Dokumentu Akzioak
Volgako Batelariak / Бурлаки на Волге
Literatur inoizkari kosakoa / Казацкий литературный журнал
Oporretan irailera arte
Lehenagotik ere oporretan gaudela baten batek pentsa balezake ere, inola ere gezurtatuko ez dugun zerbait, gaurtik aurrera Volgako Batelariok gaude ofizialki oporretan, geure intimitatea babesteko hemen esango ez dugun toki batean (edo gehiagotan), iraileko rentrée-a behar bezala prestatuz. Irakurleari pazientzia eskatzen diogu; eta Euskal Herriko mass media nagusiei, arren, ez diezagutela paparazzirik bidali, lasaitasuna behar dugulako bai lanerako bai atsedenerako ere (Ea herrian gertatu ez zen bezala, prentsa grafikoak "ustekabetu" baikintuen bilera baten erdian, beheko argazkian ikusten den moduan). Gehiago irakurri
(Euskal) Irakurle taldeen jardunaren inguruko hamasei hausnarketa
Irakurle (edo irakurzale, edo literatur) taldeak (edo txokoak, klubak, solasaldiak, bilguneak etab.: aukera beza bakoitzak gustukoen duen izendapena) errealitate sendo bihurtu dira, azkeneko urteotan, euskal literatur sistemaren baitan. Iban Zalduak, halako pare batetan koordinatzaile gisa aritu denak, esperientzia horretatik zenbait ustezko ikasgai atera, bere intuizio batzuekin nahastu (ezin esan zeintzuk diren zentzuzkoago, ikasgaiak ala intuizioak…), eta hausnarketa hauek zirriborratu ditu, Volgako Batelariak inoizkarirako propio idatziak. Gehiago irakurri
Apunte labur bat "Ojos que no ven" nobelari buruz
Leitu berri dut J.Á. González Sainz (Soria, 1956) idazle eta itzultzailearen azken nobela, "Ojos que no ven" (Anagrama, 2010). Irakurketa bakarra egin dut, orrialde bat edo besteren ertza tolestu, baina askoz ere gehiago ez, beraz, ezin hau liburuaren kritikatzat hartu, baizik eta irakurketa hurbilak eragindako (nolabaiteko) urgentziazko gogoeta batzuen gisa, gehien jota. Gehiago irakurri
Volgako Batelariok bost urte
Halaxe da, bai: egunotan betetzen ditugu urteak, zehazki bost, Volgako Batelariok. Gure lehenengo sarrera martxoaren 28an plazaratu genuen, eta aurkezpen ofiziala, Gasteizko Gora tabernan, apirilaren 6an egin genuen. Eta hori ospatzeko, edo gogoratzeko (eta alfer samarrak garelako), inoizkari honen lehenengo manifestua berreskuratu dugu. Gehiago irakurri
Haur eta Gazte Literatura helduei azalduta (2): Baina zer gertatzen da (HGLko) euskal sortzaileekin?
Haur eta gazte literaturari buruz Volgako Batelariak-en argitaratzen ari den kolaborazioaren bigarren emanaldiarekin datorkigu Manu Lopez Gaseni idazle eta unibertsitate-irakaslea. On egin! Gehiago irakurri
Kartak Iwo Jimatik
"Cartas desde Iwo Jima" Clint Eastwood-en pelikularen eta "Cartas desde Iwo Jima del general Kuribayashi" Kumiko Kakehashiren liburuaren irakurketa konparatua egitera noa. Gehiago oinarritzen da pelikulan, liburuan baino, behingoagatik esan baitezaket nahiago dudala pelikula liburua baino, liburua jeneralarekin maiteminduegi egoteagatik beharbada. Zergatik da pertinentea lan hau hemen agertzea edo nola sinestarazi diet hala dela Volgako gainerako kideei? Fikzioak historia eta zuzendariaren ikuspuntua kontatzeko, errealitatea oinarri, erabili dituen estrategiak azalduko nituela esanez; errealitatetik tresna dramatikoak atereaz, fikzioa errealitatean txertatuz historia hobeto azaltzeko… Eta espero dut emaitzak izango duela horretatik. Gehiago irakurri
Euskal idazle erretxinaren tridekalogoa
Euskal idazlearen paradigma ez da idazle "postmodernoa", ezta "autonomiaren belaunaldikoa", "engaiatua", "tropelekoa" edo "Erasmustarra" ere: euskal idazlearen paradigma (betierekoa, unibertsala) euskal idazle erretxina da. Eta hona hemen haren mandamenduak, zeinak, ezin bestela izan, hamahiru baitira: ez gehiago, ez gutxiago. Gehiago irakurri
Haur eta Gazte Literatura helduei azalduta
Beste kolaborazio bat iritsi zaigu, kasu honetan Manu Lopez Gaseni idazle eta unibertsitate-irakaslearena. Haur eta gazte literaturarena ez da Volgako Batelariak inoizkarian agertu ohi den gaia, eta, beraz, pozten gaitu alor horretako aditu baten ekarpena hemen argitaratzeko aukera izateak, segida baten lehenengoa izango dena, gainera. Gehiago irakurri
Durangoko Azoka '09
Aurtengo Euskal Liburu eta Disko Azokara Volgako Batelariok joan ez izana ez da eragozpena artikulu bat plazaratzeko, iaz bezala. Hori bai, beste norbaitek egin behar izan du lan zikina. Iñigo Astiz lagunak osatu du, Philip Larkinen poema bat egokituz, Durangoko azoka-egun bateko kronika eder eta dotore askoa. Gehiago irakurri
Nork bere izena Google-n sartzeaz
Artikulu honetan Angel Errok bere poetika argitzen du -ahalegintzen da-, sekretua, edertasuna, ironia eta simulakroa bezalako kontzeptuen bitartez. Aurtengo EHUko uda ikastaroetan emandako hitzaldi batean irakurri zuen. Gehiago irakurri
