Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Teknosexua

Ikasitakoa desikasten ikasten

ETB1-ean, sare sozialen pribatutasunaren inguruan

Gari Araolaza 2011/09/02 08:10
Egosurfing pixka bat. Atzo ETB1-ean izan nintzen, Euskadi Tropikala programan sare sozialen eta bereziki Facebook-en pribatutasun arazoen inguruan hizketan.

Nire interbentzioa 59. minutuan hasten da.

Message in a Metro ticket

Gari Araolaza 2011/08/26 15:49
Atzo Bilboko Termibusean atentzioa eman zidan lurrean ikusi nuen zerbaitek, testu bat idatzita zegoen letra txikiz. Hauxe da aurkitu nuena:

Billete con mensaje

 

Este es mi primer billete de metro es Madrid. Ha sido un trayecto cansado. Estoy emocionada y muy nerviosa porque no sé qué va a pasar. Afortunadamente encontré a Sonia quien me salvó de perder el bus a Bilbao.24-08-11

 

Testu polita da eta imajinazioak historia asmatzen lagunduko digu. Ziurrenez etorkinen batek idatzitakoa da testua. Souvenir bat nahi zuen eta galdu egin zitzaion.

110 km/h : oraingoz gustora

Gari Araolaza 2011/03/09 13:59
Orokorrean pozik nago 110-eko muga berri honekin. Tontakeria dirudi:

Neurriaren aurka:

  • Ez da asko aurreztuko. Lehengoan irratian bati entzun nion moduan, zenbatera goazen baino garrantzitsuagoa da nola azeleratzen dugun, hor bai dagoela hobetzeko modua! Aholku kurioso bat eman zuen: 50 km/h-tik gora, 5. martxa erabiltzeko!
  • Orokorrean lege bidezko mugak jartzearen aurka nago. Zenbat norma, lege eta erregulazio behar ditugu lasai bizitzeko?
  • Ez ote dago aurrezteko modurik beste mila gauzatan? Politikariak noiz joango dira garraio publikoan, adibidez?

 

Neurriaren alde:

  • Ez dugu hainbeste denbora galduko pixka bat polikiago joateagatik. Denbora gehiago galtzen da gertuago dagoen aparkaleku baten bila edo peajera iristean dirua prest ez edukitzeagatik.
  • Edozein hobekuntza ezer baino hobe da. Neurri honekin ez dugu panda hartza salbatuko, baina beti hobera izango da.
  • Ostiralean hasi nintzen ni neurria aplikatzen, eta askoz lasaiago gidatzen dut orain. A-8-en egindako ibilbide baten ondoren lepoko minarekin bukatzen nuen lehen, tentsioak eraginda. Orain lasai-lasai nabil. Norberaren buruaren gauza bat da, horretarako ez nuen legerik behar, baina hori behintzat lortu du.
  • Aurreko arrazoiaren ondorio bat: askoz gehiago gozatzen dut orain irratiaz eta musikaz. ;-) (Radio 3-ekin berriz adiskidetzen ari naiz)

How to fix HTC Tattoo's image timestamp

Gari Araolaza 2011/02/23 06:49
HTC Tattoo's photo timestamps are buggy, the field is incorrect, so your photo managing software might not recognize when did you take them. I wrote a script to correct this bug in your images.

The bug on the timestamp

The images taken with HTC Tattoo don't show the seconds of the time that the picture was taken. This is buggy as it looks like this "seconds" field is mandatory on the EXIF specification.

This is what the Tattoo writes in the files

Image timestamp 1970:10:15 05:35

This is what should be:

Image timestamp : 1970:10:15 05:35:23

When I moved from F-Spot to Shotwell in my Ubuntu, I noticed that the images weren't being sorted by date as expected. So, I filed a ticket in Shotwell (Exif timestamp not imported from Android), got a positive response, and waited for an answer from them. I suspect that there are other problems with Tattoo that are related to this bug, like this ones: Geo-tag photo not working on Tattoo  Timestamp and GPS tags fail to load from HTC Tattoo images

The script to fix the timestamps in images

But then I thought it would be better to actually fix the files, so I spent part of the sundays morning writing a script that does the following:

  • Recursively finds JPG images in the specified path.
  • Checks if the DateTimeOriginal field in EXIF is missing the seconds field.
  • It sets seconds=00 if missing.
 
And that's all!
 

How to use the script

The script is called exifseconds,py and it's written in Python. You will need the pyexiv2 library installed on your system. It accepts only one parameter, which is the path where you have your buggy images.
 
You can download the script here:
 
 
Dependencies: You will need pyexiv2 library installed on your system to run it. so in Ubuntu, do
sudo apt-get install python-pyexiv2
Usage:  python exifseconds.py <PATH_TO_FIX_FILES>
 
Thanks for any feedback!

Azkar izorratzen diren produktuak

Gari Araolaza 2011/01/10 23:20
Arrebak gomendatu zuen Facebooken, eta gaur gauean ikusi dut dokumental hau. Gure gaur egungo mundua, azkar zahartzen eta izorratzen diren produktuekin funtzionatzeko antolatuta dago.

Dokumental horretan erakusten den moduan, duela urte asko erabaki zuten bonbilen bizi iraupena mugatzea, bestela gutxi saltzen zirelako. Eguneroko bizitzako objektu asko horrela diseinatuta daude, gure ekonomia zoro honi jaten eman eta gurpilari pare bat buelta gehiago emateko.

Oso dokumental polita eta interesgarria, eta zuzenean ikusi dezakezue RTVE-ren webgunean:

Comprar, tirar, comprar

Zure herrian: Diputatu Nagusia Eibarren

Gari Araolaza 2010/11/11 23:44
Gaur iluntzean Coliseo antzokian Markel Olano Diputatu Nagusia eta Eneko Goia azpiegitura diputatua izan ditugu, Zure Herrian ekimenaren barruan.

Ez naiz batere gustora atera, egia esateko. Saltzen ari diren herritarren parte-hartze ereduan ez dut sinisten. Hainbat puntu azpimarratzeko:

  • Jesto bat da, "hemen gatoz zuei entzutera". Ondo, bada zerbait. Gutxienez irudia zaindu nahian dabiltza.
  • Eszenaratze oso marketinianoa. Zergatik ez dira etorri bilera berdinago batetara? Mikrofono inalanbrikoak, azafatak, zuzeneko bideo produkzioa (sinplea baina bai), aurrez grabatutako irudiak, aurkezpen infografiko landuak... 
  • Gurekin egotera badatoz, ez da hobe denok maila berdinean egotea? Zergatik ez dator tarteka kultura diputatua herriko kultur eragileekin egotera?
  • Azalpen luzeegiak eman dituzte, eta orokorregiak. Nik espero nuen etorriko zirela zuzenean azaltzera zer gertatzen den bidegorriarekin, zertan dagoen autopistaren peajearen kontua Eibarren, edo nola dagoen adingabekoen zentruen gaia. Horren ordez esplikatu dizkigute orokorrean zein kezka dituen Foru Aldundiak. Horren aurrean, tokiz kanpo iruditzen zitzaizkidan oso detaileko galderak.
  • Aldiz, galdera orokorragoak egiten zirenean, erantzunak orokorregiak ziren: "Asumitzen dugu, saiatuko gara hobetzen eta abar".
  • Baina noski, Diputatu Nagusiak ezin du jakin nola dauden bidegorri baten bukaerako zatia bezalako kontuak. Argi dago berak ezin digula hortaz ezer esan. Baina espero nuen Eibarri dagozkien gaiak prestatuta ekarriko zituztela.
  • Non daude gazteak? Zergatik ezin dira horrelako ekitaldietara erakarri? Ez da gazteen gaietaz hitz egiten, ez direlako etortzen, ala ez dira etortzen gazteen gaietaz ez delako hitz egiten? Etorkizuna non dago ba? (Fijatu naiz, eta esango nuke saioko 5 gazteenen artean nengoela, eta 40 urte ditut!)
 
Inoiz etortzen bada politika zehatz jakin baten arduraduna, (A-8ko seinalizazio txapuzeroa jartzen duen sailaren arduradun konkretua adibidez), orduan izango dugu kontuak eskatu eta konpontzeko aukera, eta horrek izango du herritarren parte-hartze itxura. 
 
Oraingoz arrastorik ez.

Motxo barkua ikusteko

Gari Araolaza 2010/11/06 20:55
Umeekin ikusteko "atrakzio" erakargarria da hondoratutako barku bat. Post funtzionala, beste kontsideraziotan sartu gabe, nola iritsi bertara.

Motxo barkua Baratzazaurre izeneko tokian gelditu da, Zumaia eta Deba artean, baina Debako terreno aurrean. Zehazki hemen dago:

Baratzazaurre, Motxo barkua

B5M zerbitzuaren webgunean badago Baratzazarrak izeneko toki bat. Uste dut bertara iristeko bide egokiena dela. Baina bi aukera proposatuko ditut:

Elorrixatik

Elorriaga edo Elorrixara, Zumaiatik Itziarrera goazela txatarreria alboko eskumarako bidegurutzea hartuta iristen gara. Debako auzo honetan bizpahiru jatetxe eta sagardotegi bat daude. Errepidearen bukaeran picnic gune polita, komun eta guzti. Zuhaitzik ez dagoenez ez da izaten toki erosoa egun eguzkitsu eta haizetsuetarako. Hor aparkatu kotxea. Aurre-aurrean izan arren hortik ez da barkurik ikusiko.

Nik ez dut hortik kostarako bidea ezagutzen, baina B5M-ren webgunean pista dagoela ikusten da. hori bai, aldapa handia izango duela dudarik ez. Agian gogorra da bidea, baina barkua bertan ikusi ahal izango dugu.

Sakonetatik

Hau umeekin ibilaldi polita egiteko egokiagoa da. Kilometro bateko ibilbidea, (20 minutu) lasaia eta polita. Baina barkua nahiko urrun ikusten da, txiki-txiki, Hala ere naturaren aldetik izugarrizko toki polita da, eta agian horrek konpentsatuko dizue barkua hain ondo ez ikustea.

Hona joateko, autoa Errota-Berri landaetxe-jatetxean aparkatu behar da. OpenStreetMap-en ongi mapeatuta dago errepidetik haraino hartu beharreko pista, eta baita Errotaberritik kostalderainokoa. Hona hemen Errota-Berri eta Sakonetako mapa.

 

Bazkaltzeko, inguruko edozein toki da gomendagarria: Errota-Berri bera, Urberu sagardotegia, edo Elorrixa inguruko taberna-jatetxeak ere.

PVR bat frogatu dut

Gari Araolaza 2010/07/16 00:02
PVR edo Personal Video Recorder. Horixe frogatu dut duela zenbait aste ETBko Teknoflash programako Iñaki Olanori esker. Tresna honi esker telebista modu berezian ikusi daiteke.
Memup Mediadisk ZX

Hauxe da Memup Mediadisk ZX HD Series katxarroa.  Zenbait datu:

  • 2Tb-eko diska (2.000 GB inguru dira)
  • DVB-T HD TV tuner (nik esango nuke bi zituela, kanal bat ikusi eta bestea grabatu ahal izateko)
  • Mpeg, XviD, H.264, VC-1, RM/RMVB
  • Jukebox: mp3, wma, wav, aac, ogg, flac, Dolby Digital, DTS
  • Digital photo: jpg, bmp, png, gif
  • Subtitles SSA, SMI, SRT, SUB, SUB+IDX
  • HD recording 1080p
  • USB host & slave
  • SD HC/MMC/MS reader
  • HDMI
  • Wifi eta Ethernet

Hau guztiaren itzulpena

Gauza asko pakete berean sartuta:

  • LTD dekodetzailea
  • 2 TB-etatko disko gogorra
  • Bideo grabatzailea (disko gogorrean grabatzen ditu filmak, HD)
  • Argazkiak, bideoak, mp3an duzun musika eta abar entzuteko tresna.
  • Wifi edo sare informatiko bidez entxufatu daiteke, baita USB bidez ere. Sareko diska bezala erabili daiteke.
  • Tresna bera konektatzen da sarera eta BitTorrent bidez pelikulak deskargatzen ditu
  • Bereizmen handiko telebista (HD), baita 5.1 audioa ere.
  • Flickr, YouTube eta horrelakoak telebistan ikusteko aukera, ordenagailu beharrik gabe.

 Telebistako programazio arruntarekin ezin baduzu, horrelako katxarroren bat behar duzu, gauzak nahi duzunean grabatu eta gero ikusteko.

Gutxien gustatu zaidana, bentiladoreak zarata gehiegi ateratzen duela, eta Flickr eta Youtube-ren integrazioa nahiko traketsa dela, baina agian beste aukera handiagorik ez dago teklaturik gabeko tresna batean, ez?

 Gehiago jakiteko, Memup-en webgunean bertan: Mediadisk ZX HD Series

Facebook distantzia motzerako

Gari Araolaza 2010/05/23 08:39
Ia hiru urte daramatzat Facebooken (FB), eta azkenaldian geroz eta gehiago erabiltzen ari naiz.

Bai, FB-ek pribazitate eta segurtasun arazoak ditut. Kontziente naiz, eta berriz ere Interneteko jarduna zentralizatzen ari gara dudarik gabe, informazio gehiegi esku bakar batzuetan. Alde ilun hauetaz jakiteko onena da Teketeni irakurtzea eta gaiaz konturatzea, eta gero nola jokatu pentsatzea. Optimista inkontziente bat naiz agian, eta sarearen autoregulazio indarrean esperantza dut. Pentsatzen dut gauza hauek ere konponduko direla pixkanaka. Ea egia den.

Baina dudarik gabe FBek iraultza txiki bat ekarri du nire ingurura. Han aurkitu ditut lehenengo aldiz nire Internetetik kanpoko lagunak, aspaldi ikusi gabekoak, parkean umeekin egoten garenak eta abar. Interneten ibili naizen azken 12 urteotan jende hau ere ibili da maila desberdinetan, DV irakurtzen, bidaiak erosten, Youtuben bideoak ikusten eta abar. Baina ikustezinak ziren niretzat, eta orain hor daude, askoz gertuago Interneti esker.

Horregatik azkenaldian nire jokaera aldatu dut. Lehen edozeini lagun eskaera egin eta onartzen nion. 180 lagun izatera iritsi nintzen. Orain ez. Orain benetan ezagutu behar dut eta lotura bat behar dut pertsona horrekin lagun egiteko. Gertatzen zaizkidan gauzak kontatu nahi ditut, gertukoei nahi dudana esan, gaur daukadan plana kontatu, lagun batek apuntatu nahi badu, ezezagunek behatua sentitu gabe. Internetetik kanpora ere, inguruan FB bultzatzen ari naiz, benetan inporta zaidan jendea ikusteko eta jarraitzeko aukera delako.

Twitter desberdina da.Twitterren ezezagun askok jarraitzen nau (300 bat jarraitzaile ditut guztira) eta idazteko kontu handiagoz ibili behar da. "Audientziari" gehiago begiratzen diot. Gainera han geek-ak bakarrik gaude, inguruko ebento guztietan ikusten garenak, laneko jendea. Nire eguneroko bizitzako oso jende gutxik ezagutzen du Twitter.

Hizkuntzaren erabileraren aldetik ere askoz gehiago egiten dut gazteleraz eta inglesez Twitterren, FB-en baino. Badakit euskaraz ez dakien jende askok irakurtzen nauela han eta nahi gabe ere, "audientziari begira" idazten dira gauza asko.

Beste inork egin du erreflexiorik honen inguruan?

Oporren errepasoa

Gari Araolaza 2010/04/13 08:15
Izan ditugun 11 egunetan etxean egon gara eta hemendik egin ditugu txangoak, ia egunero. Etxeratzean egunean zehar ibilitako tokietako detaileak gehitu ditut OpenStreetMap-en. Hemen errepasoa, OSM eta Tagzanian.
Aurkezpena

naiz. Teknogauza guzti hauetaz idazteko sortu nuen bloga, baina orain gai eta maiztasun librean nabil.

Mastodon