Edukira salto egin | Salto egin nabigazioara

Tresna pertsonalak

Eibarko peoria, San Blasa baino hobia
Hemen zaude: Hasiera / Blogak / Harrikadak / Kolosala da

Kolosala da

Mikel Iturria 2007/10/29 06:00

Nahi baino gutxiago joaten naiz Bilbora. Larunbateko bisitaren aurretik, udaberrian izan nintzen azken aldiz. Orduan, autoa Pio Baroja aparkalekuan utzi eta oinez abiatu nintzen Guggenheim museorantz. Paseoan, inguruari begira, dena kolosala zirudien, handia, erraldoia.

Atzo itxura berdintsua jaso nuen EITB digitalaren egoitza berria bisitatu ondoren. Zer da hori?

Goizeko 11:00ak izateko hamar minuturen faltan genuen hitzordua eraikinaren atarian. Justu-justu iritsi ginen gu, Indautxu plazatik gertu autoa aparkatu ondoren (Atletixaren partida zegoen arratsaldean eta, badaezpada, San Mameseko inguruan ez aparkatzeko gomendioa egin ziguten). Goizane Gernika zen gidaria.

Taldea JVren blogean parte hartzen dugun lagunok osatzen genuen, baita horien adiskide, senide etab. Blogoentzuleak, laburbilduz (nahiz eta etiketa arraro samarra izan: funtsean idatzizkoa den bloga entzun al daiteke?).

Estudiora sartu ginen halako batean eta mikrofonoa sartu zidan JVk. "Eres un cabrón" esan nion bat-batean. Hori atera zitzaidan barru-barrutik. Larunbat gau guztia pasa nuen ordenagailuan: "No dirás nunca más cabrón en la radio" idazten (copy-paste egin gabe).

Esan bezala, Goizaneren atzetik ikusi genituen munstroaren barrualdeak. Aste bukaera izanik ez zegoen jende asko bertan. Gidariak esan zigunez, 600 bat lagun joaten omen da bertara lanera.

Bisita amaitu, kafe makinan denbora luze egon, irratsaioaren bukaeran Cociditoaren bertsio hiperra abestu eta bertako jatetxean bazkaldu genuen.

Traperoari esan behar diot aldameneko mahaian zeudela bazkaltzen ETBko kiroletakoak. Eguerdiko Gaur eguna amaitu ondoren gehitu zen taldera Estitxu Fernandez (ez gurera, kiroletakora).

Kafea, goxua, San Mamesetik gertu dagoen taberna batean hartu genuen. Etxerako buelta Hiper modelistarekin egin genuen.

Eskerrik asko denoi. Hurrengo batean elkar ikusiko dugu.

Oharra: argazki gehiago hemen. Pena ez izatea kalitate nahikorik.

Eguneratzea: 17:45. Hona hemen pasa den larunbatean egon ziren beste zenbait lagunen kronikak edo argazkiak:

Hiper

Ashet

Imurua

RPinzonen argazkiak

Sarituaren ikuspegia, aspaldiko apunterik onena.

En castellano

etiketak:
leire
leire dio:
2007/10/29 23:20

Eta ze berogaillu erabiltzen dabe hori guztiori berotzeko? Zenbat gastatzen dabe?

iturri
iturri dio:
2007/10/30 00:29

Ondo egindako galdera. Ederra izango da gastua.

Patxi
Patxi dio:
2007/10/29 16:41

Iturri, eta ez zenuen erortzen utzi kutxarilaren bat edo, haren ondora, disimulatuki? Hori da hori aukerak alperrik galtzen uztea... ;-)

Ez dezu aipatu ze giro arnastu zenuen bertan. Nik nere irudipenarekin segitzen det, oso hotza iruditzen zait holako egoitza kolosala, holako lan baterako.

iturri
iturri dio:
2007/10/29 19:37

Kaixo: 20 bat lagun hurbildu ginen larunbatean bisitan eta MQP irratsaioko lan-taldea ezagutu genuen. Hauek lan giroa ona zutela ikusi nuen. Gainerakoena? Ideiarik ere ez.

Nire ustez, etxea handiegia da gauza onerako. Baina hori inpresio bat besterik ez da.

Iruzkina gehitu

Erantzuna formulario hau betez utzi dezakezu. Formatua testu arruntarena da. Web eta e-posta helbideak automatikoki klikagarri agertuko dira.

Galdera: Idatzi zortzi zenbakiak erabiliz
Erantzuna:
Aurkezpena

Mikel Iturria aka Iturri, irundar bat eibarnauta elastikoarekin agit&prop egiten.

Pedradas, en castellano

Kontrakoa esaten ez den bitartean, blog honen edukia ondorengo Creative Commons lizentzia honen pean dago:

Somerights20

Stat counter