Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / In memoriam: Iñigo Muguruza

In memoriam: Iñigo Muguruza

Mikel Iturria 2019/09/05 17:35
Gaur, 2019ko irailaren 5ean, zendu da Irunen. Gugan bego.

Marivi Ibarrolaren argazkia

Argazkia: Marivi Ibarrola. Iñigo Muguruza (erdian). Gidari Fermin. Alboan Poch.

Gaur blogean idazteko asmoa nuen. Atzoko kontu batzuei tiraka, goizaren erdian haizea biratu eta kontra hasi da. Nire kontra. Gure kontra.

Lagun batek esan dit Iñigo Muguruza zendu dela.

Eta hitzik gabe geratu naiz.

Iñigoren berbak topatu behar izan ditut esklerosi anizkoitzaren berri ematen duen blog batean. 2016ko irailaren 30ekoak dira. Nire ikuspuntua gaur egun, zioen Muguruza anaietako txikienak, gaixotasuna atzeman eta urtebetera edo.

Zati hauxe lapurtuko diot gaur:

"Atzo lagun batek Snoopy-ren tira bat bidali zidan whatsapp-etik: Snoopy eta Charlie Brown hondartzako petril batean daude eserita.

-Charlie: badakizu? Egun batean hilko gara.

-Snoopy: bai, baina gainontzekoetan ez".

Eta kantu bat. Joxe Ripiau garaikoa. Bizitza triste eta ederra.

Gugan bego, Iñigo.

Eguneratzea: Joni Ubedak bidali dit Iñigo Muguruzak zuen blog baten lotura. Keawe zen bere ezizena.

In memoriam: Iñigo Muguruza. Este apunte en castellano.

Joni Ubeda
Joni Ubeda dio:
2019/09/05 18:19
triste nago, ezin burutik kendu, gizon alai bat joan zaigulako.

gaixotasuna gaur aipatzea ezinbestekoa izango da, berak ere idatzi zuen bere gaixotasunaz. orduak egunak igaroko dira eta inigoren alaitasuna gailenduko da. detaile asko datozkit burura, baina errepikakorrena zait Entzun aldizkarirako egin nion elkarrizketan disko berriaz galdetu eta "garagardoa hartu eta burutik behera botatzeko modukoa dela" erantzun zidanean. erantzun hori bere izaeraren oso adierazgarria zen.

joan zinen baina hemen zaude oraindik. Hau suertea gurea, zu ezagutu izana!

biba eta gora, eta begirune osoa


PD
Twitterren aipatu dut, Sustrai Colinari eskaini zion elkarrizketa behin baino gehiagotan irakurri dut. Serio demonio jartzen zenean, oso hausnarketa onak egiten zituen.
https://www.argia.eus/argia-astekaria/2253/inigo-muguruza
Mikel Iturria
Mikel Iturria dio:
2019/09/05 18:26
Eskerrik asko, Joni.

Beti alai gogoratuko dugu.
Xaun
Xaun dio:
2019/09/05 20:32
Kolpe latza.

Gainontzeko egunetan bizitzen segitu beharko diagu, eta Iñigoren oroitzapenak eta legatua geure baitan eramango diagu.

Ez adiorik, Iñigo.

P.S.: 'Keawe' izengoitiarekin 'Napartheid' komikian bere marrazkiak argitaratzen zittiken Iñigok.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Nuevo blog Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter