Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Primeran

Primeran

Mikel Iturria 2010/06/14 22:07
Reala igo da Lehen Mailara. Nire herriko taldea, berriz, 2. B mailatik oso gertu dago.

Jolasten

Goizeko 11:00etan geratuta geunden atzo... baina ni berandu iritsi nintzen. Alde Zaharrean bueltaren bat eman eta trago batzuk hartu ondoren, Amarako jatetxe batean bazkaldu genuen.

Bazkaldu ondoren, Anoeta Estadiora hurbildu ginen. Eta hor bizi (ge)nuen lehen emozioa, taldearen autobusa gerturatu zenean. Munduko vuvuzela guztiak baino zarata handiagoa atera baikenuen zaleek.

Kosta zitzaidan 7. atera iristea hainbeste jende artean, baina garaiz nengoen nire eserlekuan. Partida hasi zen, azkenean. Eta ekipoa lotuta ikusi nuen lehen zatian. Eskerrak bigarrenean hobeto jarri zirela gauzak eta penalty bidez aurreratu ginela. Buenok bigarren gola sartu zenean, orduan dena salduta zegoen.

2010eko ekainak 13a Realaren historiako beste data bat. Egungo neska-mutiko errealzaleek taldeari lotuko zaizkio, gu 1981ean eta 1982an itsatsi ginen bezala.

Donostian hori gertatzen zenean, Kordoban Real Unionek kategoria galtzeko urrats handia eman zuen. Pena!

iturri
iturri dio:
2010/06/17 00:07

Arrazoia duzu, Patxi. Ezer gutxi gehitu dakioke komentario honi.

Une txar asko pasatu ditugu Realaren jarraitzaileok (1992 edo 1993tik naiz bazkide) eta orain gozatzea tokatzen da.

Datorren urtea ez da erraza izango eta ikusteko dago Anoetako "txistulari berriek" zer nolako eragina izango duten. Nahiago dut jende gutxiago, baina leiala.

Dena den, uste dut haur asko Realekoak egin direla urte honetan. Ea beraiek behintzat ohitura onak hartzen dituzten.

patxi lurra
patxi lurra dio:
2010/06/15 19:00

Non egon dira sartuta "jarraitzaile" horiek guztiak basamortuko sasoi luze honetan guztian? Ez da harrigarria neorrealista hauen guztien etorrera? The Daily Basquek zirikatzen badau apur bat eta banderatxoak oparitu jentea animatzen da animatzera? Horren erraza zan jentea mobilizatzea? Orduan zergaitik ez dabe askoz lehenago egin, esate baterako orain dala hiru urte? Igual ordutik egongo ginan Lehen Mailan. Irabaztea danoi gustetan jaku, danoi, baina (oso) animatzaile txarrak gara taldea animatzeko beste nonork animatu behar bagaitu.

Izan be guzurra da jokalariek, Martin Lasartek eta Aperribai presidenteak dinoena. Hau guztia ez da afizinoari esker gertatu. Benetako jarratzaile gitxi deuko Errealak, gainontzekoak zaldi irabazlean momntau diranak dira. Festara apuntau diranak azken 3 urte hauetan (eta aurretik be) taldeari bizkarra emon ostean.

Ez, ez ziran hain txarrak lehenago eta ez dira hain onak orain jokalariak. Eurena da igoeraren meriturik handiena, zalantzarik ez, arazo ekonomiko larrien aurrean (Xabi Prietorena bereziki txalogarria da), ustezko jarraitzaile deprimitu, hiperpasiboak eta hiperkritikoen aurrean eta bestelako oztopoen aurrean (epaileak eta beste) balentria hau lortu dabe. Martin Lasartek meritu dexente egin dau, Jokin Aperribaik beste hainbeste, kanpora animatzera jundako jarraitzaile fin apur horiek, astez aste etxean egondako jarraitzaile fin apur hauek... Horiek guztiek bai merezi dabela poz itzel hau.

Momentu txarretan erakusten dau norberak benetako izaera. Aupa Real, ehun urtez eta gehiagoz!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter