Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Kalamuatik Txargainera / Nitaz ez dakizkizuen bost gauza

Nitaz ez dakizkizuen bost gauza

Leire Narbaiza 2007/01/29 18:05

Mime bat egiten dabiltza. Hauda, gai bat hartu, idatzi eta beste bost edo X blogari gonbidatu gai horren gainean ere berba egin dezaten. Enbidoa jasoz gero, blogariek beste bosna blogariri, eta horrela ad infinitum.

Niri Iturrik bota dit. Eta nik eutsi, hona hemen nire bostak:

Un: Ematen ez duen arren, dantzaria naiz, gaur egun, izpirituz baino ez bada ere. Balletarekin hasi nintzen lau urterekin sei urtera arte. Hortik aurrera, euskal dantzekin jarraitu nuen, hogei urtera arte. Bizitza erdi dantzan!

Deux: Futbolera izan naiz, orain gorrotatu arren. Eibar ikustera joaten nintzen eta benetan gustuko nuen. Errealaren errege kopa final bat ere ikusi nuen Zaragozan, Atletico de Madriden kontra. Ez dakit ze pasatu zitzaidan, baina orain ezin dut futbola jasan

Trois: Tren bat gidatu dut. Eibar 2.B mailan zegoenean Lemoara trenez joan ginen, tren-charterrean, eta itzuleran mandoak hartzeko aukera eman ziguten. Zelan ezetz esan?

Quatre: Nire lehengo lana otorrinolaringologo baten kontsultan izan zen. Oso behar atsegina, harreran, jendea hartzen eta tapoiak kentzeko xiringak prestatzen. Zazpi hilabetean ibili nintzen gustura, nahiz eta oso diru gutxi jaso.

Cinque: Janari arau batzuk ditut. Familiak diosta nire arrarokeriak direla, baina nire ustez zenbat zapore ez dira ondo uztartzen. Ezin dut arraina jan ostean sagarra jan, ezta tomate eginaren atzean ere. Ahoan gustu metalikoa gelditzen zait, eta ez dut batere gogoko.

Askoz gauza gehiago konta nezakeen baina hau izan da nire aukera. Orain nik beste bosti bota nahi diet enbidoa: Asier Sarasuari, Oier Araolazari, Elena Lakari, Oier Gorosabeli, Markos Zapiani

Horra nire enbidoa, orain jakin behar blog hau irakurtzen duten, eta irakurrita ere eusten dioten. Nik neuria bete dut, behintzat!

etiketak:
asier
asier dio:
2007/01/30 22:33

nik irakortzen dot zure bloga.

Horrekin nahikua dakat?

Edo horretaz gainera, meme-lokerixak idaztia be egokittu jata? Derrigor? Bestela ez destazu pellarik jaten emongo?

iturri
iturri dio:
2007/01/30 20:33

Kaixo Leire:

Eskerrik asko nire enbidoa erantzuteagatik.

Hori bai, mimea baino, memea da hau.

Ostiralera arte.

oier
oier dio:
2007/01/31 19:46

Ai ama, zelako insumiso kuadrilliari pasau detsazun txanda Leire. Ni be enterau naiz gonbidapenakin, baina gaur ez nago oso animoso, asike momentuz horretan lagako dot.

oier g
oier g dio:
2007/01/31 01:01

Ni be bai naiz zure irakorlia, baiña hau kolpe baju bat da. Enano hau be hazi egin jatzu...

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Leire Narbaiza Arizmendi

Irakaslea eta blogaria (+)

Madalenak Kafesnetan

Madalenak Kafesnetan

Madalenak Kafesnetan atala
#MadalenakKafesnetan

Artxiboa
2019 2018 2017 2016 2015 2014 2013 2012 2011 2010 2009 2008 2007 2006 2005
Kontagailua