Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Ruper Handia

Ruper Handia

Mikel Iturria 2007/12/03 01:00

Iluntze aproposa gaurkoa Ruperren emanaldia ikus-entzuteko Donostiako Bittorin. Ia bi orduko kontzertua eskaini du oñatiarrak, Jon Piris kontrabaxu jolearen babesean gehi Bartzelonatik etorritako bizkaitar biren laguntza puntualarekin, Gorka Benitez saxo jotzailea eta Juan de Diego tronpeta jolea. Sarriren letretan oinarritutako Memoriaren mapan izan da kontzertuaren sostengu, baina egon dira beste lanei eginiko keinuak ere. Amonaren omenez moldatutako "Aspaldian" edo Euskaldunon Egunkariaren itxieraren aurka konposatutako "Zaindu maite duzun hori".

Azken kanta hau aurkezterakoan esan du atzo Elizondon egon zela. Elizako dorrean dagoen erlojua geldirik omen dago. Sentsazio berdina izan ei zuen bertako biztanle batzuk pankartak zabaltzen ikusi zituenean, denbora gelditu denaren sentsazioa.

Kontatu du ere Mikel Laboarekin batera jo zuela lehenengoz Victoria Eugenian, astelehen goizetako eskola garaiko sentsazioarekin, "Ordorika, a la pizarra". Nik ez nuen kontzertu hura ikusterik izan, baina antzoki honetan bertan ikusi nuen lehenengo aldiz Ruper, duela hamabost bat urte, ekainean.

Ruperren asmoa zen gaurkoa Pirisekin egin duen biraren azken emanaldia izatea, baina ez da hori ulertzen Berrian publikatutako elkarrizketa irakurri ondoren. Hori bai, dirudienez, rockeroagoa izango da hurrengo lana, Mugalaris taldearekin berriro aritzeko tenorea iritsi baitzaio. Gerria askatzeko garaia izango da, beraz.

En castellano

etiketak:
Jozulin
Jozulin dio:
2007/12/03 16:24

Galdakaoko kontzertuan kontatu zigun Ruperrek nola berton, aspaldiko Xoxoa estudioetan, grabatu zuen lehen diskoa. Eta bis-etan abestu zigun egun urrun hartan grabatu zuen lehen abestia: Hi hintzena. Eta grabatu zuen lehen diskoko lehen abesti hori Bernardo Atxagaren lehen liburuan (Etiopia) agertzen den lehen poema zela. Makina bat euri egin du ordutik baina zoritxarrez gauza batzuk ez dira aldatu...

mailopete
mailopete dio:
2007/12/03 14:14

Ni Elizondon ez, baina Bilbon izan nintzen goizean 18/98koak han egon behar nuela sentiarazi baitzidan. Diskurtsoen garaia iritsi zenean, haientzat denbora ez zela pasa pentsatu nuen. Etsipenak jota iritsi nintzen Ruperren kontzertura. Eta kontzertuaren gozadak piska bat suspertuta, nolabaiteko poza hartu nuen, eskenategian zegoenak nire sentsazioei hitza eman zienean. Areago, kantatzen hasita "kontuak ez zaizkit ateratzen" esan zuenean. Niri ere ez, "aspaldian".

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Zenbat dira hogei ken bi? (idatzi zenbakiz)
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter