Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Prentsari begira

Prentsari begira

Mikel Iturria 2008/05/06 08:00
Oporretan nago eta prentsa irakurtzen egon nintzen atzo goizean.

Atzo, gosaldu ondoren, ABC, El Mundo eta El País periodikoak irakurri nituen gainetik, baina eguneko albistei erreparatuta:

Calvo Sotelo presidente hil berriari eskainitako tarte luzeak, hala moduzko alabantza eta losintxa nekatuak eta nekagarriak alde guztietatik (zentrokoa, UCDkoa, zelako izanen da).

Real Madrid ahalguztidunak irabazi zuen igandean liga titulua. Eta zuzenean ikusi nuen taberna batean, mallorquinez mintzatzen ziren gizonak buila batean, pozik, gin-tonica eskatzen garaipena ospatzeko. Harrigarria egin zitzaidan, baina ez da hain harrigarria, itxuraz, zeren eta nagoen tokitik gertu jaio zen igandean ere Bartzelonan garaile izan zen Rafael Nadal tenislari bikaina eta bera ere madridista da, nahiz eta osaba Bartzelonako futbolaria izan bere garaian.

Ikusi nuen ere Mariano Rajoy (edo Raxoi) nola egurtzen duten Pedro Jota-renean. Gero, telebistan, ikusi nuen Calvo Soteloren hileta-karabana osatzen, Madrilgo bi agintariren erdian, alkatea eta Komunitate Autonomoko buruaren erdian, bakoitza berera, hitz erdirik esan gabe.

Gehien harritu ninduena, berriz, José María Ridao zutabegilearen artikulu luzexka Europar Batasunak onetsi nahi duen legeria dela-eta. Zortzi milioi atzerritar legoke kanporatze bidean, Sarkozyk eta Berlusconik  sustaturiko arauak aurrera eginez gero.

Lerro hauek sareratu ditut SaXarxa izeneko lokutorio batean. Alhuzemaseko ordua dago, besteak beste, lokaleko lau erlojuetatik batean. Ez da oso abila izan behar jakiteko jabea bertakoa dela. Bai, Ahmed bertakoa da. Berarekin gogoratu naiz Mariak bidali didan gartzelan hilda agertu den Abdel Ouahid Ahadouch presoaren albistea irakurri dudanean.

Bukaeran ikusi dut jada hamar mila hildako ekarri dituen desastre (natural) berria. Hamar mila, jode!!!

leire
leire dio:
2008/05/06 19:53

Mundua holan, eta zu bittartian, oporretan. Batzuk bizi dira, bizi! Zelako enbixia! Aprobetxaizu, ze munduak bardin jarraittuko dau zu oporretan egon ala ez. Disfrutaizu, kaguen zotz!

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter