Donostia deskosmopolitizazio bidean
Mikel Iturria
2011/06/26 17:56
Donostia deskosmopolitizatu beharra dago. Nork deskosmopolitizatuko du? Deskosmopolitizatuko duena deskosmopolitizatzaile onena izango da.
La ciudad se va a hacer, probablemente, más aldeana, mucho menos cosmopolita y no va a estar en los grandes eventos
Esaldi hori irakurri dugu aste honetan Sustatun. Zapatero gobernuko ministro den Ramon Jaureguirenak dira hitzok. Zergatik dio hori ministroak? Alkatea eta udala osatzen duten alderdi guztietako kideek San Juan bezperan Konstituzio plazan egindako dantza-saioagatik, adibidez? Ba eskertzekoa iruditzen zait partidu guztietako kideek elkarrekin agertzeko eginiko esfortzua.
Hobe kontua umorez hartzea, Zaldieroak egin duen bezala. Badator Donostiako deskosmopolitizazioa. Hona hemen aste honetako hiru, Berriaren webgunean daudenak.
Donostia camino de la descosmopolitización, este apunte en castellano.
Kultura bat gehiago (batez beste) deukogu eurek baino. Geure kultura seriotan, folkloretik haratago, kontutan hartu nahi ez badabe be. Geure literatura txartzat jotzen badabe be. Geure musika oso muga itxietan aspalditik sailkatuta badeukie be.
Kultura bat gehiago badeukogunok badakigu zer dan kosmopolitismoa. Asko bidaiatzen dogu, nazionalismoa sendatuta ez badeukogu be. Fermin Muguruza, Orexa TX, Josu Iztueta, Alberto Iñurrategi, Kirmen Uribe, Angel Lertxundi, ... Bokazino internazionalista deukogu, ikusi nahi ez badabe be.
Eskerrik asko Donostiako Udal barria! Eta zorte on donostiar guztiek Kultura Uriburutasun asuntoagaz. Botxotar asko zuekin gagoz. Batez be txuri-urdinak garenok. Aupa Real!