Irribarreak
Astearte goizean honen azpian ikusten duzuen kartel batekin egin nuen topo. Lehenengo euskaraz: "Lana bukatutakoan… irrifarreak sortuko dira". Gero, gazteleraz ikusi nuen: "Al final de la obra… nacerán sonrisas".
Kartel edo lona gehiago ikusi nituen ere hirian barrena eta atzo komunikabideetan izan genuen kanpaina honen berri. Donostia.org
webgunean igotako prentsa-oharra irakurriz gero:
"Donostiako Udalak, hiriko alkate Odon Elorzaren ekimenez, gaurdanik kanpaina bat abiarazi du donostiarrak hiri-lanen premiaz, hiri-lan horien garrantziaz eta bukatutakoan hiri-lan horiek hiriarentzako ekartzen duten hobekuntzaz kontzientziatzeko".
2013an Donostiako Udalak ospatu nahi du hiria erre ondorengo berpiztearen bigarren mendeurrena. Gainera, 2016an Europa mailako kultur hiriburua izandatzeko hautagaitza aurkeztu du.
Ez dakit irribarrerik izango ote dugun, baina irudia ez zait gustatu.
"Donostiako Udalak, hiriko alkate Odon Elorzaren ekimenez, gaurdanik kanpaina bat abiarazi du donostiarrak hiri-lanen premiaz, hiri-lan horien garrantziaz eta bukatutakoan hiri-lan horiek hiriarentzako ekartzen duten hobekuntzaz kontzientziatzeko".
Hara, berriz ere Odon, "el hombre hormigón" izenez ere ezaguna, autobomboa ematen, ene... Auditz-Akular, errauskailua edo Monpaseko pasealeku "flotantea" (Uliako magala ukitu ere egingo ez duena, antza. Helikopteroz jarriko al dute...?) bezalako egitasmoen propaganda hutsa egiten, bere burua zuritzeko, jakina.
Bo, bo... hamaika ikusteko jayuak gea!