Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Donostia eta Zinemaldia

Donostia eta Zinemaldia

Mikel Iturria 2013/11/10 18:12
Aste honetan behin baino gehiagotan irakurri dudan paragrafoa.

"Jon Sarasuak, bere azken liburuan, galde egiten du zer galduko lukeen Donostiak Zinemaldia kenduko balitzaio. Bere ustean, ez asko: sektore batzuek bai, baina hiriak hiri bezala ez. Alabaina, Juan Karlos Izagirrek azken Musika Hamabostaldia aurkeztu zuenean, zera esan zuen: “Zinemaldia, Jazzaldia eta Musika Hamabostaldia dira Donostiako kulturaren oinarriak”. Beraz, [barre egin du] monarkikoa izaten jarraitzen du Donostiak, Bildurekin ere".

Gorka Bereziartuak Koldo Izagirreri eginiko elkarrizketatik. Donostiak ez daki zein diren bere problemak.

Aste honetan behin baino gehiagotan irakurri dudan paragrafoa, bai.

Benetan hori da Sarasuak eta Izagirrek pentsatzen dutena? Nik ez dut ezer ulertzen.

josu azpillaga
josu azpillaga dio:
2013/11/11 10:02
Buruz ari naiz, baina uste dut Sarasuaren liburuan ez dela hori esaktamente horrela kontatzen.

Foru Aldundiko bileraren batean, Aranbururekin oker ez banaiz, kulturako diruak nola kudeatu ari zirela, lehentasunen adibidea planteatu omen zuten. Zinemaldia vs euskal literatura, adibidez. Zinemaldia galduz gero herri bezala (kontestuan Euskal Herri ulertzen dut nik, ez Donostia) zer galduko genuke? Eta, euskal literatura galduz gero? Euskararen herri bezala, lehena preszindibleagoa dela iradokitzeko, sartzen du liburuan pasartea, nik uste.

Ea pasartea zehatz-mehatz begiraterik dudan, baina esango nuke hola dela maomeno.

Eta niri oso gauza logikoa iruditu zitzaidan irakurri nuenean... ;-)
Gorka Bereziartua
Gorka Bereziartua dio:
2013/11/11 11:09
Esango nuke paragrafoaren gakoa Juan Karlos Izagirreren adierazpeneko "kulturaren oinarria" hitzetan dagoela (edo hala interpretatu nuen nik behintzat elkarrizketaren testuinguruan). Horrelako jaialdi handiak izan litezke inongo kulturaren oinarri? Oinarria eguneroko kultura ez al da?
iturri
iturri dio:
2013/11/11 21:47
Eskerrik asko Josu eta Gorka iruzkinengatik.

@josu Sarasuarena pendiente daukat, baina ez dakit irakurtzeko astirik izango ote dudan. Hainbat liburu pilatuta baititut ezin salida emanda.

@gorka Logikoa iruditzen zait alkateak hori esatea Musika Hamabostaldiaren prentsaurrean. (http://gaur.donostia.org/kulturaren-etxe-kulturaren-aterpe) "Kulturaren aterpe" izendatu zituen Nerea Txapartegik kultur etxeak duela gutxi, kultur etxetako zerbitzuak eta ikastaroen hasiera baloratzeko prentsaurreko batean.

Hau da, garrantzizkoak dira Donostian udako jaialdi horiek, baina urtean zehar ere hau ez da basamortu bat.
Gorka Bereziartua
Gorka Bereziartua dio:
2013/11/12 13:32
Ez noski, baina aitortzen al zaio eguneroko eskaintza horri jaialdiei aitortzen zaien garrantzia? Hori da nik daukadan zalantza. Hiriaren izaera kultureta nabarmendu nahi denean estandarteak ez al dira beti berdinak? Eta ulergarria izan liteke, egun batzuetan hasi eta buka egiten direlako, gune jakin batzuetan zentralizatzen direlako, "izarrak" orduan etortzen direlako. Baina...
Luistxo
Luistxo dio:
2013/11/14 15:42
Nola txioak haizeak eroaten dituen... nik esan nuen Zinemaldia gainean genuenean, niri "ebento hispanoamericano" bat iruditzen zaidala. Bale, ba orain haizeak ez eroateko lekuan utzi dut, Eibar.org-eko blog batean. Badakit ikuspegi minoritarioa dela hau eta jendeak oro har disfrutatu egiten duela hiria foko mediatiko horretan ikusten edo zinera joaten. Baina niri dizerdit Zinemaldiak, hori da egia. Eta izarrak "Donostia sarietara" ekartzeak, hori baino gehiago: potroak ikutzen dizkit dirua horretan gastatzeak.

Horrez gain, beste elkarrizketa bat Izagirrerekin http://paperekoa.berria.inf[…]suntsitu_dute_donostian.htm

Gustatuko litzaidake ba, Antiguara joandako burges ertain gisa (edo), inork irteera esplikatibo bat antolatuko balit BentaBerri aldean hango fabriken berri emateko. Ni apuntatzen naiz. Antolatzera animatzen zara Iturri?
iturri
iturri dio:
2013/11/18 21:37
Apuntatzen dut zuk diozuna, Luistxo. Ea zerbait egiterik dagoen, baina ez dakit nondik hasi. Buelta bat emango diot gaiari.

P.S.: eibar.org-eko blogen sistema txotxolo samar dabil azken boladan eta e-mail bidez hemen komentarioa uzten duzuenon berri ez dit ematen. Besteak beste.
Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter