C´est fini?
Gaurko eguna prentsari kasu gehiegirik egin gabe pasa dut, baina bai entzun dudala eguerdian irratian Hernaniko alkatearen korte bat. Marian Betialarrangoitia SER kateko Radio San Sebastián-en egon da gaur. Beste gauza batean nuen belarria jarria, baina entzun dut nola ez duen erantzun nahi izan atzoko ekintzari buruz eginiko galdera. Hernaniko alkate gisa zegoela bera irratian erantzun du.
Orain, gauean, irakurri dut La Vanguardian Batasunak betikoa esan duela atzoko hilketari buruz.
Horren ondoren, Garan sartu naiz eta bertan irakurritakoa ere betikoa da. Behintzat ezker abertzalearen komunikatuari dagokionez. Kirogak eta Pueyok goizean Nafarroan egindako agerraldian zerbait berria dago? Ez dirudi.
Ez dut ulertzen nola ez dagoen ezker abertzalearen posizionamendu askoz ere sendoagoa. Paul Riosen apunte honekin ados nago.
Eltzea sutan probatzen omen da. Sua dago. Bai? Ez? Edota Xabier Etxaniz Rojok Tesia zutabean zioena da kontua? Ezker habertzalearen beste testu aldrebes bat?
C´est fini?, este apunte en castellano.
Benetan betikoa iruditu zaizula komunikatua? Beti esan al du ezker abertzaleak, ekintza larria dela eta prozesuari mesederik egiten ez diona? Beti esaten al du hau: (garatik kopiatua) : Por ello, la izquierda abertzale considera que "la organización armada vasca Euskadi Ta Askatasuna debería de ratificarse en su posición favorable al desarrollo de un proceso democrático expresada en su comunicado publicado en enero".
Agian baikorregi esnatu naiz... Baina goizean albistea irratian entzun dudanean ez zait betikoa iruditu.