Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Sarrioen harana

Sarrioen harana

Amatiño 2014/09/23 00:05
Sarrioen haran-inguruan sarrioak egon badagoz, hamarren bat ikusi ahal izan genituen ehun metrora aurreko asteburuan, baina haran-barreneko larretan behiak dira egun nagusi, elurrik ez den artean behintzat. Muxarrik ere ez da falta, txistuka eta harraboska. Mendiarteko alderdi paregabea, porlanezko errepidetik hiru ordu eskasera. Aurrez aurre, artez arte, hogei kilometrora, Auñamendia.
Sarrioen harana

Sarrioa, "izarretako" ahuntz basatia

Joan Corominasi jaramonik egin badiogu, sarrio Pirinioetako izena da. Sarri, xixardo, chizardo, chizard edo isard, aragoieraz, gaskoinez, okzitanieraz zein katalunieraz. “De origen prerromano –dio--, pero es incierto cuál es su etimología exacta: parece tratarse de una palabra ibérica o protovasca, IZARR- cuyo significado originario es dudoso”.

Azkuek azaldu zuenez, berriz, “izar” adiera “garai” (goialde) delakoaren pareko dateke eta, zentzu honetan, ulergarri lirateke Izarra (Arabako herria), Izarraitz (Urola gaineko mendia), Izarbe (Huescako Andre Maria) edo Izargain zein Izargarai  toponimoak eta abizenak (Gipuzkoan eta Nafarroan). Baina, Corominasen ustez, ezin da segurutzat jo, Azkuek baino ez baitu horrelakorik jasoten, eta beste ezein hiztegitan horren susmorik ere ez dagoelakoan.

Edozein modutan, zalantzarik ez gero sarrioak Pirinioetako izarretan bizi diren “mendi-ahuntzak” edo direla, eta gaur egun begi bistan maizen ikusi daitezkeen basabereak direla, Auñamenditik Kataluniara bitartean. 2003ko erroldaren arabera, guztira 53.200: Nafarroan (200), Huescan (14.000), Andorran (600), Katalunian (13.000) eta Okzitania osoan (25.400).  

Sarrio arana

Sarrioen harana, larunbat goizean

Sarrio arana mapa

Eskuinetik ezkerretara, Sansaneteko parkinetik (1.320 m.), Estanes iboi (1.790 m.) inguruan zehar, Sarrioen haran barreneraino (2.050 m.), sei orduko joan-etorri lasaia, txiza egin, argazkiak atera eta ogitartekoa jateko denbora eta guzti.

Auñamendi

Hogei kilometrora, aurrez aurre, begi bistan, Hiru Erregeen Mahaia (2.446 m.) eta Auñamendi (2.504 m.) gailurra

Taldea

Estanes iboia Aragoin dago; eskuineko mendi garaua, Biarnon; eta atze-atzeko mendi-lerroa, Euskal Herrian. Argazkian, hiruzpalau eibartar

Trebi
Trebi dio:
2014/09/24 11:05
Enbidia, neria, zer dan...
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Amatiño

Luis Aranberri Mendizabal