Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Ezeraiketak Erakusleihoan

Ezeraiketak Erakusleihoan

Mikel Iturria 2008/02/19 06:00
Mikelazulo Elkarteko bost kideren proiektua da "Ezeraiketak". Otsailaren 21ean Donostiako Ernest Lluch Kultur Etxean arituko dira.

2004an hasi zen Erakusleihoa. Oker ez banago, Oier Iruretagoiena aka Tüsüri (oraindik) gazteari egokitu zitzaion bere lana programa honetan erakusten zuen bigarren artista izatea. Garai hartan hamazazpi urte betetzeke zegoen oraindik.

Lau urte pasa dira jada eta Oier Bilbon dago egun ikasketak burutzen. Halere, ez du herrikoekin zuen loturarik galdu. Horren adibide da proiektu hau, Mikelazulo Elkartearen inguruan dabiltzan bost lagunek prestatutakoa:

ezeraiketakNortzuk: Iker Fernandez eta Asier Sarasola (testuak); Oscar Manso eta Oier Iruretagoiena (musika) eta Ander Fernandez (argiztapena).

Non: Ernest Lluch Kultur Etxeko areto nagusian (Anoeta Estadioko 8. atearen aldamenean).

Noiz: otsailaren 21ean, arratsaldeko 19:30etan.

Sarrera: doan.

Prentsa-oharrak dio: "Ikuskizun honek taldeko kide batek Parisera egindako bidaian du abiapuntu. Bertan, kubisten lana ezagutu eta horiengan inspiratuta, gitarra melodia bat sortu zuen. Hari horri heldu eta, taldearen laguntzaz, deskonposaketa prozesu antzekoa erabili nahi izan zuten, baina margoen ordez literatura eta musikan oinarrituz. Abiapuntu izandako gitarra melodiak gailu elektronikoen bidezko zatiketa eta berkonposaketa kaotikoak jasan zituen, eta emanaldirako sortutako testuak ere esaldien deskonposaketa eta berkonposaketak hartu zituen ardatz".

Kartela Neus Caamañorena da.

En castellano

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter