Herri Irratia: Gregorio Gálvez
Maiatzaren erdialdean Herri Irratia Eibarren mezua bidali zuen Garik "eibartarrak posta zerrendara" eta bertan kotxean RDS bidez Herri Irratia Eibar irakurtzen zuela bere anaia Oierrek. Era berean, Garik irrati hau aldaketa garaian sartua zegoela aipatzen zuen.
Hilabete batzuk pasa dira eta, besteak beste, Mariano Ferrer-ek aldegin du, Laxaro Azkune bota egin dute eta, orain, Gregorio Galvez-en larunbat arratsaldeko irratsaioa (16:00etatik 18:00etara) kendu nahi dutela aipatu zidan atzo lagun batek.
Gaur arratsaldean piztu dut irratia eta saioa entzuten pasa dut denbora gehiena. Beraz, nire lagunak aipatu zidana, jada ezin zela entzun, ez da bete oraindik. Kontua da zurrumurru hau gauzagarria iruditzen zaidala.
Gehienok ezagutuko duzue Gregorio Galvez historiko bat delako Gipuzkoako Herri Irratian. Batez ere, musika irratsaioak egin izan ditu eta bertako rock eta pop taldeei txoko eta bozgorailu bat eskaini die beti.
Deigarria da niretzat beti zer nolako ilusioarekin hitz egiten duen atera berri den azken taldeari buruz.
Ez dakit egia izango ote den. Agian, zuzendaritza saiatu da eta ez da ausartu. Edo agian egia da eta egun batetik bestera kenduko dute ere Gregorio erditik.
Norbaitek badaki zeozer gehiago?
Beti egin zait kuriosoa Galvezen estilo pedantea. Ez diot zentzu txarrean. Berari entzunda pentsatu izan dut Beatles eta Rolling Stones deskubritu zituen irrati esataria entzuten nengoela, horrelako estiloa du.
Eta ez omen nabil hain urrun. Gaizki ulertuta ez badut, bera ibili zen hasierako Duncan Dhu, La Dama se Esconde eta ez dakit beste zenbat inguruko talde bultzatzen.
Zuk diozuna egia bada, pena emango dit, baina ez nau harritzen Herri Irratiaren bideak. Beti pentsatu izan dut oso berezia zela Herri Irratia, eta dialaren oihanean oso zaila zuela publizitatea jaso eta dirua irabazteko. Kontua da hartu duen bide horrekin ez ote duen ez dirurik eta ez pertsonalitaterik izango...