Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Amatiño / Basque Country

Basque Country

Amatiño 2013/06/26 23:55
Euskal Herriak, Euskadik edo dena delakoak hankatxoa erakusten duen bakoitzean beti azaltzen da norbait euskaldunen Espainiarekiko elkartasunik eza salatu gurarik. Ildo beretik, horra non “Basque Country” marka proposatu bezain laster hainbatek sumatu duen ekimen hori “España” ezaugarriaren kaltetan, espainiar markak laguntzarik gehien behar omen duen unean, gainera.

Jakina da Marca España delakoak ez duena unerik gozoena bizi, Jose Manuel García-Margallo Kanpo-arazoetako ministroak berak aitortu izan duenez. Hain zuzen ere, Basque Country leloari elkartasunik eza leporatu beharrean, norbaitek pentsatu beharko luke euskal erakundeak asmakizunetan arituko ote liratekeen Euskal Autonomia Erkidegoa alemaniar länderretakoa balitz.

Ez da ekonomia, industria, azpiegitura, zerbitzu edo turismo kontua soilik. Bada sakonean arazo oinarrizkoagorik. Gaur bertan Jorge Arévalo Eusko Jaurlaritzaren Lanbide Heziketarako sailburuordeak esan duenez, Muskizko FP Uda Ikastaroetan, eskola-porrota %24 bestekoa da Espainian, Autonomia Erkidegoan %11,5 den artean. Eta Espainiak behingoz etxeko lanak egingo balitu eta bere buruarekiko elkartasuna landu? Badu Wert ministroak zereginik franko, on samar diharduten larrainetan sartzeke.

Ez du balio esatea –bart gauean norbaitek irratian adierazi bezala-- borroka armatuaren garaietan espainiar marka beti portatu izan zela ondo euskal ezaugarriekin. Ez, euskal kirolaririk ospetsuenak beti espainiarrak ziren bitartean, terroristak “vascoak” ziren, Basque Country-koak alegia.

Basque Country

Basque Country leloaren zein egitarauaren aurkezpena, Donostian

jaime
jaime dio:
2013/06/27 16:04
Izan ere, azken urteotan, “Marca España” polito endekatu eta balio gutxitua agertzen ari da Europako herrien aurrean. Dena dela, España eta espainolek betidaniko prentsa txarra izan dute Europan zehar, hor nonbait bizitzen eta mugitzen suertatu zaigunok egiaztatu ahal izan dugunez.
Europako biztanle arruntarentzat, España da eguzkia, toreroak, manolak, gitarrak, paellak, ijito dantzariak, adore gutxiko langileak, “pescaítos eta fino”, eta hainbat topiko tipikoa...
Jakina, espainol guztiek ez dute merezi esportatu den karikatura iraingarri hori; euren artean badago langile fin eta arduratsu bai eta pentsalari edo asmatzaile handirik ere.
Baina, azken bolada honetan, estatuari darion kirats nardagarriak gaiztotu du, gehiago ahal bada, arestian aipatutako karikatura iraingarria. Beraz, txalotzekoa da “Basque country” marka, eta bere barruan biltzen duen guztia, ezen Españaren eragin kaltegarritik kanpo bereiziko gaituen langa egokia izango baita!
Bertoko
Bertoko dio:
2013/06/29 23:27
Guri dagokigu geure bidea egitea, Españaren mende ibili barik.
Kataluynak ere markak apurtzen dihardu, http://www.tv3.cat/3alacarta/#/directes/OC2INT
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna: