Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Durangoko Azokari begirako musika uztaren zenbait ale

Durangoko Azokari begirako musika uztaren zenbait ale

Mikel Iturria 2009/10/01 22:13
Aste honetan bertan aurkeztu dute Durango Azokaren 44. edizioaren kartela. Musika industria (edo artesanoak?) hasi dira udazkeneko uzta erakusten.

Lehenengoa, irailaren 14an hain zuzen ere, Berri Txarrak taldea izan zen. Payola diskoarekin beste koska bat gorago egiteko prest daudela dirudi: Roadrunner diskoetxearekin kaleratutako lana, Steve Albiniren produkzioa, Espainiako zerrendetan (AFYVE) 7. diskorik salduena pasa den astean, kritika on batzuk jaso dituzte jada...

Irailaren 30ean, berriz, Bide Ertzean taldeak aurkeztu zuen urte hasieran Tolosan grabatutako emanaldi elegante eta hunkigarri hura. Leidor Sessions CD-DVD formatuan atera du Gaztelupeko Hotsak zigiluak. Kontzertu batzuk ematekoak dira azaroan eta apuntatu dut agendan azaroaren 6an Andoaingo Basteron emango dutena.

Jabier Muguruzak hamargarren diskoa publikatu berri du. Elkar utzi du berriro eta Madrilgo Resistencia diskoetxearekin ikusi du argia Taxirik ez lanak. Urriaren 30ean Donostiako Lugaritzen ikusteko asmoa daukat. Azken bi diskoetan hirukote formatuan aritu da zuzenean, baina bateria eta baxua berreskuratu ditu irundarrak eta ikusiko dugu ea zer formatuarekin aritzen den taula gainean.

Anarik, aurrekoan bezala, Bidehuts mekanismoarekin Irla izan lana publikatuko du. Eta azaroaren 5ean egongo da Donostiako Gazteszenan (Egia Kultur Etxean). Maite Goñik bota zuen pasa den astean asko gustatu zitzaiola Anarik primizian erakutsitako lana. Eta guk sinisten diogu. Amen.

Ruper Ordorikak ere kontatu zuen bere gunean ekainean Brooklyn-en egon zela grabatzen disko berria, azaroan kalera irtengo dena. Donostiako Antzoki Zaharrean arituko da abenduaren 17an, 90eko ostegunetako emanaldi haiek gogoan, asko maite dudan gunea. Oñatiarrak Elkar diskoetxearen aterpea izango du.

Bost euskal abeslari edo talde, bost bide. Krisiak krisi.

Parte de la cosecha musical para Durango, este apunte en castellano.

cineffo
cineffo dio:
2009/10/02 10:07

ez dakit gustatzen zaizun, Mikel...baina Mikel Urdangarinek diska berria atera du ere, "Zubia". Betiko ondan. Nik gogoko dut.

Maite
Maite dio:
2009/10/04 12:56

Halaxe da, Iturri, benetan zoragarria iruditu zitzaidan! Kotxeko saioa luxu bat izan zen: letren azalpenak bere ahotik (letrak ondo aztertzeko modukoak dira, oso mamituak eta oso mamitsuak), diskoan sartu ez dituen abestiak entzuteko aukera... Azaroaren 5ean eszenatokian ikusteko irrikaz nago. Agian, Muguruzarena ikustea ere hurbilduko naiz... ;-)

iturri
iturri dio:
2009/10/02 10:44

Ba ez, Cineffo, Urdangarin ez zait gehiegi gustatzen.

Dena den, bost aukeratu nituen, Donostia inguruan jo(ko) dutenak datozen hiru hilabeteetan.

(Bide batez, bitxia egin zitzaidan Teleberrin iragartzea irailaren erdialdean DOKAn Berri Txarrak taldeak egindako kontzertu "sorpresa". Beteta zegoen aretoa, klaro).

Inoren Ero Ni taldeak ere kaleratu du Fosbury mxlp-CD formatuan. Eta atzo The Brandy Hips taldeak bideoa aurkeztu eta kontzertua egin zuen zuen Egiako Bukowskin.

Bada mugimendua, beraz.

Eskerrik asko komentarioagatik, Cineffo.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter