Ruper Ordorika Madrilen azaroaren 7an
2000ko azaroaren 2an egin genuen topo lehen aldiz Javier Ortiz eta haren artikuluak sarean jarraitzen genituen hainbat lagunok: Pako, Juanjo, Belentxo, Manuel...
Santa Ana plazako taberna batean geratu ginen. Afaldu ondoren, Ruper Ordorikak Café Central aretoan eman zuen kontzertura hurbildu ginen eta orduan ezagutu nuen ere Ruper.
Urte honen hasieran, Madrilen egon nintzen eta ikusi nuen Alfonso Armada poeta eta kazetariak hilean behin Cuarta Pared aretoan antolaturiko Strip-tease sentimental ekimenean parte hartuko zuela Ordorikak. Ahaztuta neukan, baina larunbatean, bat-batean, gogoratu nintzen Alfonso Armadaren tuit bat sarean ikusi nuenean. Sarean bilatu eta topatu nuen eguna: Ruperrek azaroaren 7an joko du.
Igande eguerdian, berriz, joateko erabakia hartu nuen: azaroaren 7an, arratsaldez, joango naiz Madrilera eta hurrengo goizean bueltatuko naiz.
Espero dut 2000eko egun hartan topatu ginen batzuk berriro elkar ikustea.
Post Scriptum moduan bi ohar gehiago.
1.- 2000ko urriko azken astean ETAk bonba bat jarri zuen Madrilen. Autobus urbanoa pasatzen ari zela lehertu zen bonba eta lau hildako utzi zituen.
2.- Duela hamaika urteko kontzertu hartan, Ruperrek Leopoldo María Panero poetaren Peter Punk poema jo zuen. Zorte pizar batekin, ea Ruperrek zuzenean berreskuratzen duen emanaldi honetarako.
Ruper Ordorika estará el 7 de noviembre en Madrid, este apunte en castellano.
