Erredukzionismoa
Komunikabide nagusienak Arrasatera begira dauden honetan, hitzik gabe geratu naiz Luistxoren apuntea irakurtzerakoan. Arrasaten egon omen zen lanean Luistxo ostegunean eta, kamera guztiak pleno-aretoan zeuden bitartean, berak Isaías Carrasco zenaren alabarekin egin zuen bat herri bereko peajean. Bata autoan, bestea ordain-lekuan, kabinan peajea kobratzen.
Komunikabideek
Arrasateko eta Hernaniko mozio etikoak aurrera ez ateratzea Ezker Batua-Berdeak taldeari
egotzi nahi diote, batek daki zergatik. Javier Ortiz
kazetariak idatzitakoarekin ados nago. Interneten haren arrastoa jarraitzen
nuen bitartean topo egin dut Fernando
Martínez Hinojal arkitektoaren blogarekin. Eta irakurri dut bertan, ez
masa-komunikabide horietan, zer esaten duten Ezker Batua-Berdeak taldeko bi zinegotziek (hirugarrena Zutik-ekoa da).
Ikuspegi motzekoa iruditzen zait beste batzuetan hain interesgarria iruditu zaidan A sueldo de Moscú blogean Ricardok dioena: erakundearen konplizeak direla mozio horren alde egiten ez badute. Ai, ai, ai…
Ez da igarlea izan behar garai latzak datozela usaintzeko. Bakoitza bere astoari arreka ari baita soilik, iso esateko garaia urruti samar geratzen baita.
Kaixo Patxi: uste dut EBB-Zutikeko hiru lagunek gobernutik kanpo geratuta egin zutela egin beharrekoa. Bai, badakit gai labainkorra dela, baina ulertzen dut ere PSE eta PNVrekin eskutik joan nahi ez izatea. Gauza bat da alderdietako ejekutibek nahi dutena eta bestea herrietan gertatzen dena.
Bestalde, bi idatzi gehiago:
Bata, Zutik-eko Julia Monge zinegotziarena da eta atzo agertu zen Noticiasen. Llamazaresi zuzenduriko gutuna da.
Bestea, berriz, gaur publikatu du Fermin Muguruza musikariak bere webgunean.