditzen da beste tresna batzuekin lotu nahi badugu, hala nola kanpoko soinu iturri bat, CD-ak eta abar.  Bluetooth bidezko konexioa ideia ona da baina ez du gehiegi zabaltzen tresnaren erabilpen esparrua.

Interneten ikusi dugun prezioa ondo badago (500 Euro inguru), luxuzko tresna bat dela esan dezakegu, iPod-arekin bakarrik erabiltzeko nahiko motz gelditzen bait da.

Yamaha Sounddock-a

Yamaha TSX-130

Itxura guztiz klasikoa ematen du tresna honek, baina barrutik gaur egungo teknologia arrunta duela dirudi. Soinu aldetik tono klasikoagoa du, eta egokia izan daiteke musika "klasikoak" entzuteko (50. hamarkadatik honakoak). Soinu ona du, baina ez oso zorrotza eta arbia. Oso natural entzuten dira Eagles edo Led Zeppelin bezalako klasikoak.

Tresna honen abantaila handiena, barruan dauzkala iPod-a, CD-ak eta USB-ak irakurtzeko adaptadoreak. Horrez gain irratia dakar eta kanpotik lotzen zaion sarrera auxiliarra onartzen ditu. Errematatzeko, iratzargailu aukera. Logelan edukitzeko tresna edeeeerra!
Gainera, ikusi dugu 300 Eurotik beherako prezioa duela. Oso aukera ona.

Denon kaskoak

Denon AH-NC732

Txikiak eta erosoak dira. Agian belarrietan egiten duten presioagatik denbora luzez eramanez astun suertatu daitezke.

Soinu aldetik izugarri garbiak eta nekerik ez dute eragiten. Zarata kantzelatzeko aukera ere frogatu dugu eta oso efektiboa da bulego batean egoten den anbienteko zaratarekin. Lastima hain garestiak izatea, baina ulertzen dut eliteko kaskoak direla.

Eguneraketa: EITB-ren webgunean jarri dute BOSE katxarroaren bideoa:

Etorkizuneko SEO-a azpiegitura omen da

Gari Araolaza 2010/01/29 10:13
Bilbon nago, Search Congress Bilbao hitzaldietan. Atzo mintegien eguna izan zen eta gaur kongresua bera.

Atzo Javier Casares-en hitzaldian egon nintzen: El próximo SEO: la infraestructura.

Javierren teoria da gaur egun gehienok gauzak ongi egiten ditugula SEO aldetik. Orduan, desberdintzeko hurrengo pausoaren bila jarraitu behar dugula, eta hurrengo pausoa beretzat, abiadura eta perfekzio teknikoa dela. Hau da, zerbitzariak ongi konfiguratzea, webguneak azkar erantzutea, redirekziorik ez edukitzea eta abar. Hainbeste sinesten du gai honetan, bere datacenter propioa sortzen hasi dela!

Hor badugu zer hobetu egia esan. Merezi du Javierren aurkezpena ikustea, informazio gehiena hor dago, bere webgunean jarrita.

Facebook eta pribatutasuna

Gari Araolaza 2010/01/25 10:18
Duela aste gutxi esan zuen Mark Zuckerberg, Facebook-en asmatzaileak, "pribatutasunaren garaia bukatu da, ez dago modan".

Oraindik ere Facebook-i neurria hartzen ari gara, eta nire jardunean kontu handiz ibiltzen naiz, kontzienteki erabakiz zer publikatu eta zer ez.

Baina aspaldi konturatuta nago sekretu gehiegirekin ibiltzea ez dela jostagarria. Zer gustatzen zaigu Facebooken? Ba besteen jardunak ikustea, gure lagunak zertan dabiltzan eta guk egindakoak konpartitzea. Eta hori printzipioz pribatutasunaren aurka doa. Nola bukatuko den hau? Ba ez dakit. Pixkanaka pausoak ematearen aldekoa izaten naiz normalean, harik eta lur labaina aurkitu arte. Azkenean, betikoa. Neurria aurkitu behar.

Hala ere, Twitterrekin alderatuta baditu abantailak. Twitter sarritan oso azalekoa egiten zait, ez dakit ziur nor dagoen esaten dudana irakurtzen. Uste dut praktika txarra dela Twitterreko perfila itxia edukitzea, baina aldi berean guztiz irekita uzteak mugatu eta distorsionatu egiten du norberak esaten duena. Kontraesan handiak.

Facebook aldiz, etxekoago sentitzen dut. Nik onartutakoek bakarrik jasotzen dituzte nire eguneraketak. Konfidantza gehiago sentitzen dut Facebooken. Agian horregatik idazten dut Facebooken ia beti euskaraz, eta Twitterren askoz gaztelania gehiago.

Kamera digitalarekin 10 urte

Gari Araolaza 2010/01/19 11:17
Orain dela 10 urte hasi nintzen kamera digitala erabiltzen. Lan industrialean nenbilen garai hartan eta oso egokia zen laneko gauzak ateratzeko, aurretik erabiltzen genuen Polaroida ordezkatuz.

AGFA ePhoto 1280

Agfa ePhoto 1280 (3)

Hilabete batzuk geroago oparitu zidaten kamera hau. Megapixel bakarra zuen eta txartelean 30 argazki inguru sartzen ziren. USB-rik ez, linea serie bidez pasatzen nituen argazkiak ordenagailura. Orain aurkitu dut etxean kaxa zahar batean eta gaur botako dut, autopsia egin ondoren (erori eta apurtu egin zitzaidan)

Kamera honek zeukan gauza onenetakoa objektibo tolesgarria zen. Objektibo luzea eduki ahal izan eta gero poltsan gorde ahal izateko, tolestu egin zitekeen. Horri esker txoko batean egoten nintzen, argazkiak rebisatzen banengo bezala disimuluan, eta jendea konturatu gabe ateratzen nituen argazkiak. Oso naturalak eta politak ateratzen ziren, jendeak ez zuelako "argazki aurpegia" jarru beharrik. Bilduma polita dut etxean.

Flickr-ekin 5 urte

Andoni
Andoni Elgetako Asentsion, Flickren kargatu nuen lehenengo irudian

Agfarekin ateratako argazkien bila, konturatu naiz atzo bete nituela 5 urte Flickr-en, eta ez dagoela han kamera horrekin ateratakorik.

Ia 800 argazki ditut kargatuta Flickr-en, eta izugarrizko tresna ona da familia eta lagunekin argazkiak partekatzeko. 70 urte inguruko nire senideak harpidetuta daude, eta umeen argazki berriak kargatzen ditudanean segituan ikusten dituzte eta telefonoz deitzen digute. Poz iturria da Flickr gure etxean.

Elgetako Espaloian beti zerbait

Gari Araolaza 2009/11/30 08:55
Atzo iluntzean Xabier Leteren poesia emanaldian egon nintzen Elgetako Espaloia Kafe Antzokian. Elgetan beti gertatzen da zerbait ona. Ez dira inoiz emanaldi arruntak.

Xabier Lete

Xabier Lete eta Lourdes Iriondo
CC-BY-NC gaztelumendi.org

Emozioz betetako emanaldia izan zen atzokoa. Aukera bakarrenetakoa. Jose Angel Irigaraik bukaeran esan zuen moduan, hemendik urte batzuetara esan ahal izango dugu "Elgetako emanaldi hartan izan nintzen". Elenak Facebooken dio ez zitzaiola musika gehiegi gustatu. Niri alderantziz. Asko gustatu zitzaidan. Niretzat emozio handieneko unea izan zen Joxan Goikoetxeak Errota zahar maitea jo zuenean.

Karanbola bat kontatu behar dut:

Googlera joan naiz ea Xabier Leteren argazki librerik zegoen sarean, eta ezkerrean dagoen hau aurkitu dut (ez da guztiz librea baina lizentzia hartzen dut). Hara non ikusten dudan nork egin zuen irudi horretan komentarioa duela 4 urte: nik neuk. Ez nintzen akordatzen. Eta zein komentario? Ba "Errota zahar maitea" kantua hain juxtu, atzo hainbeste zirrara sortu zidana.

Ziurrenez emanaldiaren une hori ez zen denentzat emozionanteena izan, baina argi dago niretzat baietz. Gauza pertsonala izango da agian.

 

Elgetan gertatutakoak

Negua, eguraldi txarra eta Elgetan kontzertua. Niretzat konbinazio esplosiboa dira. Hemen gertatutako batzuk:

Fernando Saunders: Lou Reed-en baxujolea elurte batean etorri zen 2005ean Elgetara kontzertua jotzera. Amari 4x4-a eskatu eta han joan ginen. Kontzertua oso ona, Ruper ere igo zen beraiekin kantatzera. Ondorengo giroa ere familian, musikariak han gelditu ziren. Kanpoan elurra mara-mara eta eskerrak 4x4-arekin geunden. Horrela lortu genuen jeistea.

Medin Peiron: Bartzelonako pianojoleak 2006ko urtarrileko ostiral bat aukeratu zuen Buster Keatonen filma mutu bati piano musika jartzeko. Gustora egon ginen, familian. Oraingoan ere elurra. Garajean kateak jarri (Eibarren ere elur asko zegoen, atera kontuak) eta gora! Bueltan ere abentura. Pentsa, Bergaratik egin genuen buelta eta kateak berriz garajean kendu nituen!

Los Reyes del KO: bluesero hauek 2007ko irailean egon ziren. Eguraldiak errespetatu gintuen egun hartan, baina kontzertua demasa. Gainera gero han gelditu eta Marcos eta Adrianekin tertulian.

Ruper Ordorika + Jon Piris: Berriz ere bihotzean eramateko kontzertua, 2007ko azaroan. Gainera, kontzertu ostean tertulia Ruper, Jon, Iban, Maialen, Maite eta abarrekin. Gustora!

Juan Carlos Perez: Itoizeko arima 2008ko azaroan egon zen. Hori ere abentura demasa. Baina bere garaian azaldu nuen blog honetan. Juan Carlos Perez Elgetan.

Xabier Lete: 2009ko azaroan etorri zen. Baina hau kontatu dut hasieran.

Esandakoa. Adi Elgetako Espaloiko kontzertuekin!

EGUNERAKETA (2009/12/2): Ataurik saioan ateratako argazkiak kargatu ditu Flickr-en: Xabier Lete Elgetan

Sail ederra!

Euskadi Irratian pirata izenarekin

Gari Araolaza 2009/11/23 21:45
Jaime Otamendik deituta, gaur Euskadi Irratian egon naiz "pirateoaren" inguruan hitz egitera. Lehenengo gauza, ni ez naizela pirata. ;-)

Gustora egon naiz Jaime Otamendi, Maider Segurola eta beste pirata moduan joan den Igor Unanuerekin. 

Podcast moduan entzun daiteke Euskadi Irratiaren webgunean:

Interneteko pirata bat al zara?

Bestela, hemen bertan entzun daiteke:

Telemarketinaren garaipena

Gari Araolaza 2009/11/13 09:39
Atzo telemarketinak garaipen handi bat lortu zuen: telefonoz deitu zidan bati baietz esan nion eta eskaintzen zidan produktua erosi nuen. Are gehiago, lehenengo unean ez nuen erabaki eta gero telefono deia itzuli nion erosketa onartuz.

Nire ingurukoek badakite telefonoz jai dutela telemarketing enpresa horiek. Errepasa dezagun zergatik izan zen desberdina atzokoa:

  • Telefonoz deitu zidana euskalduna zen. (Biba! Euskaltelekoa eta euskalduna!)
  • Oso adeitsua iruditu zitzaidan. Presio eta kaña gutxirekin saiatu zen produktua saltzen, errespetuz.
  • Aurretik pentsatuta neukan Euskalteleko dekodetzaile hori lehenago edo beranduago erosiko nuela. Urtebete neraman trastoari begira, baina etxean ez dugunez telebista gehiegi ikusten erabakia hartu gabe neukan.
  • Prezioa dendako berdina zen, eta etxera ekarriko digute pare bat egunetan.

Egia esateko, gezur txiki bat esan zidan, dekodetzaile horren prezioa dendan askoz garestiagoa dela. Gezurra da, prezio berdinean dagoelako Euskaltelen modelo hori etxe alboko Eroskin, baina egia da, Euskaltelekoa ez den antzerako dekodetzaile bat erostera joanda 30-40 Euro gehiago ordaindu behar delako.

Ez nion garrantzirik eman gezur txiki horri, eta pentsatu nuen mutilak merezi zuela komisioa irabaztea. Horregatik handik 10 minutura deitu eta baietz esan nion. Asko poztu zen, ez da arrunta izango telemarketineko langileentzat bezero batek deia itzultzea, nahiz eta saiatzen diren beti beraien telefonoa ematen.

Negozio berriak Eibarren

Gari Araolaza 2009/11/09 17:26
Pasa den asteko albiste batekin nator. Herrian gehien irakurtzen den egunkarian honelako eskutitza irakurtzeko aukera izan dugu.

Hona hemen Diario Vascon azaldutakoa:

Un vecino remite un escrito sobre la proliferación de negocios chinos en Eibar. «Pongo en conocimiento que en breve se va a abrir en la calle Bidebarrieta un nuevo negocio chino, lo cual nos ha soprendido porque a poco metros tenemos otros dos. Nos preguntamos si esta arteria importante, como es la calle Bidebarrieta, va a tener que cambiar de nombre, y va a recibir el de China-Tar. Por otro lado, nos gustaría que se nos dijesen qué aportan estos bazares al pueblo. Todos pensamos que ningún beneficio, ya que si necesitan realizar algún trabajo lo realizan ellos, con lo cual los únicos beneficiarios son ellos, mientras que nosotros les dejamos nuestro dinero. Otro asunto es saber si nuestros Ayuntamiento les exige la misma documentación, para poner negocios, que se les pide al resto de ciudadanos. También, me gustaría saber cómo llegan a pagar esas rentas tan elevadas, ya que nuestros hijos también quieren acceder a estos locales, para poner un negocio, al no encontrar ningún empleo, pero les es totalmente imposible hacerlo por las rentas tan elevadas. Quisieramos saber si estos negocios están exentos de rentas. En dicha calle y a pocos metros se están permitiendo ubicar comercios marroquís, chinos y locutorios, y sería necesario que se repartieran por las zonas céntricas de la ciudad. Dados los pocos negocios que quedan en Bidebarrieta, nadie va a querer visitar esta calle, dado que no tendrá interés en esos negocios por lo triste y abandonada que está Bidebarrieta. Los comerciantes también participamos en el pago de impuestos y Bidebarrieta es un arteria muy importante en Eibar, con lo que no va a quedar más remedio a poner nuestros negocios en otros pueblos». 

Niri testuan zerbait aldatzea bururatu zait, eta berdin enkajatuko luke:

Un vecino remite un escrito sobre la proliferación de bares y degustaciones en Eibar. «Pongo en conocimiento que en breve se va a abrir en la calle Bidebarrieta un nuevo bar, lo cual nos ha soprendido porque a poco metros tenemos otros dos. Nos preguntamos si esta arteria importante, como es la calle Bidebarrieta, va a tener que cambiar de nombre, y va a recibir el de Barkale. Por otro lado, nos gustaría que se nos dijesen qué aportan estos negocios al pueblo. Todos pensamos que ningún beneficio, ya que si necesitan realizar algún trabajo traen sus propios gremios, con lo cual los únicos beneficiarios son ellos, mientras que nosotros les dejamos nuestro dinero. Otro asunto es saber si nuestros Ayuntamiento les exige la misma documentación, para poner los negocios, que se les pide al resto de ciudadanos. También, me gustaría saber cómo llegan a pagar esas rentas tan elevadas, ya que nuestros hijos también quieren acceder a estos locales, para poner un negocio, al no encontrar ningún empleo, pero les es totalmente imposible hacerlo por las rentas tan elevadas. Quisieramos saber si estos negocios están exentos de rentas. En dicha calle y a pocos metros se están permitiendo ubicar bares, cafes y degustaciones, y sería necesario que se repartieran por las zonas céntricas de la ciudad. Dados los pocos negocios que quedan en Bidebarrieta, nadie va a querer visitar esta calle, dado que no tendrá interés en esos negocios por lo triste y abandonada que está Bidebarrieta. Los comerciantes también participamos en el pago de impuestos y Bidebarrieta es un arteria muy importante en Eibar, con lo que no va a quedar más remedio a poner nuestros negocios en otros pueblos». 

Edo beste aukera bat adibidez:

Un vecino remite un escrito sobre la proliferación de sucursales bancarias en Eibar. «Pongo en conocimiento que en breve se va a abrir en la calle Bidebarrieta una nueva sucursal de un banco, lo cual nos ha soprendido porque a poco metros tenemos otros dos. Nos preguntamos si esta arteria importante, como es la calle Bidebarrieta, va a tener que cambiar de nombre, y va a recibir el de Bankukale. Por otro lado, nos gustaría que se nos dijesen qué aportan estas entidades al pueblo. Todos pensamos que ningún beneficio, ya que si necesitan realizar algún trabajo traen sus propios gremios, con lo cual los únicos beneficiarios son ellos, mientras que nosotros les dejamos nuestro dinero. Otro asunto es saber si nuestros Ayuntamiento les exige la misma documentación, para poner las sucursales, que se les pide al resto de ciudadanos. También, me gustaría saber cómo llegan a pagar esas rentas tan elevadas, ya que nuestros hijos también quieren acceder a estos locales, para poner un negocio, al no encontrar ningún empleo, pero les es totalmente imposible hacerlo por las rentas tan elevadas. Quisieramos saber si estos negocios están exentos de rentas. En dicha calle y a pocos metros se están permitiendo ubicar bancos y cajas de ahorros, y sería necesario que se repartieran por las zonas céntricas de la ciudad. Dados los pocos negocios que quedan en Bidebarrieta, nadie va a querer visitar esta calle, dado que no tendrá interés en esos negocios por lo triste y abandonada que está Bidebarrieta. Los comerciantes también participamos en el pago de impuestos y Bidebarrieta es un arteria muy importante en Eibar, con lo que no va a quedar más remedio a poner nuestros negocios en otros pueblos».

Sortzen zaidan galdera: Zergatik bidaltzen du norbaitek lehenengo mezua egunkari batetara eta beste biak ez?

Aurkezpena

naiz. Teknogauza guzti hauetaz idazteko sortu nuen bloga, baina orain gai eta maiztasun librean nabil.