Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Alfonso Armadaren hilean behingo strip-tease sentimentala

Alfonso Armadaren hilean behingo strip-tease sentimentala

Mikel Iturria 2011/01/23 22:36
Madrilgo Cuarta Pared aretoan. Ruper Ordorika ere egotekoa da.

Aurrekoan kontatu nuen bezala, urteko lehen astea Madrilen pasa nuen, oporretan. Bertan egonik ere, berandu enteratu nintzen Cuarta Pared aretoan Pablo Guerrero kantautorea aritu zela urtarrilaren 3an.

Zehatz-mehatz esateko ez zen Guerreroren kontzertu bat izan. Ekimena Alfonso Armada kazetari, dramaturgo eta poetaren ideia bat da eta Strip-tease Sentimental da jarri dion izena. 2011n zehar hileko lehen astelehenean Armada musikari batekin igoko da eszenatokira. Musikariak bere kantak jorratuko ditu eta Armadak, berriz, TSYC: Diario de sombras liburuko poemak irakurriko ditu (1990 urtean Sobiet Batasunetik barna eginiko bidai batean idatzitakoak omen dira).

Parentesia zabalduko dut: Alfonso Armada Frontera D izeneko aldizkari digitalagatik ezagutzen dut. Ander Izagirrek publikatu izan baititu artikuluak bertan. Itxi parentesia.

Esan bezala, lehen strip-tease saioa urtarrilaren 3an izan zen eta oso-osorik zintzilikatu du Agora News agentziak. Ordubeteko emanaldia da eta ez dut oraindik osorik ikusi. Lehen ordu erdia, gutxi gora behera.

Toki ezberdinetan ageri den zerrendaren ordenari kasu eginez gero, Ruper Ordorika azaroan arituko litzateke Cuarta Pared aretoan. Ea joaterik dudan.

Hurrengo emanaldia otsailaren 7an izango da eta gonbidatua Álvaro Deudero izango da.

Strip-tease sentimental (y mensual) de Alfonso Armada, este apunte en castellano.

Ander
Ander dio:
2011/01/24 02:05

Aibala! Datorren astea Madrilen pasako dut eta Armadarekin plana daukat. Ze tipo fina den. Pena, ez dela emanaldirik tokatzen!

iturri
iturri dio:
2011/01/24 02:10

Aupa, Ander.

Idaztekotan egon nintzen jakiteko ea Alfonso Armada hau Frontera D-ko bera ote zen, baina nonbaiten irakurri nuenez, ez dizut ezer esan.

Interesgarria iruditu zitzaidan eta horregatik ekarri nahi nuen nire txokora, nire txokoetara. Bihar edo etzi jarriko dut gaztelaniaz.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter