Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Martxoak 29: greba orokorra #m29greba

Martxoak 29: greba orokorra #m29greba

Mikel Iturria 2012/03/29 09:36
2040. urtetik zatozen horri: gaur, 2012ko martxoaren 29a greba orokor eguna izan zen Euskal Herrian eta Espainiako erresuman. Ez, oraindik ez ginen Europa mailan erantzuteko gai.

Joan den asteartean, martxoak 27, Donostia Antzerki Sariaren gala egin zen Victoria Eugenia Antzokian. Gure bide galduak antzezlanak, Dejabu Panpin Laborategiarenak, merezita irabazi du 2011n Donostian emandako euskal antzerki onenaren saria. 1975. urtearen bueltan Euskal Herrian bizitako giroa du elikagai: herrietatik (euskal zein kanpotik) etorritako etorkinak, fabrikak, euskal kultura errekuperatzeko taldeak, tabernak, etab.

Egileak eta aktoreak urte haren bueltan jaiotakoak dira. Ez dakit hogeitaka urte barru zer kontatuko duen euskal antzerkigintzak gaur egun bizi dugun garai honi buruz, baina erreparatu beharko lioke, adibidez, Greba Euskal Herrian webguneari. Hots, ez gaur, 2012ko martxoaren 29an, hogeitaka urte barruan sarean egongo den webguneari baino. Espero dezagun norbaitek gordeko duela memoria hori.

Zeintzuk izango dira hogeitaka urte barru indarrean egongo diren sare sozialak? Twitter? Auskalo non egongo den 2040. urtearen bueltan eta ez dakigu sare sozialak kontzeptua bera ere mantenduko ote den (blogak, berriz, bai egongo direla). Bada @grebaorokorra izeneko erabiltzaile bat zegoen greba eguneko zeraren berri emateko. Aurreko egunetan #grebaorokorra izan zen erabilitako traola eta greba egunean bertan #m29greba (twitter-eko gauzak).

Edukiak nola sareratu esplikatuz bideo bat egin zuten Youtuben.Youtube ez badago 2040 urtean, begiratu Wikipedian.

29 de marzo: #huelgageneral #29m #m29greba, este apunte en castellano.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hiru ken lau (idatzi zenbakiz) ?
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter